Jeremías 1:7 - Bible in Tzeltal Bachajón

⁷ Pero la yalbon te Jehová: Ma me xawal te queremat to; yu'un ya me xbahat ta stojol spisil mach'atic ya jticonat bahel, soc ya me awal spisil te bin ya calbat ta mandar.

Bible in Tzeltal de Oxchuc y Tenejapa

⁷ Ja'uc me to, te Cajwaltic la yalbon: —Ma me xawal te mero alalqueremate. Tey me ya xbaat a te bay ya calbat bael mandale, soc ja' me ya awal te bila mandal ya calbate.

Jeremías 1:7 ပူးပေါင်းရင်းမြစ်များ

1 Reyes 22:14

Te Micaías la sjac': ¡Yiloj Jehová, te ha nax ya cal te bin ya yalbon te Jehová! xchi.

1 Reyes 3:7

Yo'tic, Jehová, Dios cu'un, la awotsesix te a'bat awu'un ta sjelol te jtat David. Queremon to, ma to jna' bin ut'il ya x'ochon tal soc bin ut'il ya xloc'on bahel.

2 Crónicas 18:13

Hich la sjac' te Micaías: Yiloj Jehová, ha nax ya cal te bin ya yalbon te Diose, xchi.

Éxodo 6:29

hich halbot yu'un: Ho'on Jehovahon; halbeya te faraón te ajwalil yu'un Egipto spisil te bin ya calbat, xchi.

Jeremías 26:2

hich la yal: Hich yaloj te Jehová: Tehc'ana aba ta yamaq'uil te sna Jehová, c'opona spisil te mach'atic talemic ta pueblohetic yu'un Judá yu'un ya sch'uhuntayic ta sna Jehová, halbeya spisil te c'opetic la jcalbat ta mandar te yac awalbe; ma me ayuc jp'ahluc te ma xawale.

Jeremías 43:1

C'alal laj yo'tan te Jeremías ta yalbeyel spisil te pueblo spisil te bin la yal te Jehová te Dios yu'unic, spisil te bintic ticombil yu'un Jehová te ya yalbe ya'iyique,

Jeremías 7:27

Ha'at, Jeremías, ya me awalbeyic spisil te c'op ini, pero ma ba ya ya'iybat ac'op; yac ac'oponlan, pero ma ba ya sjaq'uic.

Ezequiel 2:7

Ya me awalbe ya'iyic te jc'ope, chican teme ya ya'iyic o teme ma sc'an ya ya'iyic, como mero stoyoj sbahic.

Ezequiel 3:27

Pero teme ay bin ya calbat, ya jambat awe soc hich me xawalbe: Hich yaloj te Jehová, te Ajwalile. Te mach'a ya sc'an ya ya'iy, ac'a ya'iy; te mach'a ma sc'an ya ya'iy, manchuc, como ha jun pueblo te stoyoj sba, xchi te Jehová.

Amós 7:15

Pero te Jehová la yic'on loq'uel ta scanantayel te tuminchijetic, hich la yalbon: Bahan, halbeya sc'op-jalwanej te Israel te pueblo cu'une, xchi.

Jonás 3:2

Hahchan, bahan ta muc'ul pueblo Nínive. Halbeya ya'iy te bin ya calbat, xchi.

Números 22:20

Ta ahc'abal tal Dios ta stojol Balaam, hich la yalbe: Teme talem te winiquetic yu'un ya yic'at bahel, hahchan, bahan soc. Pero ha nax me yac apas te bin ya calbat, xchi sc'oblal.

Números 22:38

Te Balaam la sjac'be sc'op te Balac: Talonix ta atojol. Pero ¿yu'un bal ya xhu' cu'un te biluc nax ya cal? Ha nax ya cal te bin ya yalbon te Diose, xchi.

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

Hechos 20:27

como ma ba la jmuc ta co'tan te la jcalbeyex spisil bintic schapoj te Diose.