Génesis 49:4 - Bible in Tzeltal Bachajón

⁴ Hichat te bin ut'il tulan yip yacan ha', ma ha'uquix sbahbayalat, como mohat ta swayib te atate, la abohlobtesbe sc'oblal c'alal mohat ta jwayib.

Bible in Tzeltal de Oxchuc y Tenejapa

⁴ Ja'uc me to, ma ja'uc primero ya xc'oatix, melel jichat te bit'il tulan snojel ja' te ma xju' ta comele: melel la aboltesbon te jwayib te bit'il wayat soc te jcriadae.

Génesis 49:4 ပူးပေါင်းရင်းမြစ်များ

Génesis 35:22

C'alal tey nahinem a te Israel, te Rubén way soc te Bilha te yan ants yic'oj te state. La ya'iy te Israel. Ay lahchaytuhl snich'nab te Jacob.

1 Crónicas 5:1

Te Rubén ha sba-nich'an Israel. Pero ta scaj te la sbohlobtesbe sc'oblal swayib stat, hich ch'ay te bin scuenta ba-alalil, ha a'bot ta scuenta te snich'nab José snich'an Israel, hich ma ba ts'ihbabil hilel sbihil scuenta ba-alalil.

Deuteronomio 27:20

Chopol sc'oblal te mach'a ya xway soc yihnam stat, te bin ut'il la sbohlobtesbe sc'oblal te state, xchihic. Hichuc, xchihic me spisil te pueblo.

Deuteronomio 33:6

Ac'a cuxajuc te Rubén, ma me xcham, soc ma me jtebuc nax te winiquetic yu'une, xchi.

1 Corintios 5:1

Chican ac'oblalic te ay ta awohlilic mach'a yac ta antsiwej, ha antsiwej te ni mayuc hich ay ta pasel ta yohlil jyanlumetic; ay mach'atic yic'ojbe yihnam stat.

Deuteronomio 5:21

Ma me xbic'taj awo'tan yu'un yihnam apat-axuhc, soc ma me xamulambe te sna apat-axuhc, te sq'uinal, ya'bat, scriada, j'a'tel-wacax, burro o bintic ay yu'un te apat-axuhc, xchi te Jehová.

Génesis 46:8

Hich ay sbihilic te snich'nab Israel te ochic ta Egipto, ha te Jacob soc te snich'nab: Te Rubén te sba-nich'an Jacob.

2 Pedro 3:16

Hich la sts'ihbay ta spisil te cartahetic yu'une. Ay banti wocol ta na'beyel scuentahil, te ha yan sc'oblal ya xc'oht yu'un te mach'atic ma sna'ic q'uinal soc te xyahl xmo te yo'tanique, hich te bin ut'il ya spasbeyic te yan bintic ts'ihbalambil ta Shun Dios; ha me ch'ayel ya xbahtic yu'un.

2 Pedro 2:14

Te sitic nojel ta antsiwej, ma xquehchajic ta slehel smulic; ya smonic te mach'atic mayuc yip yo'tanic; c'ahyemic a te spisil bin ya xbic'taj yo'tanic yu'un, ha yal-snich'nab chopol c'oblalil.