Génesis 7:9 - Bible in Tzeltal Bachajón

⁹ ochic ta barco soc te Noé, jcoht stat soc jcoht yantsilel te jujuchahp, hich te bin ut'il pasot ta mandar yu'un Dios te Noé.

Bible in Tzeltal de Oxchuc y Tenejapa

⁹ ochic ta barco soc te Noé, jcojt' stat soc jcojt' sme' te juju-jchajp, jich bit'il pasot ta mandal yu'un te Diose.

Génesis 7:9 ပူးပေါင်းရင်းမြစ်များ

Génesis 2:19

Spisil te chambahlametic ayic ta q'uinal soc spisil te mutetic ya xwihlic ta toyol pasticlambil ta lum yu'un te Jehová Dios. La yic'ticlambe tal ta stojol Adán scuenta yu'un ya yil bin sbihil ya yac'ticlambe stuquel. Te bin sbihil ac'ticlambot yu'un Adán te chambahlametic, hich nix sbihil c'oht a.

Génesis 6:22

Te Noé la spas spisil hich te bin ut'il pasot ta mandar yu'un Dios.

Génesis 7:10

Ta shuquebal c'ahc'al tal puhlel ta bahlumilal.

Génesis 7:15

Ochic soc Noé ta barco cha'cha'coht ta jujuchahp ta spisil bintic cuxajtic ta q'uinal.

Génesis 7:16

Ta spisil bintic cuxajtic, stat soc yantsilel, ochic soc, hich te bin ut'il pasot ta mandar yu'un Dios. Te Jehová la smacbe spuertahul te barco.

Génesis 7:8

Te chambahlametic te lec sc'oblalic soc te chambahlametic te ma lecuc sc'oblalic, te mutetic soc spisil bintic staslajan ya xbehen ta lumq'uinal,

Isaías 65:25

Te ha'mal-ts'i' soc te alal-tuminchij ya me sjoquin sbahic ta we'el, te choj ya me swe' ac hich te bin ut'il j'a'tel-wacax, yan te chane ya me swe'elin ts'u'lum. Ma ba ya yuts'inic soc ma ba ya sjinic ta spisil te ch'ul wits cu'un, xchi te Jehová.

Jeremías 8:7

Te cigüeña-mut ta sjamalil ch'ulchan ya sna' te jujucaj yorahil, soc te xpuliwoc, te ulich soc te smutil ha' ya sna'ic te bin ora ya suhtic talel; yan te pueblo cu'un ma sna'be sba te mandariletic yu'un Jehová.

Gálatas 3:28

Mayuquix judío o griego; mayuc moso o mach'a ay ta libre; mayuc winic o ants, como junax c'ohemex ta apisilic ta scuenta Cristo Jesús.

Colosenses 3:11

Tey mayuc griego o judío, teme yich'oj circuncisión o ma ba yich'oj circuncisión, bárbaro o jyanlum, moso o mach'a libre ay, ha nax ay sc'oblal stuquel te Cristo soc te ay ta co'tantic jpisiltic.