Isaías 26:4 - Bible in Tzeltal Bachajón

⁴ Ha'uc me smuc'ul awo'tanic spisil ora te Jehová, como ha ahnibal sbahtel q'uinal te Cajwaltic Jehová.

Bible in Tzeltal de Oxchuc y Tenejapa

⁴ Ja'uc me smuc'ul awo'tanic spisil ora te Cajwaltique, melel ja' anjibal sbajt'el q'uinal stuquel.

Isaías 26:4 ပူးပေါင်းရင်းမြစ်များ

2 Crónicas 20:20

C'alal hahchic ta sab, bahtic ta jochol taquin q'uinal Tecoa. Te c'alal yaquic ta bahel a, te Josafat la stehc'an sba, hich la yal: A'iybon awa'iyic jc'op, Judá soc mach'atic nahinemic ta Jerusalén. Ayuc me sch'uhunel awo'tanic ta stojol Jehová te Dios awu'unic, hich mayuc bin ya xc'oht ta acuentahic a; ch'uhunahic te bin ya yal te jalwanejetic yu'un, hich lec ya xc'ohex yu'un, xchi.

2 Crónicas 32:8

Ha nax joquimbilic yu'un ch'ich'-baq'uet, yan te ho'otic sjoquinejotic te Jehová te Dios cu'untic te ya scoltayotic soc te ya yac' guerra ta jcuentatic, xchi. Hich la sta smuc'ul yo'tanic te pueblo yu'un te bin la yal te Ezequías ajwalil yu'un Judá.

Job 9:19

Teme ya calbetic sc'oblal te yipe, melel bayel yu'el stuquel; teme ya calbetic sc'oblal te chahpajele, ¿mach'a ya yic' talel?

Salmos 125:1

Te mach'atic smuc'ulinej yo'tanic te Jehová hich ayic te bin ut'il te wits Sión te ma ba ya syuc' sba, te stalel ay.

Salmos 18:2

Te Jehová ha muc'ul ton cu'un soc ahnibal cu'un, ha j'ac'aw ta libre cu'un; ha Dios cu'un, ha toyol ch'entiquil cu'un te banti ya jnac' jba; ha jmahquil soc yip te colel cu'un, ha toyol ahnibal cu'un.

Salmos 46:1

Te Diose ha ahnibal cu'untic soc ha quiptic, ha ya scoltayotic ta ora te c'alal ay jwocoltic.

Salmos 55:22

A'beya Jehová te bin ay awocol yu'un, ha me ya ya'bat awip; mayuc bin ora ya yac' yahluc te mach'a toj yo'tan.

Salmos 62:11

Jun buelta c'opoj Dios: cheb buelta ca'iyej ini: te ay yu'el te Diose,

Salmos 62:8

¡Ac'a smuc'ulin awo'tanic spisil ora, pueblohetic! ¡Halbeyahic bin ay ta awo'tanic! ¡Ha ahnibal cu'untic te Diose! Selah

Salmos 62:9

Te ants-winiquetic te peq'uel ayic ha nax sahb ye, te mach'atic muc' sc'oblalic ma ba smelelil; te pajaluc ya yich'ic licbeyel yalalic ta balanza, pajal mayuc yalalic te hichuque.

Salmos 66:7

Ta scuenta yu'el ya xcuentahinwan sbahtel q'uinal; ya st'ojan sit ta yilel te nacionetique; te mach'atic jtoybahetic ma me stoy sbahic ta stojol. Selah

Salmos 93:1

¡Ha ajwalil te Jehová! ¡Sc'u'inej yutsilal! ¡Te Jehová sc'u'inej yu'el! Yich'oj yip te bahlumilal, ma xhu' ta loq'uesel bahel.

Isaías 12:2

Ha jcoltaywanej te Diose; ha smuc'ulinej co'tan, ma xiwon; como ha ahnibal cu'un soc ha c'ayojil cu'un te Jehová, ha jcoltaywanej cu'un, xchihex.

Isaías 17:10

Como la ach'ay ta awo'tan te Dios te la scoltayat, ma ba la ana' te Muc'ul Ton yu'un ahnibal awu'un. Ha yu'un aunque yac ats'un t'ujbil ts'unubiletic soc yac ats'un ts'unubiletic te talemic ta yan q'uinal,

Isaías 30:29

Yan te ha'exe ya me xc'ayojinex hich te bin ut'il ta ahc'abal te ya yich' pasel te q'uin Pascua; soc hich stse'elil awo'tanic te bin ut'il mach'a ya xbehen ta scuenta sc'op amay, te ya xbaht ta wits yu'un Jehová, ta Muc'ul Ton yu'un Israel.

