Isaías 51:1 - Bible in Tzeltal Bachajón

¹ A'iybon awa'iyic jc'op, ha'ex te at'unojic te bin toj ta pasel, ha'ex te yac alehic te Jehová. Ilawil te ton banti la awich'ic wuyel loq'uel tal, te yawil ton te banti la awich'ic loq'uesel.

Bible in Tzeltal de Oxchuc y Tenejapa

¹ Ya xc'opoj te Cajwaltic, jich ya yal: —Aiybon awaiyic stojol apisilic te mach'aex ya ac'anic te toj ya xcuxinex, soc te ya aleonique. Ilawilic te ton banti la awich'ic loq'uesel tele; ja' te yawil ton te bay la awich'ic bulel loq'uele.

Isaías 51:1 ပူးပေါင်းရင်းမြစ်များ

Isaías 51:7

A'iybon awa'iyic, ha'ex te yac ana'ic te bin stojil ta pasel, pueblohex te ay ta awo'tanic te ley cu'une. Ma me xaxi'ic te bin ya yalbeyex ta utel te ants-winiquetic, ma me xpehc'aj awo'tanic yu'un te labanel yu'unique.

Salmos 94:15

Te chahpanel ya xcha'suht xan ta stojol bin stojil ta pasel, soc ya xt'unot yu'un spisil mach'atic toj yo'tanic.

Hebreos 12:14

Lehahic bin ut'il lamal awo'tanic soc spisil ants-winiquetic, soc lehahic te ch'ultesele; teme mayuc ch'ultesel, mayuc mach'a ya xhu' ya yil te Cajwaltique.

Romanos 14:19

Ha yu'un ya me jt'untic bin ut'il ya xlahmaj q'uinal yu'un soc te talel c'axel ya quich'tic quiptic a.

Isaías 48:12

A'iybon awa'iy, Jacob, soc ha'at Israel te la jquic'ate: Ho'on me, ho'on shahchibalon soc ho'on slajibalon.

2 Timoteo 2:22

Ahnan loq'uel ta stojol te bin ya smulan spasel sbaq'uetal te ach'ix-queremetic, t'una te bin stojil ta pasel, te sch'uhunel-o'tanil, sc'uxul-o'tanil soc lamal q'uinal, ha xat'un soc te mach'atic pocbil yo'tanic a ya yalbeyic wocol te Cajwaltique.

Amós 5:6

Lehahic te Jehová, hich ya xcuxajex; teme ma'uque, ha ya xc'ax bahel ta sna José hich te bin ut'il c'ahc', ya xlajinot yu'un, mayuc mach'a ta Bet-el te ya stup'.

Proverbios 21:21

Te mach'a ya st'un te bin toj ta pasel soc te c'uxultaywanej ya sta scuxlejal, te bin toj ta pasel, soc ich'el ta muc'.

Proverbios 15:9

Te Jehová ya yihlaybe te be yu'un te mach'atic chopol yo'tanic, pero c'ux ya ya'iy ta yo'tan te mach'a st'unoj te bin toj ta pasele.

1 Timoteo 6:11

Yan te ha'ate, winicat yu'un Dios, ahnan loq'uel ta stojol spisil ini, t'una te bin toj ta pasel, te lec sch'uhunel Dios, sch'uhunel-o'tanil, c'uxultaywanej, te ya xcuhch awu'un, soc manso-o'tanil.

Filipenses 3:13

Quermanotac, ma ba ya cal te jtahojix; pero junax bin ya jpas: ya jch'ay ta co'tan te bin hilix ta jpat, ha ya cahnutay te bin ma to ba jtahoj,

San Mateo 6:33

Ha nahil xalehic te cuentahinel yu'un Dios soc te bin stojil ta pasel yu'un, hich me ya x'a'botex spisil a ini.

San Mateo 5:6

Bayel me yutsilic te mach'atic ya xwi'najic soc ya xtaquij yo'tanic yu'un te bin stojil ta pasele, como ts'acal ya x'a'botic.

Isaías 45:19

Ma ba muquen c'opojon, ma c'opojon ta banti ihc' q'uinal; ma ba hich la jcalbe te sts'umbal Jacob: Lehawonic ta banti mayuc bin ay, ma xchihucon. Ho'on Jehovahon, smelelil ya xc'opojon, ha ya cal te bin stojile.

Salmos 24:6

Hich ay te jcaj ts'umbalil te ya slehic te Jehová, ha te mach'atic ya slehbat asit awelaw, Diosat yu'un Jacob. Selah

Sofonías 2:3

Lehahic te Jehová apisilic te peq'uelex ta bahlumilal, ha'ex te la apasic te mandariletic yu'une; lehahic te bintic stojil ta pasel, lehahic bin ut'il peq'uel yac awac' abahic, ya wan xcolex ta sc'ahc'alel yilimba te Jehová.

Isaías 55:6

¡Lehahic te Jehová te ya to xhu' ta tahel, c'oponahic te bin ut'il nopol to ay!

Isaías 51:4

A'iya awa'iy, pueblo cu'un, a'iybon awa'iyic jc'op, nación cu'un; como ya xloc' tal ta jtojol te Ley, soc te stojil chahpanel cu'un ha sacal q'uinal ya xc'oht yu'un te pueblohetique.

Romanos 10:3

Ma ba sna'ojic bin ut'il Dios ya yac' te toj ayic, ha la slehic bin ut'il ya stahic stuquelic, hich ma ba la yac' yo'tanic a te bin ut'il Dios ya yac' te toj ayic,

Isaías 65:10

Te Sarón ha yawil tuminchijetic ya xc'oht, soc te sjuclej yu'un Acor ha yawil wacaxetic ya xc'oht yu'un te pueblo cu'un te ya slehonique.

2 Crónicas 15:2

hich loc' sta te Asa, hich la yalbe: A'iybon awa'iyic jc'op, Asa soc spisil Judá soc Benjamín: Ya me sjoquinex te Jehová teme jun awo'tan yac awac' abahic ta stojol. Teme yac alehic, ya me atahic; yan teme yac awihquitayic, ya me yihquitayex.

2 Crónicas 15:4

pero te c'alal ay swocolic a suhtic xan ta stojol Jehová te Dios yu'un Israel, la slehic, hich la stahic.

Isaías 48:1

A'iya awa'iyic ini, ha'ex yu'unex Jacob, te abihilinej Israel, te ha sts'umbalex Judá, te ay bintic yac awalic ta jamal ta scuenta sbihil Jehová, soc te yac ac'oponic te Dios yu'un Israel, pero ma ba smelelil soc ma stojiluc.