Génesis 5:2 - Bible in Tzeltal Bachajón

² Winic soc ants la spas, soc la yac'ticlambe bendición. C'alal pasbilic yu'un la ya'be sbihilin ants-winic.

Bible in Tzeltal de Oxchuc y Tenejapa

² Jtul winic soc jtul ants pastaj yu'un, soc la yac'bey bendición. C'alal pastajic, Dios la yal: “Ants-winic me ya xc'ot te sbiilique”, xi'.

Génesis 5:2 ပူးပေါင်းရင်းမြစ်များ

Génesis 1:27

Hich Dios la spas te ants-winic, la slop'tay sba a, hich yilel te bin ut'il Dios la spas; winic soc ants la spas.

Génesis 1:28

Dios la yac'ticlambe bendición, hich la yalbe: Sitinan soc p'ohla abahic, nojesahic ta swohlol te bahlumilal, soc tuhunahic te q'uinale. Ajwalilat ya xc'ohat yu'un te schayul ha'etic, te mutetic te ya xwihlic ta toyol soc spisil te chambahlametic te ya xbehenic ta lumq'uinal, xchi.

Génesis 2:15

Te Jehová Dios la yac' te winic ta yohlil te ts'umbil q'uinal Edén scuenta yu'un ya schahpan te lumq'uinal soc ya scanantay.

Génesis 2:23

Hich la yal te Adán: ¡Ha'ix jbaquel te sbaquele, soc jbaq'uetal te sbaq'uetale! Ha ants sbihil ya xc'oht, como loq'uem tal ta winic, xchi.

Génesis 5:3

Ay lajuneb shucwinic (130) ya'bilal a te Adán, ayin snich'an te pajal yilel soc, Set la ya'be sbihilin.

Malaquías 2:15

¿Ma bal junuc nax pasbil yu'un Dios, te ha sbaq'uetal soc sch'uhlel? ¿Soc bin ya sle? Ha ya sle ts'umbalil te jun yo'tanic ta stojol Dios. Canantaya awo'tanic, ma me xch'ay te jun awo'tan ta stojol awihnam te la ata c'alal queremat to ahe.

San Mateo 19:4

La sjac' te Jesús: ¿Yu'un bal mayuc awilojic ta Shun Dios te ta shahchibal Dios la spas jtuhl winic soc jtuhl ants,

San Marcos 10:6

pero ta shahchel spisil bintic ay, Dios la spas winic soc ants.

Hechos 17:26

Ta jtuhl nax winic la schicnajtes spisil ta chahp nacionetic yu'un ya xnahinic ta swohlol bahlumilal; soc la schahpambe yorahilic soc te banti ya xnahinic,