Jeremías 1:5 - Bible in Tzeltal Bachajón

⁵ Te c'alal ma to pasbilat cu'un ta sch'uht a te anan, la jna'bat aba; te c'alal ma to x'ayinat a, parte la jcac'at; la jca'bat awa'tel ta jalwanej ta stojol te nacionetique, xchi.

Bible in Tzeltal de Oxchuc y Tenejapa

⁵ —C'alal ma to ayucat ta xch'ujt' ame' a, tsabilatix cu'un a; c'alal ma to x'ayinat a, na'bilatix cu'un a, te ya cac'at ta j'alwanej yu'un te nacionetique —la yuton.

Jeremías 1:5 ပူးပေါင်းရင်းမြစ်များ

Salmos 139:15

Ma ba mucul ta asit te jbaq'uetal te c'alal muquen la jquich' pasel, te c'alal jalbilon ta sc'ubulil te lumq'uinal.

Salmos 139:16

La yil asit te hahch ta chicnajel te jbaq'uetal, ts'ihbabil ta libro awu'un spisil te c'ahc'aletic cu'un, te c'alal ma to ayuc ni junuc a.

Éxodo 33:12

Te Moisés la yalbe te Jehová: Ilawil, ha'at yac awalbon: Ic'a bahel te pueblo ini, xchihat, pero ma ba la awa'bon jna' mach'a a te yac awac' sjoquinon bahele. Pero awaloj: Ya jna'bat abihil, soc lec c'ohemat ta jtojol, xchihat.

Éxodo 33:17

Te Jehová la yalbe te Moisés: Ya jpas te bin la awal, te bin ut'il lec ac'oblal ta jtojol soc te ya jna'bat te abihile, xchi.

Isaías 44:2

Te Jehová, te Jpaswanej awu'un, te mach'a la schahpanat ta yawil alal, te ya scoltayat, hich ya yal: Ma xiwat, Jacob, a'batat cu'un, ha'at, Jesurún, te tsahbilat cu'une.

Isaías 49:1

A'iya awa'iyic, ha'ex te ayex ta ti'ti'mar, a'iya awa'iyic ini, nacionetic ta namal: Te Jehová la yic'on te c'alal ma to x'ayinon a; c'alal swolojon to a te jnane la yalbon te jbihile.

Isaías 49:5

Yo'tic hich ya yal te Jehová, te mach'a la schahpanon ta yawil alal yu'un jnan yu'un ya'bat ya xc'ohon, yu'un ya cac' suhtuc tal te Jacob ta stojol soc yu'un ya jtsob Israel ta stojol, (como lec c'ohon ta sit Jehová soc ha quip te Dios cu'une),

Jeremías 1:10

Ilawil, yo'tic ya ca'bat awa'tel ta stojol nacionetic soc ta banti ya xcuentahinwan ajwaliletic, yu'un yac abul loq'uel soc yac ajin cohel, yu'un yac alajin soc yac atuhquiy, yu'un yac apas soc yac ats'un, xchi.

Jeremías 1:4

Tal ta jtojol te sc'op Jehová, hich la yal:

Jeremías 20:15

¡Ma me lecuc sc'oblal te mach'a hich la yalbe te jtate: Ayinix aquerem-nich'an! te xchihe.

Jeremías 25:13

Ya cac' ya xc'oht ta stojol te q'uinal spisil te bintic caloj ta scontrahinel, spisil te bintic ts'ihbabil ta libro ini, te bin yaloj te Jeremías ta scontrahinel spisil te nacionetique.

Jeremías 36:2

Ich'a balbil hun, ts'ihbaya tey a spisil te bintic la jcalbat ta scontrahinel Israel, Judá soc spisil te nacionetic, c'alal bin ora hahch jc'oponat, ha te c'alal ay ta ajwalil a te Josías c'alal yo'tic.

Jeremías 50:34

Pero te j'ac'aw ta libre yu'unic ha te mach'a ay yip; ha Jehová te scuentahinej spisil te sbihile. Ha me ya xc'opoj yu'unic scuenta yu'un ya ya'be scux yo'tan te q'uinal soc yu'un ya ya'be xiwel te mach'atic nahinemic ta Babilonia, xchi.

San Lucas 1:15

como muc' sc'oblal ya xc'oht ta stojol Dios. Ma me xyuch' vino o bin pajuben, soc ya xnoj ta yo'tan te Ch'ul Espíritu te c'alal wolbil to yu'un snan a.

San Lucas 1:41

C'alal patbot yo'tan yu'un María te Elisabet, la stij sba te alal swoloje. Te Elisabet noj ta yo'tan te Ch'ul Espíritu,

San Lucas 1:76

Ha'at, alal, jalwanejat yu'un te Mach'a mero toyol ay, ya xc'oht abihil; yu'un ya me xnahilijat ta stojol te Cajwaltic yu'un yac achahpambe te behetic yu'une,

San Juan 10:36

¿ha xan te mach'a tsahbil yu'un Dios soc te ticombil tal ta bahlumilal yu'un, te ha'ex yac awalic: Yac abohlc'optaybel Dios, xchihex, ta scaj te la jcal: Ha Snich'anon te Diose, te xchihone?

Romanos 1:1

Pablo, a'bat yu'un Jesucristo, ic'bil ta jpuc-c'op soc tsahbil yu'un yalel te lec yach'il c'op yu'un Dios,

Romanos 8:29

Como te mach'atic nahil la sna'be sba, ha nix la schahpan te pajal yilel ya xc'ohtic soc te Snich'ane, scuenta yu'un muc'ul banquilal ya xc'oht yu'un tsobol ihts'inaletic.

1 Corintios 8:3

Yan te mach'a c'ux ya ya'iy ta yo'tan te Diose, na'bibil sba yu'un stuquel.

Efesios 1:22

Dios la yac' ta ye'tal yoc te Cristo spisil bintic ay, soc ta scuenta te iglesia la yac' te ha jolal c'oht yu'un spisil bintic ay.