Isaías 5:3 - Bible in Tzeltal Bachajón

³ Yo'tic, winiquetic yu'un Jerusalén soc winiquetic yu'un Judá, halahic mach'a ay smul, ho'on o te ts'usubil cu'une.

Bible in Tzeltal de Oxchuc y Tenejapa

³ Jich ya yal: —Yo'tic, ants-winiquetic ta Jerusalén, ants-winiquetic yu'un Judá, alaic ja'ex te mach'a a te ay smule: ¿Ja' bal te ts'usubiltic cu'une? o ¿jo'on bal?

Isaías 5:3 ပူးပေါင်းရင်းမြစ်များ

Salmos 51:4

Ha'at nax ta atojol te jtahoj jmul, ha'at nax atuquel, la jpas ta atojol te bin chopol, scuenta yu'un ya xna'ot te stojil bin yac awal, soc te stojil ya xchahpanwanat.

Isaías 5:4

¿Binti xan yan pasel la sc'an ta stojol te ts'usubil cu'un te ma ba jpasoje? ¿Bin ut'il ay a te la jmahliy te ya yac' lequil ts'usubetic pero la yac' ha'mal ts'usubetic?

Romanos 2:5

Pero ta scaj te tonoben awo'tan soc te ma ba suhtem awo'tan, ha'at nix yac atsobel ilimba ta yorahil ya xchicnaj te ilimba soc te stojil chahpanel yu'un Dios,

Romanos 3:4

¡Ban c'an hichuc! Dios spisil ora ya spas te bin smelelil, ha jlotetic spisil ants-winiquetic; como hich ts'ihbabil: Scuenta yu'un ya xchicnaj te toj ayat ta scuenta bintic yac awal, soc te yac awa'iy tsalaw c'alal ya x'ich'otat ta c'op, te xchihe.