Génesis 48:16 - Bible in Tzeltal Bachajón

¹⁶ ha te Ch'ul A'bat te la scoltayon loq'uel ta spisil te bintic chopol, ac'a ya'be bendición te queremetic ini. Ac'a yich'bonic hilel te jbihil soc te sbihil te Abraham soc Isaac te tatiletic cu'un, soc bayel ac'a p'ohlicuc ta bahlumilal, xchi.

Bible in Tzeltal de Oxchuc y Tenejapa

¹⁶ ja' te Ch'ul Abat te ya scoltayon yu'un ma ba ya yac'on a spisil te bitic ma lecuque, ac'a yac'bey bendición te queremetique. Ac'a yich'bonic jilel jbiil soc sbiil te jmam Abraham soc te jtat Isaac, ac'a esmajuc, soc bayaluc me sts'umbalic ta balumilal —xi'.

Génesis 48:16 ပူးပေါင်းရင်းမြစ်များ

Génesis 22:11

Pero te ch'ul a'bat yu'un Jehová hich la yawtay c'alal ta ch'ulchan: Abraham, Abraham, xchi. Li' ayoni, xchi te Abraham.

Génesis 22:15

Te ch'ul a'bat yu'un Jehová la scha'c'opon xan tal c'alal ta ch'ulchan te Abraham,

Génesis 32:28

La yal te winic: Ma ba Jacob ya xhil abihil, Israel ya xc'ohtix, yu'un la atsac aba soc Dios soc winiquetic, la awa'iy tsalaw, xchi.

Génesis 46:3

La yal te Diose: Ho'on Dioson, te Dioson yu'un te atate. Ma me xaxi' te ya xcohat bahel ta Egipto, yu'un tey ya cac' a te muc'ul nación ya xc'ohat.

Génesis 48:5

Te cheb anich'nab, ha te Efraín soc Manasés te ayinic ta sq'uinal Egipto te c'alal ma to xtal joquinat a ta Egipto, ha cu'un ya xc'ohtic, hich te bin ut'il cu'unic te Rubén soc Simeón.

Génesis 49:22

Te José, ha sc'ab te' te bayel ya yac' sit, ha sc'ab te' te bayel ya yac' sit te ay ta sti'il sloq'uib ha', te spuhl ya xmo bahel ta ba ts'ahc.

2 Samuel 4:9

Te David la sjac'be sc'opic te Recab soc te yermano Baana, snich'nab Rimón te beerot-winic, hich la yal: ¡Yiloj Jehová! te la scoltaybon jch'uhlel ta spisil mel-o'tan.

1 Reyes 1:29

Te ajwalil hich la yal ta jamal: ¡Yiloj Jehová! te scoltayejon loq'uel ta spisil jwocol,

2 Crónicas 7:14

teme ya spehc'an sbahic te pueblo cu'un te yich'beyejonic te jbihil, teme ya sc'oponon soc ya slehbon te jsit quelaw, teme ya suhtes yo'tanic yu'un te bintic chopol spasojique, hich ya ca'iybe sc'opic c'alal ta ch'ulchan, ya jpasbe perdón yu'un smulic, soc ya cac' lecubuc te sq'uinalique.

Salmos 121:7

Te Jehová ya scanantayat ta spisil bintic chopol, ha ya scanantaybat ach'uhlel.

Salmos 34:2

Ay yutsil q'uinal ya ca'iy yu'un te Jehová; ya me ya'iyic te mach'atic peq'uel ayic soc tse'el me yo'tanic yu'un.

Salmos 34:22

Pero te Jehová ya yac' ta libre te a'batetic yu'un; ma ba ya xhalbotic te ay smulic te mach'atic ha smuc'ulinej yo'tanique.

Salmos 34:7

Te ch'ul a'bat yu'un Jehová ay ta sjoyobal te mach'atic ya yich'ic ta muc', soc ha ya scoltay.

Salmos 34:8

Pasahic prueba, ilawilic te ha lec yo'tan te Jehová. ¡Bayel yutsil te mach'a ya smuc'ulin yo'tan!

Éxodo 1:7

Pero te snich'nab Israel hahchic ta p'ohlel, mero tsobolic soc bayel yipic, noj yu'unic te q'uinale.

Isaías 47:4

xchi te J'ac'aw ta libre cu'untic: te Jehová te scuentahinej spisil te sbihile, te Ch'ul Dios yu'un Israel.

