Génesis 9:16 - Bible in Tzeltal Bachajón

¹⁶ C'alal ya xchicnaj te xojob ta yohlil te tocal, ya me quil soc ya me jna' te chapbil-c'op te ma xlaj sc'oblal ta stojol Dios soc ta stojol spisil bintic cuxajtic ta bahlumilal, xchi.

Bible in Tzeltal de Oxchuc y Tenejapa

¹⁶ C'alal ya xchicnaj te arco iris ta yolil tocal, ya me quil soc jich me ya jna' te trato calojbey ta stojol spisil bitic cuxajtic te ayic ta balumilale.

Génesis 9:16 ပူးပေါင်းရင်းမြစ်များ

Génesis 17:13

Te mach'a ya x'ayin ta ana soc te mach'a mambil awu'un ta ataq'uin, ya me yich' te circuncisión. Ha seña ta abaq'uetalic te chapbil-c'op cu'un te stalel ay.

Génesis 17:19

La sjac' te Diose: Ya me x'ayin squerem-al te awihnam Sara, ya me awa'be sbihilin Isaac. Ha nix hich ya ca'be te chapbil-c'op cu'un scuenta chapbil-c'op yu'un te sts'umbal ta patil bahel te ma xlaj sc'oblal.

Génesis 17:7

Ya jchahp jc'op soc ha'at soc ats'umbal ta cajalcaj bahel, ha chapbil-c'op te mayuc bin ora ya xlaj sc'oblal: te Ho'on Dioson awu'un soc yu'un jayeb ats'umbal ta patil bahel.

Génesis 9:17

Te Dios la yalbe te Noé: Ha seña yu'un te chapbil-c'op ini te la jchap soc ha'at soc spisil bintic cuxajtic ta q'uinal, xchi.

2 Samuel 23:5

Ha scuentahil te yich'oj yip ta stojol Dios te jna; Dios schapoj sc'op ta jtojol scuenta sbahtel q'uinal; chapal ta lec soc canantaybil, aunque ma to la yac' nichinuc spisil te jcolel soc te bin ya sc'an co'tan.

Isaías 55:3

Jama achiquin, la'ic ta jtojol; a'iya awa'iyic yu'un hich ya xcuxaj ach'uhlelic a. Ya jpas chapbil c'op ta atojolic te sbahtel q'uinal ay, ha te sc'uxul co'tan ta stojol David te stalel ay.

Jeremías 32:40

Ya jpas chapbil-c'op soc te sbahtel q'uinal ya xhalaj: Ha te ma ba ya xquehchajon ta spasbeyel te bintic lec, soc ya cac' te ya yich'onic ta muc' scuenta yu'un mayuc bin ora ya yihquitayonic.

Ezequiel 34:26

Ya ca'be bendición ta stojolic soc ta sjoyobal te tsehl cu'un, soc ya cac' te ya xtal ha'al ta yorahil; ha'al yu'un bendición ya xc'oht.

Ezequiel 37:26

Ya jpas chapbil-c'op scuenta lamal q'uinal ta stojolic; ha chapbil-c'op sbahtel q'uinal ta stojolic. Ya ca'be yich' yipic soc ya cac' te ya xp'ohlic, soc ya cac' ta yohlilic te ch'ul awilal cu'un sbahtel q'uinal.

Hebreos 13:20

Te Dios yu'un lamal q'uinal, te ta scuenta te sch'ich'el te yach'il chapbil-c'op la scha'cuxajtes tal ta lajel te Cajwaltic Jesucristo, te muc'ul Jcanantaywanej yu'un te tuminchijetic,