Isaías 24:3 - Bible in Tzeltal Bachajón

³ Te q'uinal jc'axel jochol ya xhil, jc'axel pojbil sbiluc ya xhil, como hich yaloj te Jehová.

Bible in Tzeltal de Oxchuc y Tenejapa

³ Te lumq'uinal jochol me ya xjil ta jyalel, jc'axel ma'yuc bi ya xjil, ya xpojbot bael spisil. Melel jich me yalojbey sc'oplal te Cajwaltique.

Isaías 24:3 ပူးပေါင်းရင်းမြစ်များ

2 Crónicas 36:21

scuenta yu'un ya xc'oht ta pasel te bin yaloj te Jehová ta scuenta Jeremías, ha to c'alal ts'acay te yorahil te ya scux yo'tan te q'uinale. Te q'uinal la scux yo'tan te jayeb ora jihnem, ha to c'alal c'ax te lajuneb schanwinic (70) ha'bil.

Isaías 21:17

Mayuc tsobol te cuxul ya xhil yu'un te mach'atic ay yipic te ya yaq'uic t'ihmalte', te talemic ta Cedar, yu'un hich yaloj te Jehová te Dios yu'un Israel, xchi.

Isaías 22:25

Ta hich ora, xchi te Jehová te scuentahinej spisil, te ts'apbil clavo te ay ta tulan yawil ya me yich' loq'uesel; ya xwac' soc ya xch'ay cohel. Soc te ihcatsil te tey jipil a ya xch'ay cohel; hich yaloj te Jehová, xchi.

Isaías 24:1

Ilawil, te Jehová ya sjohchobtes te lumq'uinal, mayuc bin ya xhil yu'un; ya syanijtesbe te sba te q'uinal soc ya spucticlan bahel te mach'atic nahinemic tey a.

Isaías 24:2

Pajal bin ya xc'oht ta stojol te pueblo soc te sacerdote, te a'bat soc te yajwal, te criada soc te yajwal, te jmambajel soc te jchombajel, te mach'a ya yac' ta majanel soc te mach'a ya smajan, te mach'a ay sbet soc te mach'a ya yac' ta betanel.

Isaías 24:4

Ya xtaquij te lumq'uinal soc ya sayub, ya sayub soc mayuc yip te bahlumilal, ya xlaj yipic te pueblohetic ta bahlumilal te ay sc'oblalic.

Isaías 42:22

Pero ha te pueblo ini te la yich' elc'anel soc pojbeyel sbiluquic, spisilic macbilic ta ch'en soc otsesbilic ta cárceletic. Elc'ambil sbiluquic, mayuc mach'a ya x'ac'otic ta libre yu'un; pojbil sbiluquic, mayuc mach'a hich ya yal: Suhteslanahic bahel, te xchihe.

Isaías 5:6

Ya cac' te jochol taquin q'uinal ya xc'oht; ma ba ya yich' c'abayel o aq'uintayel, ya xcol ch'ixetic soc ha'maletic tey a. Ya jpas ta mandar te tocaletic te ma me xyaq'uic ha'al ta stojol.

Isaías 6:11

Hich la jcal: ¿Jayeb xan c'ahc'al, Cajwal? xchihon. La sjac'bon jc'op: Ha to c'alal jihnemix a te pueblohetic soc mayuquix yajwal a; ha to c'alal mayuquix ants-winic ta nahetic soc te jochol taquin q'uinal ya xc'oht te q'uinale;

Jeremías 13:15

A'iya awa'iy ta lec, ma me xatoy abahic, como c'opojix te Jehová.

Ezequiel 36:4

ha yu'un, witsetic yu'un Israel, a'iybeya awa'iyic te sc'op Jehová, te Ajwalil: Hich yaloj te Jehová, te Ajwalil, ta stojol te witsetic soc tsehletic, te uc'umetic soc te spamlejtic, te bintic jimbilic soc te pueblohetic te mayuc mach'atic nahinemic tey a, te c'atp'ujic ta bintic pojbilic soc te labanot yu'un te yantic nacionetic ta sjoyobal,

Miqueas 2:4

Ta hich ora ya shachic ta atojolic tsahbil c'op, ya sc'ayojtayex ta c'ayoj yu'un mel-o'tan te hich ya yalic: Jpisiltic jc'axel la jquich'tic jinel; te Jehová la sjelbe te bintic ay yu'un te pueblo cu'une. ¡La sloq'uesbotic te jq'uinaltic, la spucticlambe yantic! xchihic ta c'ayoj.

Miqueas 4:4

Jujutuhl ya shuhcan sbahic ta ye'tal te sts'usubil soc ta ye'tal te higuera yu'une, mayuc mach'a ya xiwtesotic yu'un. ¡Hich yaloj te Jehová te scuentahinej spisil!

Deuteronomio 29:23

Spisil te q'uinal ha azufre soc ats'am, c'ahq'uem spisil te lum, mayuc bin ya yich' ts'unel soc mayuc bin ya sitin, ni junuc ha'mal ya xch'ihy tey a, hich te bin ut'il c'oht ta pasel c'alal laj te Sodoma, Gomorra, Adma soc Zeboim, te la slajinlan te Jehová ta scuenta sc'ahc'al yo'tan soc yilimba.

Deuteronomio 29:28

Te Jehová, la sbul loq'uel ta sq'uinalic ta scuenta yilimba, sc'ahc'al yo'tan soc smuc'ul yilimba; la sch'ojticlan bahel ta yan q'uinal, hich te bin ut'il ay ta ora ini, xchihic sc'oblalic.