Isaías 2:3 - Bible in Tzeltal Bachajón

³ Ya xtalic bayel pueblohetic soc hich me ya yalic: La'ic, mohucotic ta wits yu'un Jehová, ta sna te Dios yu'un Jacob. Ha ya ya'botic jnoptic te behetic yu'un, hich ya xbehenotic ta tut behetic yu'un, xchihic. Como ya xloc' tal ta Sión te Ley, ta Jerusalén ya xloc' tal te sc'op te Jehová.

Bible in Tzeltal de Oxchuc y Tenejapa

³ bayal me te lumetic te jich ya xc'o yalbey sbaique: —La'ic, ya xmootic ta wits yu'un Cajwaltic, te banti ay te templo yu'un te Dios yu'un Jacob, swenta yu'un ya me yac'botic quiltic te beetic yu'une, jich me ya xju' cu'untic ya xbeenotic ta ch'in beetic yu'un —xiic. Melel ta Sión ya xloc' te p'ijubtesjibal yu'un te Cajwaltique; ta Jerusalén ya xtal te sc'ope.

Isaías 2:3 ပူးပေါင်းရင်းမြစ်များ

San Lucas 24:47

soc ya me yich' puhquel ta halel ta scuenta sbihil ta spisil nacionetic sc'oblal te suhtesel-o'tanil soc te perdón yu'un mulil, ha ya xhahch bahel ta Jerusalén.

Salmos 110:2

Te Jehová ya me yac' hahchel bahel ta Sión te bastón awu'un te ay yip. ¡Ya me awa'iy cuentahinwanej ta stojol te acontrataque!

San Juan 7:17

Te mach'a ya sc'an ya spas te bin ya sc'an yo'tan te Diose, ya me sna' teme ha nohptesel yu'un Dios o teme jtuquel-o'tan nax ya xc'opojon.

Deuteronomio 6:1

Hich ay spisil te mandariletic, te bintic chapal soc te bintic halbil ta mandar, te Jehová te Dios awu'unic la spason ta mandar te ya ca'beyex anopic, scuenta yu'un yac apasic tey ta q'uinal te ya x'och awu'untayic,

Jeremías 31:6

Ya me sta sc'ahc'alel te hich ya x'awonic te j'il-q'uinaletic ta witsiltic yu'un Efraín: Hahchanic, mohucotic bahel ta Sión, ta stojol Jehová te Dios cu'untic, xchihic.

Romanos 10:18

Pero ya cal: ¿Yu'un bal ma ba la ya'iyic? xchihon. Ya'iyejic ta melel: Puhquem ta spahmal bahlumilal te c'op yu'unic, c'alal ta sti'il bahlumilal c'oht te sc'opique, xchi.

San Lucas 11:28

La sjac' te Jesús: Ha bayel yutsil te mach'atic ya ya'iyic te sc'op Dios soc te ya spasique, xchi.

San Mateo 7:24

Mach'ayuc a te ya ya'iy te c'op ini soc te ya spas te bin ya yal, ha ya jpaj soc jtuhl p'ijil winic te la spas sna ta sba muc'ul ton.

Santiago 1:25

Yan te mach'a t'ojol sit ya yil te lequil ley te ya x'ac'awan ta libre, teme hich ya spasulan, teme ma xch'ay ta yo'tan te bin ya ya'iy, teme ha ya spase, ha me bayel yutsil yu'un.

Hechos 10:33

Ha yu'un ora la jticonat ta iq'uel, ha lec te talate. Yo'tic, jpisilcotic jtsoboj jbahcotic ta stojol Dios yu'un ya ca'iycotic spisil bintic la spasat ta mandar te Diose, xchi.

Hechos 1:8

pero ya me awich' awu'elic te c'alal ya xtal ta atojolic te Ch'ul Espíritu; testigo ya xc'ohex cu'un ta Jerusalén, ta spisil Judea, Samaria, soc c'alal ta sti'il bahlumilal, xchi sc'oblalic.

San Juan 4:22

Te ha'ex ma xana'beyic sba; yan te ho'otcotic ha ya quich'cotic ta muc' te mach'a ya jna'becotic sba, como tey ya xtal ta stojol te judíohetic te colele.

Deuteronomio 33:19

Ya me yiq'uic tal nacionetic ta wits yu'unic, tey ya xc'oht yaq'uic milbil mahtaniletic te toj ayic; ya me smulanic te bin bayel ya yac' te maretic, soc te c'ulejalil nac'al ta hi'ileltic, xchi.

Salmos 48:1

Muc' te Jehová, soc ha snuhp' te ya yich' halbeyel yutsil sc'oblal ta muc'ul pueblo yu'un te Dios cu'untic, ta ch'ul wits yu'un.

Salmos 119:171

Ac'a loc'uc ta que ta yalel yutsil ac'oblal, te c'alal yac anohpteson te halbil mandariletic awu'une.

Salmos 122:1

Tse'el co'tan yu'un te mach'atic hich la yalbonic: Conic ta sna te Jehová, te xchihique.

Isaías 28:9

¿Mach'a a te ya snohptes? ¿Mach'a a te ya ya'be sna' te bin ya ya'iy? ¿Ha bal alaletic te hilemix schu'ic, te hilel to te schu'ique?

Isaías 56:5

ya ca'be lugar ta jna soc ta yutil te ts'ahquetic cu'un, ya ca'be sbihil te lec xan a te bin ut'il sbihil ach'ix-querem nich'aniletic; ya ca'be sbihil te stalel ya xhil, te mayuc bin ora ya xch'ay.

