Isaías 7:2 - Bible in Tzeltal Bachajón

² C'oht c'op ta stojol te sts'umbal David, hich halbot: Te Siria schapoj sc'op soc Efraín, xchi. Ha yu'un te ajwalil soc te pueblo yu'un hahchic ta nihquel hich te bin ut'il ya xyuc'ot ta ic' te te'etic ta ha'mal.

Bible in Tzeltal de Oxchuc y Tenejapa

² Jich yu'un c'ot c'op ta stojol te muc' ajwalil Acaz soc te mach'atic ay yu'une: “Te siriaetic xchapojix sc'op soc Efraín”, xi'. Ja' yu'un te muc' ajwalil soc te lume jajch'ic ta nijq'uel, jich bit'il te'etic ta ja'mal yu'un te iq'ue.

Isaías 7:2 ပူးပေါင်းရင်းမြစ်များ

2 Samuel 7:16

Te ats'umbal soc te awa'tel ta ajwalil sbahtel q'uinal ya xhil ta atojol; stalel ya xhil te ahuctajib, xchi.

1 Reyes 11:32

jchahp nax ya yich' stuquel, ta scaj sc'uxul ta co'tan te ca'bat David soc scaj sc'uxul ta co'tan te Jerusalén, te pueblo te tsahbil cu'un ta yohlil spisil te jchahp yu'un Israel,

1 Reyes 12:16

Te c'alal la yilic spisil te pueblo Israel te ma ba ich'otic ta cuenta yu'un te ajwalil, hich la yalbeyic: ¿Bin cocheltic a te David? Mayuc bin ay cu'untic ta scuenta te snich'an Isaí. ¡Bahanic ta anahic, Israel! ¡Cuentahina ana atuquel, David! xchihic. Hich bahtic ta snahic te Israel.

1 Reyes 13:2

Ta scuenta smandar Jehová tulan c'opoj ta scontrahinel te scajtajib ta chiq'uel pom, hich la yal: Scajtajib, scajtajib ta chiq'uel pom, hich ya yalbat te Jehová: Ta sts'umbal David ya x'ayin jtuhl querem Josías sbihil, ha me ya smilticlan ta aba te sacerdotehetic yu'un te toyol awilaletic te ya schiq'uic pom ta aba, soc ta aba ya yich' schiq'uel sbaquel winiquetic, xchi te Jehová, xchi.

2 Crónicas 25:10

Ha yu'un te Amasías la sticon suhtel te soldadohetic te talemic ta Efraín, yu'un ya xbahtic ta snahic. Bayel ilinic ta stojol Judá, ilinem a suhtic bahel ta snahic.

2 Crónicas 28:12

Ha yu'un te Azarías snich'an Johanán, te Berequías snich'an Mesilemot, te Ezequías snich'an Salum, soc Amasa snich'an Adlai, ha te príncipaletic yu'un Efraín, hahch stsac sbahic ta c'op soc te mach'atic yacalic ta suhtel tal ta guerra,

Salmos 11:1

Ha smuc'ulinej co'tan te Jehová; ¿bin yu'un hiche te hich yac awalbon: Ahnan bahel ta wits hich te bin ut'il mut,

Proverbios 28:1

Te mach'a chopol yo'tan ya x'ahn bahel aunque mayuc mach'a ya xnutsot yu'un; yan te mach'a toj yo'tan, jun yo'tan ay hich te bin ut'il choj.

Isaías 11:13

Ya me xlaj bahel te xut'et yo'tan te Efraín, ya me yich'ic lajinel te scontratac Judá. Te Efraín mayuquix xut'et yo'tan ta stojol Judá, te Judá ma ba ya yuts'inix te Efraín,

Isaías 22:22

Ya jcajambe ta snehquel te llave yu'un te sna David; ha ya sjam, mayuc mach'a ya xhu' ya smac, soc ya smac, mayuc mach'a ya xhu' ya sjam.

Isaías 37:27

Te mach'atic nahinemic tey a mayuc yipic, laj yip yo'tanic soc q'uexawic; hich c'ohemic te bin ut'il ha'mal ta q'uinal, hich te bin ut'il yaxal ha'mal, hich te bin ut'il ha'mal te ya xcol ta ba na, te ya xtaquij te ma to muc'uben a.

Isaías 37:35

Yu'un ho'on ya jcanantay te pueblo yu'un ya jcoltay ta jcuenta soc ta scuenta te ca'bat David, xchi.

Isaías 6:13

Teme ay ya xhil jun ta slajunebal, ya me yich'ic jinel; pero hich te bin ut'il te jihte' soc te sac-jihte' ya xhil schumante'el c'alal ya yich' ts'etel, ha nix hich schumante'el ya xc'oht te ch'ultesbil ts'umbalil, xchi.

Isaías 7:13

Ha yu'un hich la yal te Isaías: A'iya me awa'iy ta ora, sna David: ¿Ma bal tic'uc yac awa'iy a te yac awuts'in te ants-winiquetic, ya bal awuts'in ec te Dios cu'une?

Isaías 7:17

Te Jehová ya me yac' tal wocol ta atojol, ta stojol alumal soc ta stojol te sna te atat te mayuc banti hich c'ohem ta pasel a te c'alal bin ora te Efraín la spit sba soc Judá. (Ha ya yalbe sc'oblal te ajwalil yu'un Asiria.)

Isaías 7:5

Te Siria, Efraín soc te snich'an Remalías, la schahpanic te ya spasbat te bin chopol, hich la yalic:

Isaías 8:12

Ma me hichuc yac awalic te ha muquen chapbil-c'op spisil te bin ya yal te pueblo ini te ha muquen chapbil-c'op. Ma me xaxi'ic te bin ya xi'ic, ma me xiwat.

Isaías 9:9

Ya me sna'ic spisil te pueblo, ha te Efraín soc te mach'atic nahinemic ta Samaria, te hich ya yalic ta scuenta toybahil soc ta scuenta te stoyoj sbahic ta yo'tanic:

Jeremías 21:12

Sts'umbalex David, hich ya yal te Jehová: Stojil me xawa'iyic chahpanwanej ta sab, ac'ahic ta libre te mach'a tembil yu'un te j'uts'inwanej, scuenta yu'un ma ba ya xloc' talte quilimba hich te bin ut'il c'ahc'te ya xtihl te mayuc mach'a ya xhu' yu'un stup'el, ta scaj te chopol awa'telique.

Oseas 12:1

Te Efraín puro ic' ya swe', sjunal c'ahc'al ya st'un bahel te ic' te ya xtal ta stojol banti ya xloc' tal c'ahc'al; ya sp'oltes te lot soc te uts'inwanej, yu'un ya schap sc'op soc Asiria soc ya yich' bahel aceite ta Egipto.

San Mateo 2:3

C'alal hich la ya'iy te ajwalil Herodes, hahch na'etel yu'un soc spisil Jerusalén.