Isaías 7:4 - Bible in Tzeltal Bachajón

⁴ hich me xawalbe: Tsahtaya aba soc lamaluc q'uinal yac awa'iy; ma me xiwat, ma me xnihc awo'tan yu'un te cheb xutunte' ini te xtomet sch'ahilel, yu'un te sc'ahc'al yilimba te Rezín soc te Siria soc te snich'an Remalías.

Bible in Tzeltal de Oxchuc y Tenejapa

⁴ Jich me ya awalbey: “Tsajtaya me aba, ma me xiwat; mero ma me xiwat, ni ma me xnijc' awo'tan yu'un te cheb xutunte'etic xtomet xch'ailique, ja' te Rezín soc te soldado-siriaetic yu'une, soc te snich'an Remalías, te yac ta tilel sc'ajc'al yo'tanique.

Isaías 7:4 ပူးပေါင်းရင်းမြစ်များ

2 Reyes 15:27

Ta lahchayeb yoxwinic (52) ha'bil yochel ta ajwalil yu'un Judá a te Azarías, och ta ajwalil yu'un Israel ta Samaria te Peka snich'an Remalías; ay ta ajwalil jtahb (20) ha'bil.

2 Crónicas 20:17

Ma ba yac awa'beyic guerra ha'ex. Lahmana abahic ta tec'lej, ya me awilic te colel yu'un Jehová ta atojolic. Judá soc Jerusalén, ma me xiwex soc ma me xpehc'aj awo'tanic; bahan, tahahic pajel, como te Jehová ya me sjoquinex, xchi.

Isaías 10:24

Ha yu'un hich ya yal Cajwaltic, te Jehová te scuentahinej spisil: Pueblo cu'un te nahinemex ta Sión, ma xaxi'ic te Asiria. Ya smajat ta xul soc ya shach snabate'ic ta atojol hich te bin ut'il la spas te Egipto;

Isaías 30:15

Como hich ya yal te Jehová te Ch'ul Dios yu'un Israel: Ta scuenta suhtesel-o'tanil soc cux-o'tanil yac ata acolelic; ta scuenta lamal-o'tanil soc smuc'ul-o'tanil yac ata awipic, xchi; pero ma ba la ac'anic.

Isaías 30:7

Como ma xtuhun soc tojol te coltayel yu'un Egipto, ha scuentahil te hich sbihil la jca'be: Rahab te mayuc bin ya spas, xchi.

Isaías 35:4

Hich xawalbeyic te mach'atic ya xiw yo'tanic: ¡Ayuc me yip awo'tanic, ma me xiwex! Te Dios awu'unic ya xtal ya'be spacol; ha nix Dios ya xtal scoltayex, xchihan me.

Isaías 37:6

Te Isaías hich la yalbe: Hich me xawalbeyic te ajwalil awu'unique: Hich yaloj te Jehová: Ma me xiwat yu'un te bin la awa'iy, ha te la sbohlc'optayon te a'batetic yu'un te ajwalil yu'un Asiria.

Isaías 41:14

¡Ma me xiwat, yolat Jacob, ha'ex te mayuc tsobolex yu'un Israel! Ho'on ya jcoltayat, xchi te Jehová; te Ch'ul Dios yu'un Israel, ha te J'ac'aw ta libre awu'unique.

Isaías 7:1

C'alal ay ta ajwalil yu'un Judá a te Acaz snich'an Jotam, snich'an Uzías, te Rezín ajwalil yu'un Siria, soc Peka snich'an Remalías, ajwalil yu'un Israel, mohic bahel ta ya'beyel guerra te Jerusalén, pero ma ba hu' yu'unic te la yu'untayique.

Isaías 7:8

Como te jolal yu'un Siria, ha te Damasco, soc te jolal yu'un Damasco, ha te Rezín. Ma to sta ho'eb schanwinic (65) ha'bil a ya yich' jinel te Efraín, ma pueblohuc ya xhil.

Isaías 7:9

Te jolal yu'un Efraín, ha te Samaria, te jolal yu'un Samaria, ha te snich'an Remalías. Teme mayuc sch'uhunel awo'tanic, ma ba ya xhilex, xchi.

Isaías 8:4

Como te c'alal ma to sna' yalel a: jtat soc jnan, te quereme, te sc'ulejal te Damasco soc te bintic pojbil yu'un Samaria ya me x'ich'otic bahel ta stojol te ajwalil yu'un Asiria, xchi.

Isaías 8:6

Te pueblo ini, ta scaj te ma ba la sc'an te ha' te ay ta Siloé te c'un ya xbehen, soc te tse'el yo'tan yu'un te Rezín soc te snich'an Remalías,

Lamentaciones 3:26

Ha lec ch'abuc ta smahliyel te coltayel yu'un te Jehová.

Amós 4:11

La jinex hich te bin ut'il la jin Sodoma soc Gomorra; hich hilat te bin ut'il xutunte' loq'uesbil tal ta c'ahc'; pero ma ba suhtex tal ta jtojol yu'un, xchi te Jehová.

Habacuc 2:3

Aunque ma to xc'oht ta pasel te nahalsitil, ya xc'oht ta pasel ta mero yorahil, ma ba ya spas lot. Aunque ya xhalaj, mahliya, yu'un ya me xc'oht ta pasel, ma ba ya xhalaj.

Zacarías 3:2

Te Jehová hich la yalbe te Satanás: ¡Jehová ya stijat ta c'op, Satanás! ¡Te Jehová te stsahoj Jerusalén, ya stijat ta c'op! Te winic ini ¿ma bal ha'uc jun xutumte' yac ta tihlel te la yich' loq'uesel ta c'ahc'? xchi.

San Mateo 10:28

Ma xaxi'ic te mach'atic ya smilbeyex abaq'uetalic, te ma xhu' yu'un ya smilbeyex ach'uhlelic; ha me xaxi'ic te Mach'a ya xhu' ya slajin ta infierno te ach'uhlel soc abaq'uetal.

San Mateo 24:6

Yac awa'iyic te ay guerrahetic soc ya xchicnaj sc'oblal te ya xhahch guerrahetic, pero ma me xnihc awo'tanic yu'un, como ya sc'an ya xc'oht ta pasel spisil ini; pero ma to ha'uc te slajibal c'ahc'ale.

Deuteronomio 20:3

hich me ya yal: A'iya awa'iyic, Israel, la atsobix abahic ta ya'beyel guerra te acontrahique; ma me xpehc'aj awo'tanic, ma xiwex, ma xamel awo'tanic, ma me tulanuc xawa'iy xiwel ta stojolic,

1 Samuel 17:32

Te David hich c'oht yalbe te Saúl: Ma me ayuc mach'a ya smel yo'tan yu'un ta scuenta te filisteo; te a'bat awu'un ya xbaht stsac sba soc te filisteo, xchi.