Génesis 9:1 - Bible in Tzeltal Bachajón

¹ Dios la ya'be bendición te Noé soc te snich'nab, hich la yalbe: Sitinan, p'ohla abahic, nojesahic te q'uinale.

Bible in Tzeltal de Oxchuc y Tenejapa

¹ Dios la yac'bey bendición te Noé soc te snich'nabe, jich la yalbey: —Esmajanic, nojesaic xan te q'uinale.

Génesis 9:1 ပူးပေါင်းရင်းမြစ်များ

Génesis 1:22

Dios la yac'ticlambe bendición, hich la yal: Sitinanic soc p'ohla abahic, nojesahic te ha'etic ta maretic soc ac'a sp'ohl sbahic te mutetic ta bahlumilal, xchi.

Génesis 1:28

Dios la yac'ticlambe bendición, hich la yalbe: Sitinan soc p'ohla abahic, nojesahic ta swohlol te bahlumilal, soc tuhunahic te q'uinale. Ajwalilat ya xc'ohat yu'un te schayul ha'etic, te mutetic te ya xwihlic ta toyol soc spisil te chambahlametic te ya xbehenic ta lumq'uinal, xchi.

Génesis 10:32

Hich ay te snich'nab Noé ta cajalcaj sts'umbal soc ta jujuchahp nacionetic. Tey hahchic tal a te jujuchahp nacionetic te la spuc sbahic bahel ta q'uinal te c'alal c'axix a te puhlele.

Génesis 2:3

La ya'be bendición te shuquebal c'ahc'al soc la sch'ultes, yu'un tey la scux yo'tan yu'un spisil te ya'tele.

Génesis 24:60

La ya'beyic bendición te Rebeca, hich la yalic: Ha'at quihts'inatcotic, ha'uc me nanil ya xc'ohat yu'un tsobol ta mil, soc te ats'umbal ya yu'untaybeyic spuertahul te scontratac, xchihic.

Génesis 35:11

Soc halbot xan yu'un Dios: Ho'on Dioson te spisil ya xhu' cu'un: nich'najanic soc p'ohla abahic. Jun nación soc bayel ta chahp nacionetic ya xchicnaj ta acuenta, soc bayel ta tuhl ajwaliletic ya xloc' tal ta abaq'uetal.

Génesis 8:17

Soc ya me aloq'ues spisil te chambahlametic te sjoquinejat, spisil ta chahp mutetic, chambahlametic, soc te bintic staslajan ya xbehenic ta lumq'uinal; behenanic ta q'uinal, sitinan soc p'ohla abahic ta bahlumilal, xchi.

Génesis 9:19

Ha'ic te oxtuhl snich'nab te Noé, ha ta scuentahic te noj xan te bahlumilale.

Génesis 9:2

Ya me xnihquic soc ya me xiwic ta atojolic spisil chambahlametic ayic ta q'uinal, spisil mutetic ayic ta sjamalil ch'ulchan, spisil bintic ya xbehenic ta lumq'uinal, soc spisil te chayetic ayic ta mar; ay ta ac'abic.

Génesis 9:7

Te ha'exe sitinan soc p'ohla abahic, al-nich'anajanic, nojesahic te bahlumilal, xchi te Diose.

Salmos 112:1

¡Aleluya! Bayel yutsil te mach'a yich'oj ta muc' te Jehová, te bayel ya smulan te mandariletic yu'une.

Isaías 51:2

Ilawil te Abraham te atatic, soc te Sara te la yalatayex; como te c'alal stuquel ay a, la jquic' talel, la jca'be bendición soc la jcac' p'ohluc.