Isaías 63:9

Ta spisil te swocolic, ha nix hich la ya'iy wocol, ha coltayotic yu'un te ch'ul a'bat te ay ta stojol. Ta scuenta sc'uxul yo'tan soc sna'beyel yo'bolil sbahic la yac'ticlan ta libre; la shachticlan, la speticlan bahel spisil ora c'alal ta namey.

Jeremías 14:9

¿Bin yu'un hichat te bin ut'il jtuhl winic te ma sna' bin ya spas, te hichat te bin ut'il jtuhl soldado te ma xhu' ya xcoltaywan? Pero ayat ta cohlilcotic, Jehová, quich'ojbatcotic te abihile, ma me xapihtesotcotic.

Jeremías 15:21

Ya cac'at ta libre ta sc'ab te mach'atic chopol yo'tanic, ya jcoltayat loq'uel ta sc'ab te j'uts'inwanejetic, xchi.

Amós 9:12

scuenta yu'un te mach'atic yich'ojbonic te jbihile ya me yu'untayic te mach'atic hilemic yu'un Edom soc spisil te nacionetic, xchi te Jehová te ya spas ini.

Malaquías 3:1

Ilawil, ya jticon talel te jal-c'op cu'un te ya schahpambon te be cu'une. Ora nax ya xtal ta Templo te Ajwalil yac alehbelique; te jal-c'op yu'un te chapbil-c'op, ha te mach'a mulambil awu'unic, yaquix ta talel, xchi te Jehová te scuentahinej spisil.

Números 1:46

ay ho'lajuneb schanwinic ta pic soc lajuneb swaxacwinic sbalunbahc' (603,550).

San Mateo 6:13

Ma me xawac'otcotic ta sujel ta mulil, ac'awotcotic ta libre yu'un te bin chopol, como ha'at awu'un te cuentahinwanej, te ay awu'el soc awutsilal sbahtel q'uinal. Hichuc.

San Juan 17:15

Ma ha'uc ya calbat wocol yu'un te yac aloq'ueslan ta bahlumilal, pero te yacuc acanantay yu'un ma ba ya xtahotic yu'un te bin chopole.

Hechos 15:17

scuenta yu'un ya slehic te Cajwaltic te yantic ants-winiquetic, soc spisil te jyanlumetic te yich'beyejon jbihil,

Romanos 8:23

Ma stuqueluc nax, ha nix hichotic te quich'ojtic te sba sit yu'un te Espíritu, ha nix hich yacotic ta ahcan ta co'tantic te c'alal yacotic ta smahliyel te iq'uel ta al-nich'an yu'un Dios, ha te colel yu'un te jbaq'uetaltic,

1 Corintios 10:4

soc pajal la yuch'ic te ha' scuenta espíritu; como la yuch'be ya'lel te muc'ul ton scuenta espíritu te joquimbilic yu'une. Te muc'ul ton ha te Cristo.

1 Corintios 10:9

Soc ma me jtsajtic te Cajwaltic, hich te bin ut'il ay la stsajic stuquelic, hich lajic ta ti'el ta chan.

Deuteronomio 28:10

Spisil te nacionetic ta bahlumilal ya me yilic te awich'ojbe sbihil te Jehová, soc ya me xi'at.

Deuteronomio 33:17

Te yutsilal ha pajal soc sba-nich'an toro, te xulubil yu'un pajal soc xulub ha'mal-toro. Ha ya scujticlan a te nacionetic c'alal ta sti'il te bahlumilal; hich ay te bayel ta lajlajunmil yu'un Efraín, hich ay te bayel ta mil yu'un Manasés, xchi.

2 Timoteo 4:18

Te Cajwaltic ya me scoltayon loq'uel ta spisil chopol a'teliletic soc ya me yic'on bahel ta banti te cuentahinel yu'un ta ch'ulchan. Ac'a yich' halbeyel yutsil sc'oblal sbahtel q'uinal. Hichuc.

Tito 2:14

Ha la yac' sba ta lajel cu'untic yu'un la smanotic loq'uel ta stojol spisil bintic chopol soc yu'un ya sch'ultes jun pueblo te yu'un ya xc'oht, te ya yo'tantayic spasel lequil a'teliletic.

Hebreos 11:21

Ta scuenta sch'uhunel yo'tan te Jacob, te c'alal nopol ya xchamix a, la ya'be bendición ta tuhlutuhl te snich'nab José, soc yich'oj yip ta snahbate' a, la sch'uhuntay te Diose.

Josué 17:17

Ha yu'un te Josué la suhtbe sc'opic te mach'atic yu'un José, ha te Efraín soc Manasés, hich la yalbe: Ha'ex muc'ul pueblohex soc bayel awipic, ma ba jsehp nax q'uinal yac awich'ic,