Génesis 8:16 - Bible in Tzeltal Bachajón

¹⁶ Loc'an ta barco, ha'at soc awihnam, anich'nab, soc yihnam anich'nab.

Bible in Tzeltal de Oxchuc y Tenejapa

¹⁶ —Loc'an ta barco, ja'at soc awinam, soc anich'nab, soc yinamic te anich'nabe.

Génesis 8:16 ပူးပေါင်းရင်းမြစ်များ

Génesis 7:1

Patil te Jehová hich la yalbe te Noé: Ochan ta barco soc spisil mach'atic ay awu'un, como ta spisil te mach'atic ayic ta q'uinal, quiloj te ha'at nax atuquel te toj awo'tan ta jtojol.

Génesis 7:13

Ha yorahil a te ochic ta barco te Noé soc te snich'nab, Sem, Cam soc Jafet, soc te yihnam Noé soc yihnam te oxtuhl snich'nab,

Génesis 7:7

Ta scaj te puhlel och ta barco te Noé soc snich'nab, te yihnam soc yihnam te snich'nabe.

Génesis 8:15

Ha yu'un te Dios hich la yalbe te Noé:

Génesis 8:17

Soc ya me aloq'ues spisil te chambahlametic te sjoquinejat, spisil ta chahp mutetic, chambahlametic, soc te bintic staslajan ya xbehenic ta lumq'uinal; behenanic ta q'uinal, sitinan soc p'ohla abahic ta bahlumilal, xchi.

Salmos 121:8

Te Jehová ya scanantayat te c'alal ya xloc'at bahel soc te c'alal ya suhtat talel, ta ora ini soc ta sbahtel q'uinal.

Salmos 91:11

yu'un ya me yalbe mandar te ch'ul a'batetic yu'un te ya scanantayat bayuc ya xbahat.

Zacarías 9:11

Ha nix hichat, ta scuenta te ch'ich' yu'un te chapbil-c'op cu'un ta atojolic, ya jloq'uesbat te jchuqueletic awu'un ta yawil ha' te mayuc ya'lel.

Josué 3:17

Yan te sacerdotehetic te sq'uechojic te scaxahul te chapbil-c'op yu'un Jehová, teq'uelic ta staquin lumil ta yohlil te Jordán ha to c'alal sohlic bahel ta Jordán spisil te pueblo. Spisil Israel sohlic bahel ta staquin lumil.

Josué 4:10

Te sacerdotehetic te la sq'uechic bahel te scaxahul te chapbil-c'op, tey tec'ajtic ta yohlil a te Jordán ha to c'alal c'oht ta pasel spisil bintic halbot yu'un Jehová te Josué te ya yalbe te pueblo; hich te bin ut'il spasot ta mandar yu'un Moisés te Josué. La suj sbahic sohlel te pueblohe.