Isaías 32:2

Ta jujutuhl hich ya xc'oht te bin ut'il ahnibal yu'un te tulan ic' te ya smac te tulan yic'al ha'al; hich te bin ut'il be-ha'etic ta taquin q'uinal, hich te bin ut'il yaxinal muc'ul ton ta q'uixin q'uinal.

Isaías 44:8

Ma me xnihc awo'tanic, ma me xiwex. ¿Ma bal lajuc calbeyex awa'iyic, ma bal lajuc calbe sc'oblal c'alal ta namey? Ha'ex testigohex cu'un. ¿Ay bal yan dios ta jtojol? ¡Mayuc yan Muc'ul Ton! ¡Mayuc yan te ya jna'be sba! xchi.

Isaías 45:17

Pero te Israel ya xcoltayot yu'un Jehová ta scuenta colel te sbahtel q'uinal ay; mayuquix bin ora ya xq'uexawex o ya xpehc'anex.

Isaías 45:24

Hich me ya yalbonic jc'oblal: Ha nax ta scuenta Jehová te ay ta pasel te bin toj soc te ay yip, xchihic. Spisil mach'atic c'ahc'ubic ta scontrahinel ya me xtalic ta stojol soc ya me xq'uexawic.

Isaías 50:10

¿Mach'a ay ta awohlilic te ya xi' te Jehová soc te ya sch'uhumbe sc'op te ya'bate? Te mach'a yac ta behel ta yihc'al q'uinal, te mayuc sacal q'uinal ta stojol, ac'a smuc'ulin yo'tan te sbihil te Jehová soc ac'a yich' yip ta stojol te Dios yu'une.

Isaías 51:5

Ya xnohpoj tal ta ora te bin toj ya jpas, loq'uemix tal te colel cu'un, soc ya schahpan te pueblohetic te jc'abe. Te mach'atic ayic ta ti'mar ya me smahliyonic, ha ya smuc'ulin yo'tanic te jc'abe.

Isaías 63:1

¿Mach'a a ini te yac ta talel ta Edom, ta Bosra, te slapoj tsajal cu'ul? ¿Mach'a a ini te buen t'ujbil sc'u' slapoj, te yac ta behel soc smuc'ul yip? Ho'on me, te toj ya xc'opojon, te ay cu'el ta coltaywanej.

Daniel 3:17

Te Dios cu'uncotic, te cac'oj jbahcotic ta a'batinel yu'une, ya xhu' ya scoltayotcotic loq'uel ta horno banti yac ta tihlel c'ahc', soc ya xhu' ya scoltayotcotic loq'uel ta ac'ab, ajwalil.

Daniel 3:28

Hich la yal te Nabucodonosor: Bayel me yutsil te Dios yu'un Sadrac, Mesac soc Abed-nego, te la sticon tal ch'ul a'bat yu'un ta scoltayel te a'batetic yu'un te jun yo'tanic ta stojole. Ma ba la spasic bin la yal ta mandar te ajwalil, manchuc ya xlajic, ma ba ya yac' sbahic ta a'batinel ta stojol yan diosetic soc ma ba ya sch'uhuntayic, ha nax stuquel te Dios yu'unique.

San Mateo 28:18

Nohpoj tal te Jesús, hich la yalbe: A'botonix quich' tulan ca'tel ta ch'ulchan soc ta bahlumilal.

San Mateo 6:13

Ma me xawac'otcotic ta sujel ta mulil, ac'awotcotic ta libre yu'un te bin chopol, como ha'at awu'un te cuentahinwanej, te ay awu'el soc awutsilal sbahtel q'uinal. Hichuc.

Deuteronomio 32:15

Pero juhp' te Jesurún, soc pujawan ta teq'uel, (c'ax juhp'at, mero bayel ajuhp'el). Ha yu'un la sch'ay ta yo'tan te Dios te pasot yu'une; la yihlay te Muc'ul Ton te ya xcoltayot yu'un.

Deuteronomio 32:4

Ha Muc'ul Ton stuquel, c'ax lec te ya'tel, como toj spisil te behetic yu'une. Ha Dios te stalel jun yo'tan soc mayuc schopolil; ha toj soc lec stuquel.

Deuteronomio 33:27

Ha ahnibal awu'un te Dios te sbahtel q'uinal ay, soc ta awe'tal ay te sc'ab te sbahtel q'uinal ay. Ha la sch'oj loq'uel ta atojol te contra, soc la yal: ¡Lajina! xchi.

Filipenses 4:13

Spisil ya xhu' cu'un ta scuenta Cristo te ya ya'bon yip co'tan.

1 Samuel 2:2

Mayuc mach'a yan hich ch'ul Dios a te bin ut'il Jehová, mayuc yan, ha'at nax atuquel; mayuc yan ahnibal hich te bin ut'il te Dios cu'untique.