Génesis 6:11 - Bible in Tzeltal Bachajón

¹¹ Mero bohlob te bahlumilal ta stojol Dios, ha nojel ta uts'inwanej.

Bible in Tzeltal de Oxchuc y Tenejapa

¹¹ Te Dios la yil te nojemix ta mulil soc ta uts'inwanej ta spamal q'uinal,

Génesis 6:11 ပူးပေါင်းရင်းမြစ်များ

Génesis 10:9

Mero jnutsojel winic ta stojol Jehová, ha scuentahil te hich ay ta halel: Hich te bin ut'il Nimrod, te mero jnutsojel winic ta stojol Jehová, te xchihe.

Génesis 13:13

Pero te mach'atic nahinemic ta Sodoma c'ax chopol yo'tanic, la spasic mero chopol muliletic ta stojol Jehová.

Génesis 6:10

Ayin oxtuhl snich'nab te Noé: ha te Sem, Cam, soc Jafet.

Génesis 7:1

Patil te Jehová hich la yalbe te Noé: Ochan ta barco soc spisil mach'atic ay awu'un, como ta spisil te mach'atic ayic ta q'uinal, quiloj te ha'at nax atuquel te toj awo'tan ta jtojol.

2 Crónicas 34:27

te nihc awo'tan yu'un soc te la apehc'an aba ta stojol Dios te c'alal la awa'iy te bin ya yalbe sc'oblal te lugar ini soc te mach'atic nahinemic tey a, soc te la apehc'an aba ta jtojol, la ach'i' ac'u' yu'un soc oc'at ta jtojol, ha nix hichon la jca'iybat ac'op, xchi te Jehová.

Salmos 11:5

Te Jehová ya spas ta prueba te mach'a toj yo'tan; pero te mach'a chopol yo'tan soc te mach'a ya smulan uts'inwanej ha ya xp'ajotic yu'un.

Salmos 140:11

Ma me xhalaj ta q'uinal te mach'a chopol ya xc'opoj; ac'a yich' nutsel yu'un te bin chopol te mach'a ya x'uts'inwan.

Salmos 55:9

Lajinlana, Jehová, te mach'atic chopolic, yanijtesbeya te sc'opique, yu'un ya quil uts'inel soc hahch c'op ta pueblo.

Éxodo 32:7

Ha yu'un te Jehová la yalbe te Moisés: Bahan, cohan bahel, como te pueblo awu'un te la aloq'ues tal ta sq'uinal Egipto, bohlobix yo'tanic.

Isaías 60:18

Mayuquix bin ora ya x'a'iyot sc'oblal uts'inel ta alumal, o jinel o lajinel ta aq'uinal, pero ya me awa'be sbihilin Colel te ts'ahquetic awu'un, soc te ochibaletic awu'un, ha Halbeyel yutsil sc'oblal Dios, xchi me sbihilic.

Jeremías 6:7

Hich te bin ut'il spisil ora ya xloc' ya'lel te sloq'uib-ha', hich spisil ora ya xloc' schopolil; ya x'a'iybot sc'oblal uts'inel soc jinel tey a, spisil ora ay ta jtojol chamel soc ehchen.

Ezequiel 28:16

Ta scaj te bayel mambajel chombajel awu'un, noj ta awo'tan uts'inwanej, la ata amul; ha yu'un la jloq'uesat ta wits yu'un Dios, la jloq'uesat ta yohlil te tonetic te ay sc'ahc'al, ha'at jcanantaywanejat querubín.

Ezequiel 8:17

Hich la yalbon: ¿La bal awil, snich'anat winic? Ma tic'uc a te yac spasbelic te bintic ilobtic sba te sna Judá. Ya snojesic ta uts'inwanej te q'uinal, bayel ya yac' ilinucon. Ilawil, ya yaq'uic ta sni'ic te jchej ya'binal sc'ab te'.

Habacuc 1:2

Jehová, ¿bin to ora te ma ba yac ajac'bon caw, te ya x'awonon ta atojol ta scaj uts'inel, te mayuc coltayel awu'une?

Habacuc 2:17

Te uts'inel te c'oht ta stojol te Líbano ya me slajinat, soc te smilel te chambahlametic ya me ya'bat xiwel, ta scaj te la amalbe sch'ich'el ants-winiquetic soc te uts'inwanej la apas ta q'uinal, ta pueblohetic soc ta stojol spisil mach'atic nahinemic tey a.

Habacuc 2:8

Te bin ut'il la apojbe sbiluc bayel nacionetic, spisil te yantic pueblohetic ya me spojbat abiluc, ta scaj smalbeyel sch'ich'el ants-winiquetic soc te uts'inel ta q'uinal, ta pueblohetic soc ta stojol spisil mach'atic nahinemic tey a.

San Lucas 1:6

Schebalic toj yo'tanic ta stojol Dios, soc ts'acal sch'uhumbeyejic spisil smandar te Cajwaltique.

Romanos 2:13

como ma ha'uc te mach'atic ha nax ya ya'iyic te Ley te toj ya x'ilotic yu'un Dios, pero ha te mach'atic ya spasic te bin ya yal te Ley te ya xhalbotic te toj ayique.

Romanos 3:19

Jna'ojtic te spisil bintic ya yal te Ley, ha ya yalbe te mach'atic ayic ta scuenta te Ley, scuenta yu'un spisilic ya xmahc yehic soc spisil bahlumilal ya xhil ta scuenta ich'el ta c'op yu'un Dios,

Deuteronomio 31:29

Como jna'oj te c'alal chamenonix a, ya me abohlobtes abahic soc ya me awihquitayic te be te la jca'beyex at'unic, ya me xtal wocol ta atojolic ta patil ta scaj te yac apasic te bintic chopol ta sit te Jehová, yac ahachbeyic yilimba yu'un te bin yac apasic, xchi.

Jueces 2:19

Pero te c'alal ya xcham te juez, ya suht ta spatic, c'ax hich a te bin ut'il sme'static; ya st'unic yantic diosetic yu'un ya yac' sbahic ta a'batinel yu'un soc ya squejan sbahic ta stojolic. Ma ba ya yihquitayic te bin yac spasbelic o te tulan stalelique.