Génesis 6:18 - Bible in Tzeltal Bachajón

¹⁸ Pero ha'at ya xc'oht ta acuenta te chapbil-c'op cu'un, ya me x'ochat ta barco soc anich'nab, awihnam, soc yihnam anich'nab.

Bible in Tzeltal de Oxchuc y Tenejapa

¹⁸ Yan te ja'ate jc'axel me ya xc'ot ta awenta te trato cu'une, soc ya me x'ochat ta barco, soc anich'nab soc awinam, soc yinamic te anich'nabe.

Génesis 6:18 ပူးပေါင်းရင်းမြစ်များ

Génesis 17:21

Pero ya jchap te c'op cu'un soc Isaac, ha te anich'an te ya x'ayin ta scuenta Sara ta hich ora ta yan ha'bil, xchi.

Génesis 17:4

Ha'at te chapbil-c'op ini te ya jpas ta atojol: ha'at tatilat ya xc'ohat yu'un tsobol nacionetic.

Génesis 17:7

Ya jchahp jc'op soc ha'at soc ats'umbal ta cajalcaj bahel, ha chapbil-c'op te mayuc bin ora ya xlaj sc'oblal: te Ho'on Dioson awu'un soc yu'un jayeb ats'umbal ta patil bahel.

Génesis 7:1

Patil te Jehová hich la yalbe te Noé: Ochan ta barco soc spisil mach'atic ay awu'un, como ta spisil te mach'atic ayic ta q'uinal, quiloj te ha'at nax atuquel te toj awo'tan ta jtojol.

Génesis 7:13

Ha yorahil a te ochic ta barco te Noé soc te snich'nab, Sem, Cam soc Jafet, soc te yihnam Noé soc yihnam te oxtuhl snich'nab,

Génesis 7:7

Ta scaj te puhlel och ta barco te Noé soc snich'nab, te yihnam soc yihnam te snich'nabe.

Isaías 26:20

Bahan, pueblo cu'un, ochan bahel ta ana, maca te ti'nahiletic awu'un; nac'a aba jts'ihnuc, ha to c'alal ya xc'ax te yilimba.

Hebreos 11:7

Ta scuenta sch'uhunel yo'tan te Noé, c'alal halbot yu'un Dios sc'oblal bintic ma to chicanuc ta ilel, jun yo'tan la spas te barco te banti col soc te mach'atic ay yu'une. Ta scuenta sch'uhunel yo'tan la yalbe smul te bahlumilal soc a'bot yich' te stojil-o'tanil te ya xtal ta scuenta sch'uhunel-o'tanil.

1 Pedro 3:20

ha te mach'atic ta namey ma ba la sch'uhunic mandar te c'alal Dios la smahliy ta yorahil Noé te c'alal ay ta spasel a te barco, te banti waxactuhl nax colic ta ha'.

2 Pedro 2:5

Soc ma ba la spasbe perdón te mach'atic ayic ta bahlumilal ta namey, la yac' tal puhlel ta stojol te chopol ants-winiquetic, ha nax la scanantay te Noé, te la yalbe sc'oblal te bin toj ta pasel, soc col xan huctuhlic.