Génesis 5:22 - Bible in Tzeltal Bachajón

²² Ta patil te ayin te Matusalén, te Enoc behen soc Dios ho'lajunwinic (300) ha'bil, soc ayin yan queremetic soc ach'ixetic yu'un.

Bible in Tzeltal de Oxchuc y Tenejapa

²² Sjoy sba soc Dios te Enoc te la spasbey sc'anjel yo'tane. Patil jo'lajunwinic (300) xan ja'wil cuxin c'alal ayinemix a te Matusalén, soc ay yantic snich'nab, queremetic soc ach'ixetic.

Génesis 5:22 ပူးပေါင်းရင်းမြစ်များ

Génesis 17:1

Ay balunlajuneb yo'winic (99) ya'bilal a te Abram te c'alal Jehová la yac' sba ta ilel ta stojol, hich halbot yu'un: Ho'on Dioson te spisil ya xhu' cu'un; behenan ta jtojol soc toj me xawac' aba.

Génesis 24:40

La sjac': Te Jehová, te mach'a behenemon ta stojol, ya me yac' sjoquinat te ch'ul a'bat yu'un soc ya yac' te lec ya xc'oht te behel awu'une. Ya me alehbon yihnam te jnich'an ta banti ay quermanotac ta sna te jtate.

Génesis 48:15

La ya'be bendición te José, hich la yal: Te Dios, te ha ta stojol behenic te Abraham soc Isaac te tatiletic cu'un, ha te Dios te scanantayejon ta spisil jcuxlejal ha to c'alal ora,

Génesis 5:21

Ay ho'eb schanwinic (65) ya'bilal a te Enoc ayin snich'an, Matusalén sbihil.

Génesis 5:23

Hich te jayeb ha'bil cuxul te Enoc, ha ho'eb sbalunlajunwinic (365) ha'bil.

Génesis 5:24

Te Enoc behen soc Dios; patil ma ba chicnaj, yu'un ic'ot bahel yu'un Dios.

Génesis 6:9

Hich ay sc'oblal te yorahil Noé. Toj ta winiquil te Noé; ha nax te lec yo'tan stuquel ta yohlil te ants-winiquetic ta hich ora. Behen soc Dios te Noé.

1 Reyes 2:4

Soc scuenta yu'un hich me ya yac' c'ohtuc ta pasel a te Jehová te bin la yalbon, te hich la yal: Teme ya scanantaybon te be cu'un te anich'nab, teme smelelil ya xbehenic ta jtojol ta spisil yo'tanic soc ta spisil sch'uhlelic, mayuc bin ora te mayuc ats'umbal te ya xhuhcaj ta huctajibal yu'un Israel, xchi.

2 Reyes 20:3

Ya calbat wocol, Jehová, te yacuc ana' te ta smelelil behenemon ta atojol soc ta spisil co'tan, soc jpasoj te bintic lec awo'tan yu'un, xchi. Hich och ta tulan oq'uel te Ezequías.

Salmos 116:9

Ya xbehenon ta stojol Jehová ta yohlil mach'atic cuxajtic ta q'uinal.

Salmos 128:1

Bayel yutsil spisil mach'atic ya yich'ic ta muc' te Jehová, te ya xbehenic ta behetic yu'une.

Salmos 16:8

Spisil ora nahil cac'oj ta jtojol te Jehová; te bin ut'il ay ta jwa'el, ma ba ya xyuc'oton.

Salmos 26:11

Yan te ho'one jun co'tan ya xbehenon; ac'awon ta libre soc c'uxultayawon.

Salmos 56:13

como ha'at la acoltaybon jch'uhlel ta lajel soc te ma ba ya xyahlon, scuenta yu'un hich ya xbehenon ta stojol Dios ta sacal q'uinal yu'un cuxlejal.

Salmos 86:11

A'bon quil, Jehová, te be awu'un, hich ya xbehenon a tey ta smelelil c'op awu'une; a'bon yich' yip te co'tan yu'un hich ya quich' ta muc' te abihile.

Éxodo 16:4

Ha yu'un te Jehová hich la yalbe te Moisés: Ilawil, ya ca'beyex tal pan ta ch'ulchan. Ya xloq'uic ta stamel jujun c'ahc'al te hich yipal ya xtuhun yu'unic ta jujun c'ahc'al. Tey ya quil a teme ya sch'uhumbonic jmandar o teme ma'uque.

Cantares 1:4

¡Ic'awon bahel ta ora! Te ajwalil la yic'on ochel ta stsalul sna. Tse'el me co'tancotic soc bayel me yutsil co'tancotic ta atojol; c'ax me hich ya jna'cotic a te sc'uxul awo'tan te bin ut'il te vino. ¡Ha scuentahil te c'uxat ta yo'tanic!

Oseas 14:9

¿Mach'a a te ay sp'ijil te ya sna'be scuentahil ini? ¿Mach'a ya sna' tsahtayel yu'un ya xc'oht ta yo'tan? Como toj te behetic yu'un Jehová, te mach'atic toj yo'tanic, ha ya st'unic, pero te jtoybahetic ya sc'ohchin sbahic tey a.

Levítico 26:12

Ya xbehenon ta awohlilic, ho'on Dioson awu'unic ya xc'ohon soc ha'ex pueblohex cu'un ya xc'ohex.

