Génesis 48:10 - Bible in Tzeltal Bachajón

¹⁰ Te Israel ma ba lequix sit ta scaj te mamalix, ma ba la yilix q'uinal. Hich te José la yac' nohpojuc tal ta stojol, te Israel la yuts'ulan soc la smech'ticlan.

Bible in Tzeltal de Oxchuc y Tenejapa

¹⁰ Te mamal Israel bolobenix sit te bit'il mamalixe, ma ba mero ya yilix te q'uinale. Jich yu'un te José la stejc'an te snich'nab ta sts'eel te state. Te mamal Israel la smey te queremetic, soc la sbujts'iy.

Génesis 48:10 ပူးပေါင်းရင်းမြစ်များ

Génesis 27:1

Te c'alal mamalix a te Isaac soc te ma xyilix q'uinal yu'un bohlobenix te site, la sticon ta iq'uel te Esaú te sba-nich'an, hich la yalbe: Jnich'an, xchi. Li' ayoni, xchi te Esaú.

Génesis 27:27

Hich nohpoj tal te Jacob, la yuhts'uy te state. Te Isaac la ya'iybe yic' te sc'u' spac', la ya'be bendición, hich la yal: A'iya awa'iy, ha yic' te jnich'ane, hich yic' te bin ut'il ha'maltic te a'bibil bendición yu'un Jehová.

Génesis 31:55

Ta sacubel q'uinal, hahch te Labán, la yuhts'uy hilel te smamatac soc te yantsil-nich'nab, la yac'ticlambe bendición, hich suht bahel ta slumal.

Génesis 45:15

Te José la yuhts'uy spisil te sbanquiltac soc la yoq'uetay. Patil c'oponot yu'un te sbanquiltac.

Génesis 48:11

Hich la yalbe te José: La jcal te ma ba ya quilbat xan asit, pero Dios la ya'bon quilbe sit ec te ats'umbale, xchi.

Génesis 48:8

Te Israel la yil te cheb snich'nab te José, hich la sjoc'oy: ¿Mach'atic a ini? xchi.

1 Reyes 19:20

Hich te Eliseo la yihquitay te j'a'tel-wacaxetic, baht ta ahnimal ta spat te Elías, hich c'oht yalbe: Ac'awon bahel ta yuhts'uyel hilel te jme'jtat, patil ya jt'unat bahel, xchi. Bahan, suhtan bahel; ¿bin la jpasbat? xchi te Elías.

Eclesiastés 12:3

te c'alal ya xnihc te jcananetic yu'un te na, soc te ya xcoxaj spatic te winiquetic te ay yipique; te ya xlaj yip te scha'am ta scaj te mayuquix tsobol, soc te ya x'ihc'ub te bintic ya x'ilawanic ta ventanahetic;

Isaías 59:1

Ilawil, ma ba comuben sc'ab te Jehová yu'un ya xcoltaywan, soc ma ba macal schiquin yu'un ya'iyel c'op;

Isaías 6:10

Tulantesbeya yo'tan te pueblo ini; macbeya schiquinic soc macbeya sitic, scuenta yu'un ma ba ya yil ta sitic, ma ba ya ya'iy ta schiquinic, ma ba ya xc'oht ta yo'tanic, ni ha'uc hich ya suhtes yo'tanic soc ya xlecubic yu'un, xchi.

Deuteronomio 34:7

Wacwinic (120) ya'bilal a te cham te Moisés, ma ba jihn te sit soc ma ba laj te yipe.

1 Samuel 3:2

Jun buelta te Elí metsel ta stsalul sna, yaquix ta maquel sit a, ma ba ya yilix q'uinal ta lec.

1 Samuel 4:15

Ayix waxaclajuneb yo'winic (98) ya'bilal a te Elí, macal sit, ma xyilix q'uinal.