Génesis 7:21 - Bible in Tzeltal Bachajón

²¹ Hich laj spisil bintic cuxajtic ta bahlumilal: mutetic, alaq'uil chambahlametic soc ha'mal chambahlametic, spisil bintic staslajan ya xbehen ta lumq'uinal, soc spisil ants-winiquetic.

Bible in Tzeltal de Oxchuc y Tenejapa

²¹ Jich laj spisil ants-winiquetic ta balumilal, soc mutetic, soc alaq'uil chambalametic soc te yantic ja'mal chambalametic, soc spisil chambalam te staslajan ya xbeen ta balumilale.

Génesis 7:21 ပူးပေါင်းရင်းမြစ်များ

Génesis 1:25

Dios la spas te chambahlametic, te alaq'uil chambahlametic soc spisil te bintic ya stas sbahic ta lumq'uinal, chican bintic yilel te jujuchahpe. Lec la yil te Diose.

Génesis 6:13

Ha yu'un Dios la yalbe te Noé: La jnopix te ya jlajin spisil bintic cuxajtic, yu'un ha ta scuentahic te nojel ta uts'inwanej te q'uinale. Ha yu'un pajal ya jlajin te q'uinal soc spisil bintic cuxajtic.

Génesis 6:17

Ya cac' tal puhlel ta bahlumilal, ya xlaj spisil te bintic cuxajtic ta ye'tal ch'ulchan. Spisil ya xlaj bintic ay ta bahlumilal.

Génesis 7:4

Huqueb c'ahc'al ta patil ya cac' tal ha'al ta bahlumilal cha'winic c'ahc'al soc cha'winic ahc'abal; ya jlajin spisil bintic cuxajtic te pasbil cu'un ta sba te bahlumilale, xchi.

Job 34:15

spisil bintic cuxajtic pajal ya xlajic, soc te ants-winic ya scha'sutp'ij xan ta ts'u'lum.

Isaías 24:19

Ya yich' jinel te q'uinal, ya xjahm te lumq'uinal, tulan ya xyuq'uilanot te q'uinale.

Isaías 24:6

Ha scuentahil te laj te q'uinal yu'un bohlob sc'oblal, soc te mach'atic nahinemic tey a ya xc'ax swocolic yu'un smulic. Ha scuentahil te lajinot te mach'atic nahinemic ta q'uinal, mayuc tsobol hil te ants-winiquetique.

Oseas 4:3

Ha scuentahil te ya smel yo'tan te q'uinal soc te ya xlaj yipic spisil mach'atic nahinemic tey a; ya xlajic te ha'mal chambahlametic, te mutetic ya xwihlic ta ch'ulchan, soc ha nix hich te chayetic ta mar.

Joel 2:3

Spisil ya xlaj ta c'ahc' ta stojolic, soc ya xlaj ta yat c'ahc' ta spatic. Te q'uinal hich yilel te bin ut'il ts'umbil q'uinal Edén te c'alal ma to ba c'axemic a, ta spatic hich ya xc'oht te bin ut'il jochol taquin q'uinal; mayuc bin ya xcol hilel ta stojolic.

Sofonías 1:3

Ya jlajin ants-winiquetic soc chambahlametic, ya jlajin te mutetic ya xwihlic ta toyol soc te chayetic ta mar, ya cac' ch'ayuc bahel te mach'atic chopol yo'tanic, soc ya jlajin ta sba bahlumilal te ants-winiquetic, xchi te Jehová.

San Mateo 24:39

ma ba la sna'ic ha to c'alal tal te puhlel soc spisilic lajinotic yu'un, hich ya xtal te Nich'anil ay ta scuenta winic.

San Lucas 17:27

Yacalic ta we'el uch'el, ta nuhpunel soc ta aq'uel ta nuhpunel, ha to c'alal och ta barco te Noé soc tal te puhlel te la slajin spisilic.

Romanos 8:20

Te bintic pasticlambil ac'ot ta cuentahinel yu'un te bin tojol nax, ma ha'uc nix hich la sc'an, pero ha ta scaj te Mach'a la yac' ta cuentahinel yu'un te bin yac smahliybel.

Romanos 8:22

Jna'ojtic te yac ta ahcan spisil te bintic pasticlambil, soc c'alal ora yac ta c'axel bayel swocol hich te bin ut'il ants te ya yayintes alal.

2 Pedro 2:5

Soc ma ba la spasbe perdón te mach'atic ayic ta bahlumilal ta namey, la yac' tal puhlel ta stojol te chopol ants-winiquetic, ha nax la scanantay te Noé, te la yalbe sc'oblal te bin toj ta pasel, soc col xan huctuhlic.