Génesis 6:6 - Bible in Tzeltal Bachajón

⁶ Te Jehová la smel yo'tan yu'un te la spas te ants-winiquetic; tal sc'uxul ta yo'tan.

Bible in Tzeltal de Oxchuc y Tenejapa

⁶ Jich yu'un bayal la smel yo'tan yu'un te la spas te ants-winiquetique. C'ax to xan la smel yo'tan,

Génesis 6:6 ပူးပေါင်းရင်းမြစ်များ

Génesis 6:7

Ha yu'un la yal te Jehová: Ya me jlajin ta sba te bahlumilal spisil ants-winiquetic te pasbil cu'un, spisil chambahlametic, te bintic ya stas sba ta behel, soc te mutetic ya xwihlic ta toyol, como ya jsuht jc'op yu'un te la jpasticlan, xchi.

2 Samuel 24:16

C'alal la shach sc'ab te ch'ul a'bat ta stojol Jerusalén yu'un slajinel, te Jehová la sut sc'op, hich la yalbe te ch'ul a'bat te yac ta lajinwanej: Tiq'uix a; coma te ac'abe, xchi. Te ch'ul a'bat yu'un Jehová ay ta sq'uiyojibal trigo yu'un te Arauna te jebuseo-winique.

1 Crónicas 21:15

Te Jehová la sticon ch'ul a'bat ta sjinel te Jerusalén; pero te c'alal ya xhahchix ta sjinel a, la yil te Jehová, la smel yo'tan yu'un te ya yich' jinel, ha yu'un la yalbe te ch'ul a'bat te hahchix ta sjinel: ¡Tic'uquix a, comahix te ac'abe! xchi. Te ch'ul a'bat yu'un Jehová tey teq'uel a ta nopol yawil swuyojibal trigo yu'un te Ornán te jebuseo-winique.

Salmos 106:45

la sna' xan te chapbil-c'op yu'un ta stojolic, hich la sut sc'op ta scaj te bayel sc'uxul yo'tan.

Salmos 110:4

Hich yaloj ta jamal te Jehová, ma ba ya suhtes sc'op: Ha'at sacerdotehat sbahtel q'uinal, hich te bin ut'il te Melquisedec, xchi.

Salmos 119:158

Ya quil te mach'atic ma junuc yo'tanic, mero ma jmulan, como ma ba ya sch'uhunic spasel te ac'ope.

Salmos 78:40

¡C'ax bayel buelta la stoy sbahic ta stojol ta jochol taquin q'uinal, la ya'beyic smel yo'tan ta jochol q'uinal!

Salmos 81:13

Te lajuc ya'iybon jc'op te pueblo cu'un, te lajuc st'umbon te behetic cu'un te Israel,

Salmos 95:10

Cha'winic (40) ha'bil ilinon ta stojol te jcaj ts'umbalil, hich la jcal: Ha pueblo te ya xhowij yo'tanic, ma ba sna'beyejic sba te behetic cu'une.

Éxodo 32:14

Ha yu'un te Jehová la suhtes yo'tan yu'un te bin chopol yaloj te ya spasbe te pueblo yu'une.

Isaías 48:18

¡Te lajuc awich' ta cuenta te mandariletic cu'un, hich c'oht te lamal q'uinal awu'un te bin ut'il muc'ul-ha', soc te bin toj ta pasel awu'un hich c'oht te bin ut'il ya xbehen yip te mar te hichuque!

Isaías 63:10

Pero la stoy sbahic soc la ya'be smel yo'tan te ch'ul espíritu yu'une; ha yu'un suht ta scontrahic soc ha nix la stsac sba ta guerra soc.

Jeremías 18:7

Ta jts'ihn nax ya xc'opojon ta scontrahinel jun pueblo o nación yu'un ya yich' bulel, busq'uinel soc jinel.

Jeremías 26:19

Te Ezequías ajwalil yu'un Judá, soc spisil Judá, ¿la bal smilic te Miqueas? ¿Ma bal ha'uc la yich' ta muc' te Jehová soc la sc'ambe te lecuc yo'tan ta stojol? ¿Ma bal lajuc sut sc'op te Jehová yu'un te bin chopol yaloj te ya spasbe? ¿Ya bal cac' taluc ta jtojoltic te bin c'ax chopole? xchihic.

