Isaías 7:3 - Bible in Tzeltal Bachajón

³ Ha yu'un te Jehová hich la yalbe te Isaías: Loc'an bahel ta stahel Acaz, ha'at soc anich'an Sear-jasub, ta slajibal bahel te pasbil be-ha' yu'un te estanque ta ahc'ol, ta sbehlal te Sq'uinal Jsac'omajel,

Bible in Tzeltal de Oxchuc y Tenejapa

³ Ja' yu'un te Cajwaltic jich la yalbey te Isaías: —Ic'a bael te anich'an Sear-jasub, baan, taa aba soc te muc' ajwalil Acaz ta bay slajibal bael te pasbil beja' yu'un te estanque te cajal ay, ta sbelal te aquiltic yu'un te mach'a yat'elinej saq'uel te yach'il paq'ue.

Isaías 7:3 ပူးပေါင်းရင်းမြစ်များ

2 Reyes 16:1

Ta shuclajunebal (17) ha'bil yochel ta ajwalil a te Peka snich'an Remalías, och ta ajwalil yu'un Judá te Acaz snich'an Jotam.

2 Reyes 18:17

Patil te ajwalil yu'un Asiria la sticon bahel te jtsobaw yu'un soldadohetic, te mach'a muc' ya'tel, te mach'a scuentahinej jc'asesej-copa yu'un, soc bayel soldadohetic ta stojol te ajwalil Ezequías; hahchic bahel ta Laquis, bahtic ta ya'beyel guerra te Jerusalén. C'alal c'ohtic ta Jerusalén la spas scampamentohic ta nopol pasbil be-ha' yu'un te yawil ha' ta toyol, ta sbehlal sq'uinal te sac'ojibal pac'.

2 Reyes 20:20

Te bintic xan sc'oblal ya'tel Ezequías soc te bintic bayel sc'oblal spasoj, te bin ut'il la spas te yawil ha' soc te pasbil be-ha' te la yich' otsesel ta pueblo, ts'ihbabil ta libro yu'un te ya'tel ajwaliletic yu'un Judá.

Nehemías 3:16

Te Nehemías snich'an Azbuc, gobernador yu'un j'ohlil sq'uinal Bet-sur, la scha'pas xan c'alal ta banti snuhp'usitayej sba soc te muquenaletic yu'un David, c'alal ta pasbil yawil-ha' soc ta sna Soldadohetic te muc' bin spasojic.

Éxodo 7:15

Bahan ta sab ta stojol faraón te c'alal ya xco bahel ta muc'ul-ha'. Mahliya ta ti'ha', soc ich'a bahel te anahbate' te c'atp'uj ta chan;

Isaías 10:21

Te mach'atic hilemic, ya suhtic tal, te mach'atic hilemic yu'un Jacob ya suhtic tal ta stojol Dios te ay yip.

Isaías 22:10

La awahtay te nahetic ta Jerusalén, la ajinticlan cohel nahetic yu'un ya yich' xan yip a te sts'ahque.

Isaías 22:11

Ta yohlil schebal te ts'ahquetic la apas yawil ha' ta banti ya x'och te ya'al te antiguo yawil ha'; pero ma ba la awich'ic ta cuenta te mach'a la spas, ma ba la ana'ic te mach'a namey la schahpan.

Isaías 36:2

Te ajwalil yu'un Asiria la sticon bahel jtuhl capitan-soldado soc bayel soldadohetic te ayic ta Laquis, bahtic ta stojol te ajwalil Ezequías ta Jerusalén. La slahman sbahic ta be-ha' yu'un te yawil ha' ay ta ahc'ol, ta sbehlal te Jsac'omajel.

Isaías 55:7

Te mach'a chopol yo'tan ac'a yihquitay te be yu'une, te mach'a ay mulil ta yo'tan, ac'a yihquitay te snopojibal yu'une; suhtanic tal ta stojol Jehová, hich me ya xc'uxultayot yu'un, suhtanic tal ta stojol te Dios cu'untic, te ha ya spas bayel perdón.

Isaías 6:13

Teme ay ya xhil jun ta slajunebal, ya me yich'ic jinel; pero hich te bin ut'il te jihte' soc te sac-jihte' ya xhil schumante'el c'alal ya yich' ts'etel, ha nix hich schumante'el ya xc'oht te ch'ultesbil ts'umbalil, xchi.

Jeremías 22:1

Hich la yal te Jehová: Cohan bahel ta sna te ajwalil yu'un Judá, halbeya te c'op ini:

Romanos 9:27

Ha nix hich te Isaías la yawtaybe sc'oblal te Israel: Te hichuc yipal sts'umbal Israel te bin ut'il shi'al mar, stsahbenal xanix te ya xcolic,