Isaías 56:7

ha'ic me ya quic' tal ta ch'ul wits cu'un soc ya ca'be yutsil yo'tanic ta jna te banti ya quich' c'oponele. Ya jtsacbe te scohtol chic'bil mahtaniletic soc te yantic milbil mahtaniletic ya ya'bonic ta scajtajib cu'un, como hich ya x'a'bot sbihil te jna: ha te na yu'un sc'oponel Dios yu'un spisil pueblohetic, xchi.

Isaías 60:3

Ya xbehenic tal nacionetic ta stojol te sacal q'uinal awu'un, soc ajwaliletic ta banti yac ta tihlel te sacuben q'uinal awu'une.

Isaías 65:11

Yan te ha'ex te yac awihquitayic te Jehová soc te ya xch'ay ta awo'tanic te ch'ul wits cu'un, te yac awa'beyic we'elil te dios Fortuna soc te yac achahpambe capbil vino te dios Destino,

Isaías 66:20

Ya me yiq'uic tal spisil te awermanotac ta bayuc ta nacionetic scuenta mahtanil ta stojol Jehová ta ch'ul wits cu'un; ya xtalic ta cawuhetic, carretahetic, sillahetic te q'uechbilic, ta mula soc camellohetic, xchi te Jehová. Ya me yiq'uic tal hich te bin ut'il te israeletic ya yich'ic tal mahtaniletic yu'un harina ta pocticlambil yawiletic ta sna te Jehová.

Jeremías 26:18

Te Miqueas te talem ta Moreset c'opoj ta sc'op-jalwanej te c'alal ay ta ajwalil yu'un Judá a te Ezequías, hich la yalbe spisil te pueblo yu'un Judá: Hich yaloj te Jehová te scuentahinej spisil: Te Sión ya yich' tuquel ta arado hich te bin ut'il q'uinal, te Jerusalén ya xc'atp'uj ta busul jinel soc te wits yu'un te templo ya xnoj ta pimil q'uinal, xchi.

Ezequiel 40:2

Ta scuenta nahalsitil yu'un Dios la yic'on bahel ta sq'uinal Israel, la yac'on hilel ta sba mero toyol wits te banti ay nahetic te hich yilelic te bin ut'il jun pueblo, ta stojol sur.

Oseas 3:5

Patil ya suhtic tal te snich'nab Israel, ya slehic te Jehová, te Dios yu'unic, soc David te ajwalil yu'unique; soc ta nopol slajibal c'ahc'al ya me xtal yich'ic ta muc' te Jehová soc te yutsil slequil.

Oseas 6:3

Ac'a jna'betic sba te Jehová; ya xtal ta jtojoltic hich smelelil te bin ut'il ya xloc' tal te c'ahc'ale; ya xtal ta jtojoltic hich te bin ut'il te ha'ale, hich te bin ut'il te ha'al ta yorahil sit soc ta yorahil shahchel snahtil c'ahc'al te ya yahts'es te q'uinale.

Miqueas 4:2

Ya xtal bayel nacionetic, hich ya yalic: La'ic, mohucotic bahel ta wits yu'un Jehová, ta sna te Dios yu'un Jacob, ha ya snohptesotic a te behetic yu'un, hich ya xbehenotic ta behetic yu'un, xchihic. Como ya xloc' tal ta Sión te Ley, ta Jerusalén ya xtal te sc'op Jehová.

Ester 9:27

te judiohetic la yalic te ha costumbre ya xhil yu'unic soc sts'umbalic, soc spisil mach'atic te jun c'oht soc, te mayuc bin ora ya yihquitayic spasel te cheb c'ahc'al ini ta jujun ha'bil, hich te bin ut'il ts'ihbabil hilel.

Salmos 102:23

Ha la slajimbon quip ta ohlil be, la spehc'ambon corahil.

Isaías 1:26

Ya cac' te hich ya xc'oht te juecetic awu'un te bin ut'il ta nahil to, soc te j'ac'-o'taniletic awu'unic hich te bin ut'il ta shahchibal; ta patil hich ya x'a'botat abihilin: Pueblo yu'un tojil-o'tanil, Pueblo te jun yo'tan ta jtojol.

Isaías 11:10

Ta hich ora, te slohp' te Isaí ha bandera ya xc'oht yu'un te pueblohetic; ya xlehot yu'un te ants-winiquetic, soc bayel me yutsil te banti ya xnahine.

Isaías 19:23

Ta hich ora ay me muc'ul be c'alal Egipto c'alal ta Asiria; te asiriahetic ya x'ochic bahel ta Egipto soc te egipciohetic ya x'ochic bahel ta Asiria. Te egipciohetic soc te asiriahetic pajal ya sch'uhuntayic te Jehová.

Isaías 44:5

Ay mach'a hich ya yal: Ho'on yu'unon Jehová, xchi, yan ya sbihilimbe sbihil te Jacob, yan hich ya sts'ihbay ta sc'ab: Yu'unon Jehová, xchi, soc ya sbihilimbe sbihil Israel, xchi.

Jeremías 12:16

Teme smelelil ya snopbeyic sbe te pueblo cu'un, soc teme ya yalic ta jamal ta scuenta jbihil: Cuxul Jehová, te xchihique, hich te bin ut'il a'bot snopic te pueblo cu'un te ya yalic ta jamal ta scuenta Baal, ya me yich' yipic ta yohlil te pueblo cu'une.