Génesis 6:9 - Bible in Tzeltal Bachajón

⁹ Hich ay sc'oblal te yorahil Noé. Toj ta winiquil te Noé; ha nax te lec yo'tan stuquel ta yohlil te ants-winiquetic ta hich ora. Behen soc Dios te Noé.

Bible in Tzeltal de Oxchuc y Tenejapa

⁹ Ja' sc'oplal te Noé. Toj yo'tan te Noé, spisil ora la xch'uunbey smandal te Diose. Ta spisil mach'atic ayic ta q'uinal, ja' nax lec yo'tan stuquel; ya spasbey sc'anjel yo'tan Dios ta spisil ora.

Génesis 6:9 ပူးပေါင်းရင်းမြစ်များ

Génesis 10:1

Hich ay te cajalcaj sts'umbalic te snich'nab Noé: ha te Sem, Cam soc Jafet, te ayin yal-snich'anic c'alal c'axix a te puhlele.

Génesis 17:1

Ay balunlajuneb yo'winic (99) ya'bilal a te Abram te c'alal Jehová la yac' sba ta ilel ta stojol, hich halbot yu'un: Ho'on Dioson te spisil ya xhu' cu'un; behenan ta jtojol soc toj me xawac' aba.

Génesis 2:4

Hich ay sc'oblal te shahchibal te ch'ulchan soc bahlumilal. Te c'alal pastaj yu'un Jehová Dios te bahlumilal soc te ch'ulchan,

Génesis 48:15

La ya'be bendición te José, hich la yal: Te Dios, te ha ta stojol behenic te Abraham soc Isaac te tatiletic cu'un, ha te Dios te scanantayejon ta spisil jcuxlejal ha to c'alal ora,

Génesis 5:1

Hich ay te sbihilic te sts'umbal Adán. C'alal Dios la spas te winic, pajal yilel soc Dios la spas.

Génesis 5:22

Ta patil te ayin te Matusalén, te Enoc behen soc Dios ho'lajunwinic (300) ha'bil, soc ayin yan queremetic soc ach'ixetic yu'un.

Génesis 5:24

Te Enoc behen soc Dios; patil ma ba chicnaj, yu'un ic'ot bahel yu'un Dios.

Génesis 6:10

Ayin oxtuhl snich'nab te Noé: ha te Sem, Cam, soc Jafet.

Génesis 7:1

Patil te Jehová hich la yalbe te Noé: Ochan ta barco soc spisil mach'atic ay awu'un, como ta spisil te mach'atic ayic ta q'uinal, quiloj te ha'at nax atuquel te toj awo'tan ta jtojol.

2 Samuel 22:24

Toj la jcac' jba ta stojol, jcanantayej jba yu'un ma ba ya jta jmul.

1 Reyes 3:6

La sjac' te Salomón: Ha'at bayel la ac'uxultay te jtat, ha te awa'bat David, como jun yo'tan ta atojol soc stojil bin la spas, soc lec yo'tan ta atojol. Ma ba ch'ayem te smuc'ul sc'uxul awo'tan ta stojol, la awac' te ay snich'an te ya shuhcan sba ta shuctajib hich te bin ut'il yac ta c'ohel ta pasel ta ora ini.

2 Crónicas 15:17

Ta spisil ini, ma ba la yich' loq'uesel te toyol awilaletic ta Israel, aunque te Asa jun yo'tan ta stojol Jehová te jayeb c'ahc'al cuxul.

2 Crónicas 25:2

Toj bin la spas ta stojol Jehová, aunque ma ba spisil yo'tan.

Job 1:1

Ta sq'uinal Uz ay jtuhl winic Job sbihil, lec soc toj yo'tan ta winiquil, yich'oj ta muc' te Dios soc mayuc bin chopol ya spas.

Job 1:8

¿La bal awil te ca'bat Job te mayuc mach'a yan hich pajal soc ta bahlumilal te lec soc toj ta winiquil, te yich'oj ta muc' te Dios soc mayuc bin chopol ya spas? xchi te Jehová.

Job 12:4

Ya stse'layon te camigotac; ho'on te ya jc'opon Dios soc ya sjac'bon, te toj co'tan soc lecon ta winiquil, ya quich' labanel.

Salmos 37:37

Nopa awa'iy bin ut'il ay te mach'a jun yo'tan soc ilawil te mach'a toj yo'tan, yu'un ay bin quechel ya xc'oht ta stojol te mach'a lamal yo'tan.

