Isaías 1:2 - Bible in Tzeltal Bachajón

² A'iya awa'iy, ch'ulchan, a'iya awa'iy, bahlumilal; como hich ya yal te Jehová: La jcoltes jnich'nab, la jmuc'ubtes, pero la stoy sbahic ta jtojol.

Bible in Tzeltal de Oxchuc y Tenejapa

² Ch'ulchan soc balumilal, aiya awaiyic stojol te bila ya yal te Cajwaltique: —La jmuc'tes te jnich'nab ja' to c'alal la sta yipic; ja'uc me to, caj stoy sbaic ta jtojol.

Isaías 1:2 ပူးပေါင်းရင်းမြစ်များ

Deuteronomio 32:1

A'iya awa'iy, ch'ulchan, ya xc'opojon; a'iya awa'iy, bahlumilal, te bintic ya cal.

Deuteronomio 30:19

Yo'tic ya cac' ta testigo ta atojolic te ch'ulchan soc te bahlumilal te la jca'beyex atsahic te cuxlejal soc te lajel, te bendición soc te chopol c'oblalil. Tsaha hiche te cuxlejal, scuenta yu'un ya xcuxajat soc te patil al-nich'aniletic awu'un,

Miqueas 1:2

A'iya awa'iyic apisilic, pueblohetic; a'iya awa'iyic lumq'uinal soc spisil mach'atic ayic tey a, te Jehová te Ajwalil ha testigo ta scontrahimbelex, ha te Ajwalil c'alal ta sch'ul templo.

Deuteronomio 4:26

ya cac' ta testigo te ch'ulchan soc bahlumilal te ora me ya xch'ayex ta q'uinal te yac awu'untayic te c'alal ya sohlex bahel ta Jordán. Ma me haluc c'ahc'al ya x'ayinex tey a, ya me awich'ic lajinel ta jc'axel.

Salmos 50:4

Ya yic' tal te ch'ulchan ta toyol soc te bahlumilal, scuenta yu'un ya yich' ta c'op te pueblo yu'une.

Malaquías 1:6

Te nich'anil ya yich' ta muc' te state, soc te a'bat ya yich' ta muc' te yajwale; teme ho'on tatilon, ¿bin yu'un ma ba yac awich'onic ta muc'? teme ho'on ajwalilon, ¿bin yu'un ma ba yac axi'onic, ha'ex sacerdotehex te yac ap'ajic te jbihile? xchi te Jehová te scuentahinej spisil. Pero yac awalic: ¿Bin ut'il jp'ajojcotic te abihile? xchihex.

Miqueas 3:8

Yan te ho'one nojel te co'tan ta yu'el te espíritu yu'un Jehová nojel ta stojil chahpanel soc ta quip, yu'un yalbeyel te stoybahil te Jacob soc te smul te Israel.

Amós 3:1

A'iya awa'iyic te bin ya yal te Jehová ta scontrahinelex, snich'nabex Israel, ta scontrahinel spisil mach'atic ay awu'unic te la jloq'ues tal ta sq'uinal Egipto:

Ezequiel 36:4

ha yu'un, witsetic yu'un Israel, a'iybeya awa'iyic te sc'op Jehová, te Ajwalil: Hich yaloj te Jehová, te Ajwalil, ta stojol te witsetic soc tsehletic, te uc'umetic soc te spamlejtic, te bintic jimbilic soc te pueblohetic te mayuc mach'atic nahinemic tey a, te c'atp'ujic ta bintic pojbilic soc te labanot yu'un te yantic nacionetic ta sjoyobal,

Jeremías 22:29

¡Lumq'uinal, lumq'uinal, lumq'uinal, a'iybeya awa'iy sc'op te Jehová!

Jeremías 6:19

A'iya awa'iy, lumq'uinal: Ya quich' tal bin chopol ta stojol te pueblo ini, ha te sit te bin snopojic, como ma ba la ya'iybonic jc'op soc la sp'ajbonic te ley cu'une.

Isaías 65:2

Sjunal c'ahc'al la jach jc'ab ta yiq'uel tal jun toyba pueblo te yac ta behel ta be te ma lecuc, te ya st'unic bahel te snopojibal yu'unique;

Isaías 30:9

Como ha toyba pueblo ini, jlotil al-nich'aniletic, ha al-nich'aniletic te ma ba la sc'an la ya'iyic te p'ijubtesel yu'un Jehová.

Isaías 30:1

Hich ya yal te Jehová: ¡Obol sbahic te toyba al-nich'anetic, te ay bin ya schapic te ma cu'unuc; te ya schap sc'opic soc yantic, pero ma ha'uc ta scuenta te espíritu cu'un, te hich ya xp'ohl mulil yu'une!

Jeremías 31:9

Soc oq'uel ya xtal, soc sc'uxul co'tan ya quic'ticlan suhtel tal. Ya cac' behenuquic ta sti'il be-ha'etic, ta toj be te banti ma ba ya sc'ohchin yoquic, como ho'on tatilon yu'un Israel, soc te Efraín, ha jba-nich'an.

Jeremías 13:15

A'iya awa'iy ta lec, ma me xatoy abahic, como c'opojix te Jehová.

Deuteronomio 1:31

Ta jochol taquin q'uinal awilojic te Jehová te Dios awu'unic te la spetex tal, hich te bin ut'il jtuhl winic ya spet snich'an, ta spisil te be banti behenemex ha to c'alal hulex tal ta lugar ini, xchihon.

Hechos 4:20

como ma xhu' ya quihquitaycotic yalel te bintic quilojcotic soc te bintic ca'iyejcotic, xchihic.

Salmos 49:1

A'iya awa'iyic ini, ta apisilic pueblohetic; a'iya awa'iyic ta apisilic te nahinemex ta bahlumilal,

Isaías 31:6

Yal-snich'nab Israel, ¡suhtanic bahel ta stojol te mach'a tulan atoyoj abahic ta stojole!

Isaías 34:1

¡Nohpojanic tal, nacionetic, a'iya me awa'iyic; a'iya awa'iyic, ha'ex pueblohex! Ac'a ya'iy te lumq'uinal soc spisil bintic ay tey a, ac'a ya'iy te bahlumilal soc spisil te bintic ya xloc' tey a.

Isaías 63:16

¡Pero ha'at tatilat cu'uncotic! Aunque ma sna' jbahcotic te Abraham, soc ma sna'otic te Israel, ha'at Jehová, tatilat cu'uncotic; J'ac'awat ta libre cu'uncotic, xchi te abihil c'alal ta namey.

Jeremías 3:22

Suhtanic tal ta jtojol, toyba al-nich'anex, ya jlecubtesex yu'un atoybahilic, xchi te Jehová. Ilawil, ya suhtotic tal ta atojol, como ha'at Jehovahat te Diosat cu'uncotique.

Ezequiel 24:3

Halbeya sloc'ombahil c'op te jtoyba pueblo ini, hich xawalbe: Hich yaloj te Jehová, te Ajwalil: Otsesa ta c'ahc' jun oxom, otsesbeya ya'lel.

2 Reyes 21:22

Hich la yihquitay te Jehová te Dios yu'un te sme'stat, ma ba la st'un te behetic yu'un te Jehová.

Miqueas 1:1

Ha te sc'op Jehová te tal ta stojol Miqueas te talem ta Moreset, te bin la yil sc'oblal Samaria soc Jerusalén ta yorahil te Jotam, Acaz soc Ezequías, ajwaliletic yu'un Judá.