Jeremías 1:18 - Bible in Tzeltal Bachajón

¹⁸ Yo'tic hich ya cac'at te bin ut'il pueblo te ay sts'ahcul, hich te bin ut'il oy-taq'uin soc ts'ahc pasbil ta bronce, yu'un scontrahinel spisil te q'uinal ini, te ajwaliletic yu'un Judá, te príncipaletic, sacerdotehetic soc spisil te swinquilel te q'uinale.

Bible in Tzeltal de Oxchuc y Tenejapa

¹⁸ Jich me ya cac'at yo'tic te bit'il lum te ay tulan sts'ajc'ule, jich bit'il oy-taq'uin, jich bit'il ts'ajc' pasbil ta bronce. Jich tulan me ya awac' aba ta stojol spisil ta spamal sq'uinal Judá: ja' te muc' ajwaliletic yu'unic, te jtsobwanejetic soc te sacerdoteetic, soc spisil te yajwale.

Jeremías 1:18 ပူးပေါင်းရင်းမြစ်များ

Isaías 50:7

Te bin ut'il te Cajwaltic Jehová ya scoltayon, hich ma ba q'uexawon; ha yu'un hich la jcac' jsit quelaw te bin ut'il ton, soc ya jna' te ma ba ya xhilon ta q'uexlal.

Jeremías 1:17

Te ha'ate, chahpana aba, tehc'ana aba soc halbeya spisil te bintic ya calbat ta mandar. Ma me xiwat ta stojolic, yu'un teme yac axi'e, ya jxiwtesat ta stojolic.

Jeremías 1:19

Ya me ya'bat guerra, pero ma ba ya stsalat, como ya joquinat yu'un ya cac'at ta libre, xchi te Jehová.

Jeremías 15:10

¡Ay, obol jba, jnan, te la awalatayon, ho'on te ya jach c'op soc te ya jcontrahin spisil te q'uinale! Mayuc bin jmajanej soc mayuc bin cac'oj ta majanel, pero spisilic ya sbohlc'optayonic.

Jeremías 15:20

Ya cac' te ha tulan ts'ahc pasbil ta bronce ya xc'ohat ta stojol te pueblo ini; ya ya'bat guerra, pero ma ba ya stsalat, como joquinejat yu'un ya jcoltayat soc yu'un ya cac'at ta libre, xchi te Jehová.

Jeremías 20:11

Pero Jehová sjoquinejon hich te bin ut'il mach'a bayel yip te ya stsalawan ta guerra; ha yu'un te mach'atic ya yuts'inonic ya me xyahlic, ma ba ya stsalonic; ya me stahic bayel q'uexlal, mayuc bintic ya xhu' yu'unic; stalel pehc'ambil ya xhilic, mayuc bin ora ya xch'ay ta o'tanil.

Jeremías 21:4

Hich yaloj te Jehová te Dios yu'un Israel: Ya cac' suhtuc bahel te a'tejibaletic yu'un guerra te ay ta ac'abic, te yaquex ta ya'beyel guerra a te ajwalil yu'un Babilonia; soc te caldeohetic te sjoytayejex ta spat ts'ahc ya jtsobticlan tal ta yohlil te pueblo ini.

Jeremías 26:24

Pero te Ahicam snich'an Safán c'opoj ta scoltayel te Jeremías scuenta yu'un ma ba ya x'och ta sc'ab te pueblo yu'un ya smilic.

Jeremías 34:3

Te ha'ate ma ba ya xcolat loq'uel ta sc'ab, ya me xtsacotat soc ya x'ac'otat ta sc'ab. Ya me awil ta asit te ajwalil yu'un Babilonia te ya sjucat ta c'op ta asit; soc ya me xbahat ta Babilonia.

Jeremías 37:7

Hich yaloj te Jehová, te Dios yu'un Israel: Te ajwalil yu'un Judá te la sticonex tal ta jtojol yu'un yac ajoc'obonic, hich yac awalbe: Te soldadohetic yu'un faraón te loq'uemiquix tal yu'un ya scoltayex, ya suhtic bahel ta Egipto.

Jeremías 38:18

Pero teme ma ba yac awac' aba ta sc'ab te príncipaletic yu'un te ajwalil yu'un Babilonia, ya me x'och ta sc'ab te caldeohetic te pueblo ini soc ya me ya'beyic sc'ahc'al; te ha'ate ma ba ya xcolat ta sc'abic, xchi.

Jeremías 38:2

Hich yaloj te Jehová: Te mach'a ya xhil ta pueblo ya me xlaj ta espada, ta wi'nal o ta jmilawal-chamel; yan te mach'a ya xc'ax bahel ta stojol te caldeohetic, ya xcuxaj. Te scuxlejal hich ya xc'oht te bin ut'il bin pojbil ta guerra, cuxul ya xhil, xchi.

Jeremías 42:22

Ha yu'un na'ahic me ta lec te ya me xlajex ta espada, ta wi'nal soc ta jmilawal-chamel tey ta banti yac ac'anic ya xbahex ta nahinel, xchi te Jeremías.

Jeremías 6:27

Ya cac'at te ha jtsahtaywanej ya xc'ohat ta stojol te pueblo cu'un, yu'un yac ana'be sba soc yac atsahtay te behetic yu'unic, xchi te Jehová.

San Juan 1:42

Hich la yic' tal ta stojol Jesús. C'alal ilot yu'un te Jesús, hich halbot: Ha'at Simón, snich'anat Jonás, Cefas ya xc'oht abihil, xchi sc'oblal. (Ha Pedro, xchi c'ohem.)

Apocalipsis 3:12

Te mach'a ya ya'iy tsalaw, ya cac' te ha yoyal ya xc'oht ta templo yu'un te Dios cu'un, soc mayuc bin ora ya xloc' tey a. Tey nix ta stojol ya me jts'ihbabe te sbihil te Dios cu'un soc te sbihil te muc'ul pueblo yu'un te Dios cu'un, ha te yach'il Jerusalén te ya xco tal ta ch'ulchan ta stojol te Dios cu'un; soc ya jts'ihbay te yach'il jbihile.