Salmos 37:39

Te coltayel yu'un te mach'atic toj yo'tanic, ha ya xtal ta stojol Jehová, ha ahnibal yu'unic ta yorahil wocol.

Proverbios 4:18

Te be yu'un te mach'atic toj yo'tanic hich ay te bin ut'il ya xhahch ta sacubel te q'uinal, te behbe ya sacub ha to c'alal ts'acal sacubix te q'uinale.

Eclesiastés 7:20

Mayuc ni jtuhluc ta bahlumilal te toj yo'tan, te ya spas te bin lec, te ma ba ya sta smul.

Ezequiel 14:14

te teyuc ay ta yohlilic a te Noé, Danel soc Job, ha nax ya xcolic ta libre ta yoxebalic te hichuque, ta scuenta te toj bin ya spasic, xchi te Jehová, te Ajwalil.

Ezequiel 14:20

te teyuc ay a te Noé, Danel soc Job, ho'on cuxulon, xchi te Jehová te Ajwalil, ma ba ya xhu' ya yaq'uic ta libre ni te squerem-nich'nabic o te yantsil-nich'nabique. Ha nax ya xcolic stuquelic ta scuenta te toj bin ya spasique.

Habacuc 2:4

Te mach'a ma tojuc yo'tan, ya stoy sba, yan te mach'a toj yo'tan ya xcuxaj ta scuenta sch'uhunel yo'tan.

San Lucas 1:6

Schebalic toj yo'tanic ta stojol Dios, soc ts'acal sch'uhumbeyejic spisil smandar te Cajwaltique.

San Lucas 2:25

Ay jtuhl winic ta Jerusalén, Simeón sbihil, toj ta winiquil soc jun yo'tan ta stojol Dios, soc yac smahliybel te ya xmuc'ubtesbot q'uinal ya'iy te Israel; soc cuentahimbil yu'un te Ch'ul Espíritu.

San Lucas 23:50

Ay jtuhl winic José sbihil te talem ta Arimatea, jun pueblo te ay ta sq'uinal Judea, ha smohlol te jchahpanwanejetic, lec yo'tan soc toj ta winiquil.

Hechos 10:22

La sjaq'uic: Te Cornelio, te capitán-soldado te lec yo'tan ta winiquil soc yich'oj ta muc' te Dios, soc te lec sc'oblal ta stojol spisil te nación yu'un te judíohetic, pasot ta mandar yu'un jtuhl ch'ul a'bat te ya me xtalat ta sna scuenta yu'un ya ya'iybat ac'op, xchihic.

Romanos 1:17

como ya xchicnaj ta lec yach'il c'op te stojil ya'tel te Dios, te ha ya xchicnaj ta scuenta sch'uhunel-o'tanil c'alal shahchibal c'alal slajibal, hich te bin ut'il ts'ihbabil: Te mach'a toj yo'tan, ha ya xcuxaj ta scuenta sch'uhunel yo'tan, te xchihe.

Gálatas 3:11

Jamal chican te mayuc mach'a toj ya x'ilot yu'un Dios ta scuenta te Ley, como ya yal: Te mach'a toj yo'tan ya xcuxaj ta scuenta sch'uhunel yo'tan, xchi.

Deuteronomio 18:13

Tojuc me ya x'ayinat ta stojol Jehová te Dios awu'un.

Hebreos 11:7

Ta scuenta sch'uhunel yo'tan te Noé, c'alal halbot yu'un Dios sc'oblal bintic ma to chicanuc ta ilel, jun yo'tan la spas te barco te banti col soc te mach'atic ay yu'une. Ta scuenta sch'uhunel yo'tan la yalbe smul te bahlumilal soc a'bot yich' te stojil-o'tanil te ya xtal ta scuenta sch'uhunel-o'tanil.

1 Pedro 2:5

Ha nix hichex, te bin ut'il cuxul tonex, ac'a abahic ta pasel ta na scuenta espíritu soc ta ch'ultesbil sacerdotehil, scuenta yu'un yac awaq'uic mahtaniletic scuenta espíritu te ich'bilic ta cuenta yu'un Dios ta scuenta te Jesucristo.

2 Pedro 2:5

Soc ma ba la spasbe perdón te mach'atic ayic ta bahlumilal ta namey, la yac' tal puhlel ta stojol te chopol ants-winiquetic, ha nax la scanantay te Noé, te la yalbe sc'oblal te bin toj ta pasel, soc col xan huctuhlic.