Génesis 48:14 - Bible in Tzeltal Bachajón

¹⁴ Hich te Israel la shach te swa'el-c'ab, la scajambe ta sjol Efraín te ihts'inal, te sq'uexam-c'ab la scajambe ta sjol te Manasés, la ya'be sjel sba te sc'ab, aunque ha ba-alal te Manasés.

Bible in Tzeltal de Oxchuc y Tenejapa

¹⁴ Jich te mamal Israel la yac' tel te swa'el sc'abe, la scajanbey ta sjol te Efraín, te ijts'inale. Te xq'uexen sc'ab la scajanbey ta sjol te Manasés, ja' te banquilale. Ja'uc me to, te bit'il la yac'bey sjel sba te sc'abe, ay swentail ta yo'tan te bit'il jich la spase.

Génesis 48:14 ပူးပေါင်းရင်းမြစ်များ

Génesis 41:51

Te sba-nich'an te José la ya'be sbihilin Manasés, yu'un hich la yal: Dios la yac' ch'ayuc ta co'tan spisil jwocol soc spisil mach'atic ay ta sna te jtat, xchi.

1 Timoteo 5:22

Ma me ayuc mach'a te ora nax yac acajan ac'ab ta stojol, soc ma me xawac' aba a te mach'a ay smul; tojuc me x'ayinat.

1 Timoteo 4:14

Ma me xawac' pehc'ajuc te mahtanil awich'oj, te a'botat ta scuenta sc'op-jalwanej c'alal la scajambat sc'abic ta atojol ta schahpal te ancianohetique.

Hechos 13:3

Hich, te c'alal laj scombel swe'elic soc sc'opombelic Dios yu'un, la scajambe sc'abic ta sjolic soc la sticonic bahel.

Hechos 6:6

La stehc'ambeyic ta stojol te jpuc-c'opetic, te ha la sc'opombeyic Dios soc la scajanlambe sc'abic ta sjolic.

San Lucas 13:13

Hich la scajambe sc'ab ta sba, ora toj la stehc'an sba, soc la yalbe bayel yutsilal Dios yu'un.

San Lucas 4:40

Mahlelix c'ahc'al a, spisil te mach'a ay bayel ta chahp chameletic yu'unic la yic'ticlambeyic tal ta stojol Jesús. Hich te Jesús la scajanlambe sc'ab ta sba jujutuhl, la slecubteslan.

San Mateo 19:15

Hich la scajanlambe sc'ab ta sjolic, patil baht te Jesús.

San Mateo 19:13

Ay ic'ot tal alaletic ta stojol Jesús yu'un yacuc scajanlambe sc'ab ta sjolic soc yu'un yacuc sc'opombe Dios; pero te jnopojeletic la scomic.

San Mateo 16:18

Soc ho'on ya calbat te ha'at Pedrohat, ta sba ha'i muc'ul ton ini ya jpas te iglesia cu'un, soc te ochibaletic yu'un te tsobojibal mach'atic chamenic ma xhu' stsalbel.

San Mateo 6:5

Te c'alal yac ac'oponic Dios, ma me hichuc xapasic te bin ut'il ya spasic te jchebal-o'tanetic, como ha ya smulanic te ya stehc'an sbahic ta sc'oponel Dios ta sinagogahetic soc ta jujun xuhc calle scuenta yu'un ya x'ilotic yu'un ants-winiquetic. Jamal ya calbeyex te yich'ojiquix te smahtanique.

Salmos 118:16

Te swa'el-c'ab Jehová toyol ay; te swa'el-c'ab Jehová la ya'iy tsalaw, xchihic ta aw.

Salmos 110:1

Te Jehová hich la yalbe te Cajwal: Huclan ta jwa'el-c'ab ha to c'alal ya ca'bat scuenta scajtajib awoc te acontratac, xchi.

Deuteronomio 34:9

Te Josué snich'an Nun nojel ta yo'tan p'ijil-o'tanil, como te Moisés la scajambe sc'ab ta sjol. Te snich'nab Israel la sch'uhumbeyic smandar, hich la spasic te bin ut'il pasot ta mandar yu'un Jehová te Moisés.

Números 8:18

Ha quic'oj te levitahetic scuenta sjelol spisil te ba-alal queremetic yu'un te snich'nab Israel.

Números 8:10

Te c'alal la awac' nohpojuc tal ta stojol Jehová te levitahetic, te snich'nab Israel ya scajanlambe sc'abic ta sjolic te levitahetique.

Éxodo 15:6

Te awa'el-c'ab, Jehová, la yac' ta ilel te smuc'ul yu'el; te awa'el-c'ab, Jehová, la slajin te jcontrahinwanej.

Génesis 48:18

Hich la yalbe te stat: Ma hichuc, jtat, yu'un ha ba-alal ini, ha xacajambe awa'el-c'ab ta sjol stuquel, xchi.

Génesis 46:20

Te José ayin cheb snich'nab ta Egipto: ha te Manasés soc Efraín, te yalatac Asenat yantsil-nich'an Potifera te sacerdote ta On.

Génesis 41:52

La ya'be sbihilin te schebal snich'an Efraín, yu'un hich la yal: Dios la yac' sitinon ta q'uinal te banti ay jwocol, xchi.

Génesis 48:13

La yic' tal schebalic, te Efraín la yac' ta swa'el, ha ta q'uexam c'oht yu'un te Israel; te Manasés la yac' ta sq'uexam, ha ta swa'el te Israel, la snopteslan talel ta stojol.

Génesis 48:17

Pero c'alal la yil te José te la scajambe swa'el-c'ab ta sjol Efraín, ma lecuc la ya'iy; ha yu'un la stsacbe te sc'ab te stat ay ta sjol te Efraín, yu'un ha c'an ya'be ta sjol Manasés.

Números 2:18

Te bandera yu'un te campamento yu'un Efraín ya xc'oht ta stojol banti ya xmahl c'ahc'al, ta scuenta jujuchahp yu'unic. Te jtsobaw yu'unic, ha te Elisama snich'an Amiud.