Génesis 9:6 - Bible in Tzeltal Bachajón

⁶ Te mach'a ya smalbe sch'ich'el winic, winic nix ya xmalbot sch'ich'el yu'un; como pajal yilel soc Dios la yich' pasel te winique.

Bible in Tzeltal de Oxchuc y Tenejapa

⁶ Teme ay mach'a ya smil jtul winic, ja' ni me jich ya xmilot yu'un yan winic, melel te ants-winique la yich' pasel swenta yu'un pajal yilel soc te Diose.

Génesis 9:6 ပူးပေါင်းရင်းမြစ်များ

Génesis 4:14

Yo'tic yac atenonix loq'uel ta q'uinal, ya xloc'onix ta atojol, jbehyemon soc jyanlumon ya xc'ohon ta q'uinal, soc mach'ayuc a te ya stahon ya me smilon, xchi.

Génesis 42:22

Ha yu'un hich la yal te Rubén: ¿Ma bal lajuc calbeyex te ma me xata amulic ta stojol te quereme, pero ma ba la awich'bonic ta cuenta? Ha yu'un yaquix jtojbeltic te sch'ich'ele, xchi.

Génesis 5:1

Hich ay te sbihilic te sts'umbal Adán. C'alal Dios la spas te winic, pajal yilel soc Dios la spas.

2 Samuel 4:11

¿Ma bal c'axuc to xan hich ya jpasbe a te chopol winiquetic te la smilic ta sna soc ta swayib te mach'a toj ta winiquil? Ha yu'un ¿ma bal yacuc sc'an te ya jc'ambeyex sch'ich'el ta acuentahic soc te ya jtup'ex ta q'uinal? xchi.

1 Reyes 2:9

Pero ma me xawal te mayuc smul. Ay sp'ijil awo'tan, yac ana' bin yac apasbe scuenta yu'un ya xco bahel ta muquenal soc sch'ich'el te sacal sjol, xchi.

2 Reyes 11:1

Te c'alal la yil te Atalía te snan Ocozías te lajix te yale, hahch smilticlan spisil te mach'atic ay yu'un te ajwalile.

2 Reyes 11:16

Hich la stsaquic soc la smilic te Atalía ta banti ya x'och cawuhetic ta sna ajwalil.

2 Reyes 11:20

Spisil te ants-winiquetic ta q'uinal buen tse'el yo'tanic yu'un. Soc lamal yo'tan hil te pueblo yu'un laj ta espada te Atalía ta sna ajwalil.

2 Crónicas 33:24

Chapbot sc'oblal ta milel yu'un te a'batetic yu'une, la smilic ta sna.

Salmos 51:4

Ha'at nax ta atojol te jtahoj jmul, ha'at nax atuquel, la jpas ta atojol te bin chopol, scuenta yu'un ya xna'ot te stojil bin yac awal, soc te stojil ya xchahpanwanat.

Éxodo 20:13

Ma me xawa'iy milaw.

Proverbios 28:17

Te mach'a ay swocol ta scaj smilaw, ya x'ahn ha to c'alal ya xbaht ta muquenal; ma me ayuc mach'a ya xcoltayot yu'un.

Eclesiastés 3:3

ay yorahil milaw, ay yorahil poxtayel; ay yorahil ta jinel, ay yorahil ta pasel;

Levítico 17:4

teme ma ba ya yic' tal ta yochibal te Nahilpac' Templo yu'un tahojibal scuenta ya'beyel smahtan Jehová ta stojol te nahilpac' yu'un Jehová, la sta smul te winic yu'un te la smal ch'ich'. Ya me yich' loq'uesel ta yohlil te slumal,

Levítico 24:17

Te mach'a ya ya'iy milaw, ya me yich' milel.

Números 35:16

Teme ya yehchentes ta taq'uin, teme laj yu'une, ha milaw abi; ya me yich' milel te jmilawe.

Números 35:25

Te pueblo ya scoltayic loq'uel ta sc'ab te mach'a ya sutbe spacol te ch'ich' malbil, ya me sticonic suhtel ta pueblo yu'un ahnibal, te banti baht ta ahnel, tey ya xhil a ha to c'alal ya xcham te muc'ul sacerdote, te mach'a malot ta ch'ul aceite.

Números 35:33

Ma me xabohlobtesbeyic sc'oblal te q'uinal te banti ya xnahinex; como te ch'ich' ini ya sbohlobtesbe sc'oblal te q'uinale; ma xhu' ya yich' lecubtesbeyel sc'oblal te q'uinal yu'un te ch'ich' malbil tey a, ha nax ta scuenta te sch'ich'el te mach'a la smal te ch'ich'e.

San Mateo 26:52

Ha yu'un hich halbot yu'un te Jesús: Otsesa ta yawil te espada awu'un, como spisil te mach'atic ya stsaquic espada, ta espada ya xlajic.

Romanos 13:4

como ha a'bat yu'un Dios yu'un hich lec ya xc'ohat a. Yan teme yac apas te bin chopol, xiwan me yu'un, como ma tojoluc yich'oj te espada, como ha a'bat yu'un Dios, ha ya ya'be castigo te mach'a chopol bin ya spase.

1 Corintios 11:7

Te winic ma lecuc teme ya smuc sjol, como ha sloc'omba soc ha yutsilal te Diose; yan te antse, ha yutsilal te winique.

Deuteronomio 19:11

Yan teme ay mach'a ya yilintay te spat-xuhc soc ya spac'mucultay, ya xhahch scontrahin soc ya smil, patil ya xbaht ta ahnel ta bayuc pueblohetic ini,

Deuteronomio 5:17

Ma me xawa'iy milaw.

Santiago 3:9

Ha ya calbetic yutsil sc'oblal a te Jtatic Dios soc ha nix ya jbohlobtesbe sc'oblal a te ants-winiquetic te slop'tayej sba a te Diose.

Apocalipsis 13:10

Te mach'a ya x'ic'awan bahel ta chuquel, ya me x'ic'ot bahel ta chuquel. Te mach'a ya yich' milel ta espada, ya me yich' milel ta espada. Ha ini ya sc'an te ay yip yo'tanic soc te ay sch'uhunel yo'tanic te mach'atic ch'ultesbilique.

Jueces 9:56

Hich a'bot stoj yu'un Dios te Abimelec te bin chopol la spasbe te stat, te bin ut'il la smilticlan te lajuneb schanwinic (70) ta tuhl yermanotac.

1 Samuel 15:33

Pero la yal te Samuel: Hich te bin ut'il te espada awu'un la yac' te mayuc yalatac a hil te antsetic, ha nix hich mayuc yal ya xhil te anan ta yohlil te antsetique, xchi. Hich te Samuel la sesen te Agag ta stojol Jehová ta Gilgal.