Génesis 5:29 - Bible in Tzeltal Bachajón

²⁹ la ya'be sbihil Noé yu'un hich la yal: Ha te ya ya'botic lecubuc q'uinal ca'iytic yu'un te jwocoltic ta a'tel ta scaj te lumq'uinal te la yac' bohlobuc te Jehová, xchi sc'oblal yu'un.

Bible in Tzeltal de Oxchuc y Tenejapa

²⁹ Noé sbiil c'ot yu'un te snich'ane, yu'un jich la yal: “Scaj te la yac' bolobuc sc'oplal lumq'uinal te Diose, ja' ay jwocoltic ta at'el ta jc'abtic yu'un. Te alale ya me yac'botic cux co'tantic”, xi' sc'oplal yu'un.

Génesis 5:29 ပူးပေါင်းရင်းမြစ်များ

2 Pedro 2:5

Soc ma ba la spasbe perdón te mach'atic ayic ta bahlumilal ta namey, la yac' tal puhlel ta stojol te chopol ants-winiquetic, ha nax la scanantay te Noé, te la yalbe sc'oblal te bin toj ta pasel, soc col xan huctuhlic.

Hebreos 11:7

Ta scuenta sch'uhunel yo'tan te Noé, c'alal halbot yu'un Dios sc'oblal bintic ma to chicanuc ta ilel, jun yo'tan la spas te barco te banti col soc te mach'atic ay yu'une. Ta scuenta sch'uhunel yo'tan la yalbe smul te bahlumilal soc a'bot yich' te stojil-o'tanil te ya xtal ta scuenta sch'uhunel-o'tanil.

San Mateo 24:37

Hich te bin ut'il ta yorahil Noé, hich nix ay ta yorahil ya xtal te Nich'anil ay ta scuenta winic.

Ezequiel 14:20

te teyuc ay a te Noé, Danel soc Job, ho'on cuxulon, xchi te Jehová te Ajwalil, ma ba ya xhu' ya yaq'uic ta libre ni te squerem-nich'nabic o te yantsil-nich'nabique. Ha nax ya xcolic stuquelic ta scuenta te toj bin ya spasique.

Ezequiel 14:14

te teyuc ay ta yohlilic a te Noé, Danel soc Job, ha nax ya xcolic ta libre ta yoxebalic te hichuque, ta scuenta te toj bin ya spasic, xchi te Jehová, te Ajwalil.

Isaías 54:9

Hich c'ohem ya ca'iy te bin ut'il ta yorahil Noé, te c'alal la jcal ta jamal te mayuquix bin ora ya xmulot xan ta ha' te bahlumilale. Hich nix caloj ta jamal te ma ba ya x'ilinonix ta atojol, ma ba ya cutatix.

Génesis 9:24

C'alal cux yo'tan ta yacubel te Noé soc te la sna' te bin pasbot yu'un te squerem-nich'an,

1 Pedro 3:20

ha te mach'atic ta namey ma ba la sch'uhunic mandar te c'alal Dios la smahliy ta yorahil Noé te c'alal ay ta spasel a te barco, te banti waxactuhl nax colic ta ha'.

San Lucas 3:36

snich'an Cainán, snich'an Arfaxad, snich'an Sem, snich'an Noé, snich'an Lamec,

Génesis 7:23

Hich laj spisil bintic cuxajtic ta sba te bahlumilal: ants-winiquetic, chambahlametic, chanetic, soc mutetic lajic ta bahlumilal, stuquel xanix cuxul hilel te Noé soc te mach'atic sjoquinej ta barco.

Romanos 8:20

Te bintic pasticlambil ac'ot ta cuentahinel yu'un te bin tojol nax, ma ha'uc nix hich la sc'an, pero ha ta scaj te Mach'a la yac' ta cuentahinel yu'un te bin yac smahliybel.

Génesis 5:28

Ay cheb slajunwinic (182) ya'bilal a te Lamec ayin snich'an;

Génesis 5:30

C'alal ayin Noé, ho'lajuneb slajunwinic scha'bahc' (595) ha'bil cuxaj xan te Lamec, soc ayin yan queremetic soc ach'ixetic yu'un.