Amós 3:3

¿Pajal bal ya xbehen te chebic teme ma ba pajal yo'tan sbahic?

Miqueas 4:5

Aunque spisil te pueblohetic ya xbehenic ta scuenta sbihilic te dios yu'unic, te ho'otic ya xbehenotic ta scuenta sbihil Jehová te Dios cu'untic sbahtel q'uinal.

Miqueas 6:8

Ha'at ants-winicat, te Jehová la yalbatix te bin lec, te bin ya sc'ambat ta atojol: ha te yac apas te bin toj ta pasel, te c'ux ta awo'tan te c'uxultaywanej, soc te peq'uel yac awac' aba ta stojol te Dios awu'une.

Malaquías 2:6

Ay ta ye te smelelil ley, mayuc bin chopol tahbot ta ye. Behen ta jtojol ta scuenta lamal q'uinal soc ta scuenta bin toj ta pasel, ay tsobol mach'atic la ya'be yihquitayic hilel te bin chopole.

San Lucas 1:6

Schebalic toj yo'tanic ta stojol Dios, soc ts'acal sch'uhumbeyejic spisil smandar te Cajwaltique.

Hechos 9:31

Hich lamal q'uinal la ya'iyic te iglesiahetic ta spahmal sq'uinal Judea, Galilea soc Samaria; behbe yich'bel yipic soc spisil ora la yich'ic ta muc' Cajwaltic, soc behbe p'ohlel soc yich'bel yip yo'tanic ta scuenta te Ch'ul Espíritu.

Romanos 8:1

Ha yu'un te mach'atic ayic ta stojol te Cristo Jesús, ma ba quechelix ta stojel te smulique, ha te mach'atic ma ba ya'telinejic spasel te bin ya sc'an te sbaq'uetalic, ha ya'telinejic spasel te bin ya sc'an te Espíritu,

1 Corintios 7:17

Jujutuhl hich ac'a ayinuc te bin ut'il ay te mahtaniletic a'bibilic yu'un te Cajwaltic soc bin yilel c'alal ic'ot yu'un Dios; hich ya cal mandar ta stojol spisil te iglesiahetique.

2 Corintios 6:16

¿Bin ut'il te jun ya schap sc'opic te templo yu'un Dios soc te loc'ombahetique? Ha'ex templohex yu'un te cuxul Dios, hich te bin ut'il yaloj te Diose: Ya xnahinon soc ya xbehenon ta yohlilic; ho'on Dioson yu'unic ya xc'ohon, soc ha pueblo cu'un ya xc'ohtic.

Efesios 5:15

Ha yu'un tsahtaya me abahic ta lec bin ut'il ya x'ayinex ta q'uinal, p'ijanic me, ma me hichuquex te bin ut'il mach'atic ma sna'ic q'uinal,

Deuteronomio 13:4

Ya me at'unic te Jehová te Dios awu'unic soc ya me awich'ic ta muc', ya me ach'uhunic te mandariletic yu'un soc ya me awa'iybeyic te sc'ope; ya me awac' abahic ta a'batinel yu'un soc jun me awo'tanic ta stojol.

Deuteronomio 28:9

Te Jehová ya me yac' te ha ch'ul pueblo ya xc'ohat yu'un, hich te bin ut'il jc'axel yalbeyejat ta jamal, teme yac ach'uhun te mandariletic yu'un Jehová te Dios awu'un soc te yac at'umbe te behetic yu'une.

Deuteronomio 5:33

Behenanic ta be te la spasex ta mandar te Jehová te Dios awu'unic, scuenta yu'un hich ya xcuxajex soc lec ya xc'ohex a, soc te naht aworahil ya xnahinex tey ta q'uinal te yac awu'untayique.

Colosenses 1:10

Hich ya xhu' ya x'ayinex te bin ut'il ya sc'an te Cajwaltic, te lecuc yo'tan awu'unic spisil, te yac awaq'uic sit ta scuenta spisil lequil a'teliletic soc behbe yac ana'beyic xan sc'oblal te Diose.

Colosenses 4:5

P'ijanic me bin ut'il ya x'ayinex soc te mach'atic ma ba sch'uhunejic te Cristo, ayuc me scuentahil bin ut'il ya xc'ax c'ahc'al awu'unic ta stojolic.

1 Tesalonicenses 2:12

Soc tulan sc'oblal la jcalbeyexcotic te hich me ya x'ayinex te bin ut'il ya sc'an ta stojol Dios, te la yiq'uex ochel ta banti te cuentahinel yu'un soc ta yutsilal.

1 Tesalonicenses 4:1

Ha yu'un, quermanotac, ya calbeyexcotic wocol soc ya jtsitsexcotic ta scuenta te Cajwaltic Jesús, te hich te bin ut'il la anopic ta jcuentacotic bin ut'il ya sc'an ya xcuxajex te lec yo'tan yu'un te Diose, c'axemuc hich xapasulanic a.

1 Juan 1:7

Yan teme yacotic ta behel ta sacal q'uinal, hich te bin ut'il ay ta sacal q'uinal stuquel te Diose, talel c'axel jun co'tan jbahtic, soc ha ya spocbotic loq'uel spisil jmultic te sch'ich'el Jesús, te Snich'ane.