Génesis 9:5 - Bible in Tzeltal Bachajón

⁵ como ya me xc'opojon yu'un ach'ich'el te ya yich' malel, ya ca'be stoj spisil chambahlam soc spisil winic; ya ca'be stoj ta jujutuhl te ya smalbe sch'ich'el te spat-xuhque.

Bible in Tzeltal de Oxchuc y Tenejapa

⁵ Teme ay mach'a ya smil jtul ants-winic, ya me yich' castigo cu'un, manchuc me chambalam, manchuc me ants-winic te ya smalbat te ach'ich'ele, ya me yich' milel uuc.

Génesis 9:5 ပူးပေါင်းရင်းမြစ်များ

Génesis 42:22

Ha yu'un hich la yal te Rubén: ¿Ma bal lajuc calbeyex te ma me xata amulic ta stojol te quereme, pero ma ba la awich'bonic ta cuenta? Ha yu'un yaquix jtojbeltic te sch'ich'ele, xchi.

2 Samuel 4:11

¿Ma bal c'axuc to xan hich ya jpasbe a te chopol winiquetic te la smilic ta sna soc ta swayib te mach'a toj ta winiquil? Ha yu'un ¿ma bal yacuc sc'an te ya jc'ambeyex sch'ich'el ta acuentahic soc te ya jtup'ex ta q'uinal? xchi.

1 Reyes 2:6

Hich me yac apas te bin ut'il ay sp'ijil awo'tan; ma me xawac' te lamal q'uinal ya xco bahel ta muquenal.

2 Reyes 11:1

Te c'alal la yil te Atalía te snan Ocozías te lajix te yale, hahch smilticlan spisil te mach'atic ay yu'un te ajwalile.

2 Crónicas 24:22

Te ajwalil Joás ma ba la sna'ix te bin ora c'uxultayot yu'un te Joiada, te stat Zacarías, ha la smilbe te snich'an, te hich la yal te c'alal nopol ya xchamix a: ¡Ac'a yil Jehová soc ac'a schahpan! xchi.

2 Crónicas 33:24

Chapbot sc'oblal ta milel yu'un te a'batetic yu'une, la smilic ta sna.

2 Crónicas 33:25

Pero te pueblo la smilic te mach'atic la schapbeyic sc'oblal ta milel te ajwalil Amón, la ya'beyic sjelolin ta ajwalil te Josías te snich'ane.

Salmos 9:12

Te Mach'a ya sc'ambe stojol malbil ch'ich' ya sna'ticlan; ma ba ya xch'ay ta yo'tan te yaw te mach'atic pich'il yo'tanique.

Éxodo 20:13

Ma me xawa'iy milaw.

Éxodo 21:12

Te mach'a ya yehchentes yan, teme ya xcham yu'un, ya me yich' milel.

Levítico 19:16

Ma me xbehenat ta yohlil alumal ta le-c'op. Ma me ayuc bin yac apas te ya xlaj scuxlejal apat-axuhc a. Ho'on, Jehovahon.

Levítico 24:17

Te mach'a ya ya'iy milaw, ya me yich' milel.

Levítico 24:21

Te mach'a ya smil chambahlam, ya me sjeltay, pero te mach'a ya smil ants-winic, ya me yich' milel.

Números 35:16

Teme ya yehchentes ta taq'uin, teme laj yu'une, ha milaw abi; ya me yich' milel te jmilawe.

Números 35:17

Teme ya yehchentes ta ton te ya xhu' ya xmilawan, teme laj yu'une, ha milaw abi; ya me yich' milel te jmilawe.

Números 35:18

Teme ya yehchentes ta te' te ya xhu' ya xmilawan, teme laj yu'une, ha milaw abi; ya me yich' milel te jmilawe.

Números 35:21

o teme la yehchentes ta sc'ab scuenta scontrahinel, teme laj yu'un, ya me yich' milel te j'ehchenteswanej, como ha milaw. Te mach'a ya sutbe spacol te ch'ich' malbil, ha ya smil te c'alal ya stahe.

San Mateo 23:35

Hich yac amulimbeyic smalbeyel sch'ich'el spisil te mach'atic toj yo'tanic te lajic ta milel ta bahlumilal, c'alal ta sch'ich'el Abel te toj yo'tan ha to ta sch'ich'el Zacarías te snich'an Berequías te la amilic ta ohlil yu'un te Templo soc te scajtajib ta chiq'uel mahtanil.

Hechos 17:26

Ta jtuhl nax winic la schicnajtes spisil ta chahp nacionetic yu'un ya xnahinic ta swohlol bahlumilal; soc la schahpambe yorahilic soc te banti ya xnahinic,

Deuteronomio 19:11

Yan teme ay mach'a ya yilintay te spat-xuhc soc ya spac'mucultay, ya xhahch scontrahin soc ya smil, patil ya xbaht ta ahnel ta bayuc pueblohetic ini,

Deuteronomio 19:12

te mamaletic ta pueblo yu'un ya me sticonic ta iq'uel tal tey a, ya me ya'beyic ta sc'ab te mach'a ay ta scuenta sutbeyel spacol te ch'ich', scuenta yu'un ya xlaj.

Jueces 9:56

Hich a'bot stoj yu'un Dios te Abimelec te bin chopol la spasbe te stat, te bin ut'il la smilticlan te lajuneb schanwinic (70) ta tuhl yermanotac.