Ezequiel 33:11

Hich me xawalbe: Ho'on cuxulon, xchi te Jehová te Ajwalil, ma jc'an te ya xlaj te mach'a chopol, ha ya jc'an te ya yihquitay hilel te be yu'un soc te ya xcuxaj. ¡Ihquitayahic, ihquitayahic te chopol behetic awu'unic! ¿Bin yu'un te ya xlajex, snahex Israel? xchihat.

Oseas 11:8

¿Bin ut'il ya xhu' ya quihquitayat, Efraín? ¿Bin ut'il ya xhu' ya cac'at ta c'abal, Israel? ¿Bin ut'il ya xhu' te hich ya jpasbat te bin ut'il Adma, o te hich ya cac'at te bin ut'il Zeboim? Bayel ya xc'opoj co'tan, hahchemix spisil te c'uxultaywanej cu'une.

Joel 2:13

Jata awo'tanic, ma ha'uc xach'i' te ac'u'ique, suhtanic tal ta stojol Jehová te Dios awu'unique, como ay sc'uxul yo'tan, soc ya sna' yo'bolil jbahtic, ma orahuc ya x'ilin soc ay bayel sc'uxul yo'tan, c'ux ya ya'iy te ya yac' castigo.

Jonás 3:10

Te Dios la yil te bin la spasic, ha te la suhtes yo'tanic yu'un te chopol be yu'unique, hich la suht sc'op yu'un te bin chopol yaloj te ya spasbe.

Malaquías 3:6

Ho'on, Jehovahon, ma ba ya xyanij co'tan; ha yu'un te ma ba lajemex, ha'ex sts'umbalex Jacob.

Números 23:19

Te Dios ma hichuc te bin ut'il winic te ya ya'iy lot, soc ma hichuc te bin ut'il snich'an winic te ya suht sc'op. Te bin la yal, ¿ma bal yacuc spas? Teme c'opoj, ¿ma bal yacuc sc'ohtes ta pasel?

Romanos 11:29

como ma xhu' ta lajimbeyel sc'oblal te mahtaniletic soc te iq'uel yu'un Dios.

Efesios 4:30

Ma me xawa'beyic smel yo'tan te Ch'ul Espíritu yu'un Dios, te ha sello awich'ojic ha to teme la sta yorahil acolelique.

Deuteronomio 32:29

¡Te ayuc sp'ijilic, te yacuc xc'oht ta yo'tanic ini, te yacuc sna'ic banti ya xc'ohtic ta loq'uel!

Deuteronomio 32:36

Te Jehová ya me schahpan te pueblo yu'un, soc ya me sna'be yo'bolil sbahic te a'batetic yu'un c'alal ya yil te lajix yipic, soc te mayuquix hilem a'bat o te mach'a libre aye.

Deuteronomio 5:29

¡Te hichuc ay yo'tanic spisil ora, te yacuc xi'onic soc te yacuc sch'uhumbonic spisil ora te mandariletic cu'un, scuenta yu'un lec ya xc'ohtic soc yal-snich'nabic ta spisil ora!

Hebreos 3:10

Ha scuentahil te ilinon ta stojol te jcaj ts'umbalil ini, hich la jcal: Jc'axel howiyem yo'tanic, ma sna'beyic sba te behetic cu'un, xchihon.

Hebreos 3:17

Soc ¿mach'atic a te ilinem Dios ta stojolic cha'winic (40) ha'bil? ¿Ma bal ha'uc te mach'atic la sta smulic, te hil sbaq'uetalic ta jochol taquin q'uinal?

Santiago 1:17

Spisil te bin lec a'bibilotic soc spisil lequil mahtanil talem ta toyol, ta stojol te Tatil yu'un sacal q'uinal, te ma xyanij hich te bin ut'il axinal.

1 Samuel 15:11

Ya jmel co'tan yu'un te la jcotses ta ajwalil te Saúl, como la yihquitayonix soc ma ba la spas te bin la jcal, xchi. Te Samuel ma ba lec la ya'iy, sjunal ahc'abal la yalbe bayel wocol Jehová yu'un.

1 Samuel 15:29

Te mach'a ha Yutsilal te Israel ma sna' lot soc ma patiluc ya sut sc'op, como ma winicuc te patil ya sut te sc'ope, xchi.

1 Samuel 15:35

Te Samuel tey mayuquix bin ora la yilbe xan sit a te Saúl; pero la yoq'uetay te Saúl, como te Jehová la smel yo'tan yu'un te la yotses ta ajwalil ta Israel te Saúl.