Jeremías 1:9 - Bible in Tzeltal Bachajón

⁹ Hich te Jehová la yac' tal sc'ab, la spicbon que soc hich la yalbon: La jca'bat te jc'op ta awe.

Bible in Tzeltal de Oxchuc y Tenejapa

⁹ Jich yu'un te Cajwaltic la yac' tel sc'ab, la spicbon que soc jich la yalbon:

Jeremías 1:9 ပူးပေါင်းရင်းမြစ်များ

Isaías 49:2

Hich la ya'bon que te bin ut'il espada te huxbil ye, la snac'on ta yaxinal te sc'abe; hich la yac'on te bin ut'il sjayal sni' ya'tejibalul t'ihmalte', la sq'uejon ta yawil.

Isaías 50:4

Te Cajwaltic Jehová la yac' te hich ya xc'opojon te bin ut'il mach'a p'ijuben, scuenta yu'un ya jna' bin ya calbe te mach'atic luhbenique. Ta jujun sab ya stijbon hahchel jchiquin scuenta yu'un hich ya ca'iy te bin ut'il mach'a p'ijuben.

Isaías 51:16

La jca'bat ta awe te jc'op soc la jmucat ta yaxinal jc'ab, la jlim bahel te ch'ulchan soc la jca'be yich'o-ip te bahlumilal, soc hich ya calbe te Sión: Ha'at pueblohat cu'un, xchihon.

Isaías 59:21

Ha ini te chapbil-c'op cu'un ta stojolic, xchi te Jehová: Te espíritu cu'un te ay ta atojol, soc te c'opetic cu'un te la jca'bat ta awe, ma ba ya xch'ay ta awe soc ta ye te anich'nab o te amamatac, yo'tic soc ta spisil ora, xchi te Jehová.

Jeremías 15:19

Ha yu'un hich la yal te Jehová: Teme yac asuhtes awo'tan, ya jcha'hahchat, soc yac atehc'an aba ta jtojol. Teme parte yac awac' te bin t'ujbil soc te bin ma lecuque, ha'at ya xc'opojat ta jcuenta. Ac'a suhtuquic tal ta atojol te yantique, ma ha'ucat te ya suhtat bahel ta stojolic.

Jeremías 34:6

Hich te jalwanej Jeremías la yalbe spisil te c'op ini te ajwalil Sedequías ta Jerusalén,

Jeremías 36:2

Ich'a balbil hun, ts'ihbaya tey a spisil te bintic la jcalbat ta scontrahinel Israel, Judá soc spisil te nacionetic, c'alal bin ora hahch jc'oponat, ha te c'alal ay ta ajwalil a te Josías c'alal yo'tic.

Jeremías 5:14

Ha yu'un hich ya yal te Jehová te Dios te scuentahinej spisil: Te bin ut'il hich la yalic, ya cac' jc'op ta awe hich ya xc'oht te bin ut'il c'ahc', soc te pueblo ini hich ya xc'oht te bin ut'il si' te ya xchic'ot yu'un.

Ezequiel 3:10

Hich la yalbon: Snich'anat winic, ac'a ta awo'tan spisil te bin ya calbat, a'iya me awa'iy ta lec.

Daniel 10:10

Ay c'abal te la spicon, la yac' jquejan hahchel jba ta sjol cacan soc ta stahn jc'ab.

Daniel 10:16

Pero te mach'a pajal yilel soc snich'an winic la spicbon sti'il que, hich la jam que soc c'opojon, hich la jcalbe te mach'a ay ta jtojol: Tatil, hahch jwocol yu'un te nahalsitil soc mayuc quip ya ca'iy.

Números 23:5

Te Jehová la ya'be sc'op ta ye te Balaam, hich la yalbe: Suhtan bahel ta ban ay Balac, ya me awalbe te bin la jcalbat, xchi.

San Mateo 10:19

Teme ac'otex ta c'abal, ma me xanopilan ta awo'tanic bin ya xc'oht awalic soc bin ut'il yac ajaq'uic te c'ope, como ta yorahil ya x'a'botex te bin yac awalique,

San Marcos 7:33

Hich te Jesús jechc'al la yic' bahel te winique, la yotses yal sc'ab ta schiquin soc la stuhbatay yal sc'ab, la spicbe a te yaq'ue.

San Lucas 12:12

como te Ch'ul Espíritu ya me ya'beyex ana'ic ta mero yorahil te bin ya sc'an yac awalique, xchi.

San Lucas 21:15

como ho'on ya ca'beyex sp'ijil awo'tanic ta c'op, te ma xhu' yu'un ya scomex soc te ya scontrac'optayex spisil te acontrataque.

Deuteronomio 18:16

Como hich la ac'ambe te Jehová te Dios awu'un ta wits Horeb te bin ora ay te tsoblej, te hich la awal: Ma jc'an ya ca'iybeyix xan sc'op te Jehová te Dios cu'un soc te ya quil yan buelta te muc'ul c'ahc' ini, scuenta yu'un ma ba ya xchamon a, xchihat.

Deuteronomio 18:17

Te Jehová hich la yalbon: Lec te bin yalojic.

Deuteronomio 18:18

Ya cac' chicnajuc jalwanej yu'unic ta yohlil te yermanotac, hich te bin ut'il te ha'ate; ya ca'be ta ye te jc'op soc ha ya yalbe ya'iyic spisil te bintic ya calbe.