Génesis 7:12 - Bible in Tzeltal Bachajón

¹² Cha'winic (40) c'ahc'al soc cha'winic ahc'abal la yac' tal ha'al ta bahlumilal.

Bible in Tzeltal de Oxchuc y Tenejapa

¹² Cha'winic c'aal soc cha'winic ajc'ubal la yac' ja'al ta sba te balumilale.

Génesis 7:12 ပူးပေါင်းရင်းမြစ်များ

Génesis 7:17

Cha'winic (40) c'ahc'al halaj te puhlel ta bahlumilal, tohy mohel te ha'e, la sta te barco, lichot mohel yu'un.

Génesis 7:4

Huqueb c'ahc'al ta patil ya cac' tal ha'al ta bahlumilal cha'winic c'ahc'al soc cha'winic ahc'abal; ya jlajin spisil bintic cuxajtic te pasbil cu'un ta sba te bahlumilale, xchi.

Génesis 8:2

Mahquic te banti t'ohm loq'uel tal ha'etic ta xahab soc mahc te tulan ha'al ta ch'ulchan; quehchaj te ha'al te co tal ta ch'ulchan.

1 Reyes 19:8

Hich hahch soc we' uch'. A'bot yip yu'un te we'elil la swe', hich behen cha'winic (40) c'ahc'al soc cha'winic (40) ahc'abal ha to c'alal c'oht ta Horeb, te wits yu'un Dios.

Éxodo 24:18

Te Moisés och bahel ta yohlil te tocal soc mo xan bahel ta wits. Tey halaj a te Moisés cha'winic (40) c'ahc'al soc cha'winic ahc'abal.

San Mateo 4:2

Ta patil te la scom swe'el cha'winic (40) c'ahc'al soc cha'winic ahc'abal, wi'naj.

Deuteronomio 10:10

Halajon ta wits cha'winic (40) c'ahc'al soc cha'winic (40) ahc'abal, hich te bin ut'il ta nahil to. Yan buelta la ya'iybon jc'op te Jehová, hich ma ba la sc'an te la slajinat.

Deuteronomio 9:18

Patil la jpahcan jba ta stojol Jehová cha'winic (40) c'ahc'al soc cha'winic (40) ahc'abal, hich te bin ut'il ta nahil to; mayuc bin la jwe' soc ma ba la jcuch' ha', ta scaj spisil amulic la apasic, ha te bin chopol la apasic ta stojol Jehová te la awaq'uic ilinuc yu'une.

Deuteronomio 9:9

Te c'alal mohon bahel ta wits yu'un ya quich' tal te pehchel tonetic, ha te pehchel tonetic yu'un te chapbil-c'op la spas ta atojolic te Jehová, tey halajon a ta wits cha'winic (40) c'ahc'al soc cha'winic (40) ahc'abal, mayuc bin la jwe' soc ma ba la jcuch' ha'.

2 Pedro 3:6

soc te ha nix ta scuenta te laj te bahlumilal ta namey, yu'un puhl ta ha'.