Génesis 9:3 - Bible in Tzeltal Bachajón

³ Ya xhu' yac awe'ic spisil bintic cuxul soc te ya xbehenic, hich te bin ut'il te itaj soc te yaxal ha'mal. La jca'beyexix spisil.

Bible in Tzeltal de Oxchuc y Tenejapa

³ Ja' me ya awe'elinic spisil bitic cuxajtic te ya xbeenique, ja' nix jich te boc-itaje. Spisil cac'ojbeyex awe'elinic.

Génesis 9:3 ပူးပေါင်းရင်းမြစ်များ

Génesis 9:2

Ya me xnihquic soc ya me xiwic ta atojolic spisil chambahlametic ayic ta q'uinal, spisil mutetic ayic ta sjamalil ch'ulchan, spisil bintic ya xbehenic ta lumq'uinal, soc spisil te chayetic ayic ta mar; ay ta ac'abic.

Levítico 22:8

Ma me swe' te bin chamen o te yich'oj ixtalanel yu'un ha'mal chambahlam, como ha bohloben sc'oblal ya xc'oht yu'un. Ho'on, Jehovahon.

Romanos 14:14

Jna'oj soc hich ay ta co'tan ta scuenta te Cajwaltic Jesús, te mayuc bin bohloben sc'oblal; pero te mach'a ya scuy te bohloben sc'oblale, yu'un nix bohloben sc'oblal ta stojol abi.

Romanos 14:17

como te cuentahinel yu'un Dios ma ha'uc we'el uch'el, ha te bin toj ta pasel, lamal q'uinal soc tse'el-o'tanil ta scuenta te Ch'ul Espíritu,

Romanos 14:20

Ma me xajimbe te ya'tel Dios ta scaj we'elil. Spisil bintic ay, lec sc'oblal, pero ma lecuc teme ay mach'a ya ya'be sc'ohchin sba yantic ta scuenta te bin ya swe'e.

Romanos 14:3

Te mach'a ya swe' spisil, ma me sp'aj te mach'a ma ba ya swe'e. Ha nix hich te mach'a ma ba ya swe' spisil, ma me xyich'o-c'optay te mach'a ya swe' spisil, como ic'bil yu'un Dios.

1 Corintios 10:23

Libre ayon ta spasel spisil, pero ma spisiluc lec. Libre ayon ta spasel spisil, pero ma spisiluc ya xlecubteswan.

1 Corintios 10:31

Ha yu'un teme ya xwe'ex o ya x'uch'ex o biluc yac apasic, pasahic spisil ta scuenta yich'el ta muc' te Diose.

Deuteronomio 12:15

Pero ya xhu' yac amil soc yac ati' ti'bal ta spisil te pueblohetic awu'un ta biluc ora te yac ac'ane, ha chican te bendición la ya'bat te Jehová te Dios awu'un. Te mach'a bohloben sc'oblal soc te mach'a lec sc'oblal ya xhu' ya swe', hich ya xc'oht te bin ut'il gacela-chij o muc'ul chij;

Colosenses 2:16

Ha yu'un ma me ayuc mach'a ya yich'oc'optayex yu'un te bin yac awe'ic soc yac awuch'ic, o scanantayel sc'ahc'alel q'uin, yach'il u, o sc'ahc'alel cux-o'tan.