Génesis 47:6 - Bible in Tzeltal Bachajón

⁶ Ay ta atojol spahmal te sq'uinal Egipto, ac'a nahinicuc ta banti ay te mero lequil q'uinal te atat soc abanquiltac; ac'a nahinicuc ta sq'uinal Gosén. Soc teme yac ana' te ay mach'atic ay bin ya sna'ic spasel ta lec yac awil, a'beyahic scanantaybon te wacaxetic cu'un, xchi.

Bible in Tzeltal de Oxchuc y Tenejapa

⁶ ilawil spamal sq'uinal te Egipto, chican banti ya ac'an ya awac' nainuquic. Ja' me xale te bay lec te q'uinal ya awac'bey sq'uinalin te atat soc te abanquiltaque. Ja' lec ac'a nainuquic ta Gosén. Soc teme ay sp'ijil yo'tanic ya awile, teme ay ya sna'ic wenta ta lec ya awil, ac'beya scanantaybon jchambalam uuc —xi' sc'oplal yu'un.

Génesis 47:6 ပူးပေါင်းရင်းမြစ်များ

Génesis 13:10

Te Lot la shach sit, la yil spisil te spamlej yu'un Jordán te ay bayel ha'etic tey a, hich yilel te bin ut'il sts'unub-yawal Jehová, hich yilel te bin ut'il te sq'uinal Egipto ta stojol Zoar. Hich ay a te c'alal ma to ba sjinoj Jehová te Sodoma soc te Gomorra.

Génesis 13:9

¿Ma bal ayuc ta atojol spisil te q'uinale? Ya calbat wocol te yacuc awihquitayon hilel. Teme ya xbahat ta q'uexam, ho'on ya xbohon ta wa'el; teme ya xbahat ta wa'el, ho'on ya xbohon ta q'uexam, xchi.

Génesis 20:15

Soc hich la yal te Abimelec: Ilawil, ay ta atojol spisil te jq'uinale, nahinan te banti yac amulan ya xnahinat, xchi.

Génesis 34:10

Nahinanic ta cohlilcotic, ay ta atojolic te q'uinale; nahinanic, a'iyahic mambajel soc chombajel tey a, soc manahic te q'uinale, xchi.

Génesis 45:10

Ya xnahinat ta sq'uinal Gosén soc ta nopol banti ayon, ha'at soc anich'nab soc amamatac, te chambahlametic, wacaxetic soc spisil bintic ay awu'unic.

Génesis 46:34

hich me yac awalbeyic: Ca'telinejcotic scoltesel chambahlametic ta jqueremilcotic to c'alal ora, ho'otcotic soc jme'jtatcotic, xchihex, scuenta yu'un tey ya xnahinex a ta sq'uinal Gosén, como te egipciohetic ilobtic sba ya ya'iyic te jcanan-tuminchijetic, xchi.

Génesis 47:11

Hich te José la yac' nahinuc te stat soc te sbanquiltac ta banti ay te mero lequil q'uinal ta Egipto, ha te q'uinal ta Ramesés, hich te bin ut'il la yal ta mandar te faraón.

Génesis 47:16

Hich la sjac' te José: Teme lajix ataq'uinic, a'bonic te chambahlametic awu'unic; ya jeltic ta we'elil te chambahlametic awu'unique, xchi.

Génesis 47:4

Soc hich la yalbeyic xan te faraón: Talemotcotic yu'un ya jc'an ya xnahinotcotic ta q'uinal li'i, yu'un mayuc swe'el te stuminchijic te a'batetic awu'un, como ay bayel wi'nal ta sq'uinal Canaán. Ha yu'un ya calbatcotic bayel wocol te yacuc awac' xnahinic ta Gosén te a'batetic awu'un, xchihic.

Génesis 47:5

Ha yu'un te faraón la yalbe te José: Talemiquix ta atojol te atat soc te abanquiltac.

1 Reyes 11:28

Te Jeroboam ay yip yo'tan soc ay bin ya xhu' spasbel. C'alal la yil te Salomón te bayel bin ya smulan spasel te quereme, la ya'be scuentahin spisil te tulan a'teliletic yu'un te sts'umbal José.

2 Crónicas 26:10

Ha nix hich la spas ilo-q'uinaletic ta jochol taquin q'uinal, soc la sjoc' bayel pozohetic, como bayel schansbahlam ta tsehltsehltic soc ta spamlejetic. Soc ay winiquetic yu'un te a'tejic ta sq'uinal soc ta ts'usubiltic te ayic ta witsiltic soc ta spamlejetic te yaxal q'uinal, como bayel la smulan a'tel ta q'uinal.

Éxodo 18:21

Soc tsaha winiquetic ta yohlil te pueblo te toj yo'tanic, te xi'ojic te Diose, ha winiquetic te smelelil ya xc'opojic, te ya yihlayic te bin ma stojiluc ta tahel; a'beya ta stojol te pueblo scuenta jcuentahinwanejetic yu'un lajunwinic yoxbahc' (1,000), yu'un ho'winic (100), yu'un lajuneb yoxwinic (50) soc yu'un lajuntuhl (10).

Éxodo 18:25

La stsa ta yohlil spisil Israel winiquetic te toj yo'tanique. La ya'be ta stojol te pueblo scuenta jcuentahinwanejetic yu'un lajunwinic yoxbahc' (1,000), yu'un ho'winic (100), yu'un lajuneb yoxwinic (50), soc yu'un lajuntuhl (10).

Éxodo 9:10

Hich la sjohpic bahel stanul horno, bahtic ta stojol faraón. Te Moisés la stuhquiy mohel ta toyol te tane, hich chicnaj chacaletic te uhl sbaq'uetalic te ants-winiquetic soc te chambahlametique.

Éxodo 9:21

Pero te mach'a ma ba la yich'ic ta cuenta te sc'op Jehová, la yac' hiluc ta aquiltic te a'batetic soc te chambahlametic yu'unique.

Proverbios 21:1

Te yo'tan te ajwalil hich ay te bin ut'il be-ha' ta sc'ab Jehová, ha ya stojobtes bahel chican bin ya sc'an yo'tan stuquel.

Proverbios 22:29

¿Ay bal awiloj te mach'a lec te ya'tele? Ya me xc'oht ta stojol ajwaliletic, ma ha'uc ya x'a'tej ta stojol te mach'atic peq'uelique.

Jeremías 40:4

Pero yo'tic la jtilbatix te cadena te chucul ac'ab a. Teme lec yac awa'iy, joquinawon bahel ta Babilonia, ho'on ya jcanantayat. Pero teme ma ba yac ac'ane, hilan li'i. Ilawil, spisil te lumq'uinal ay ta atojol, bahan ta banti lec yac awa'iy.

San Juan 17:2

como awa'beyej ya'tel ta stojol spisil ch'ich'-baq'uet scuenta yu'un ya yac'ticlambe scuxlejal sbahtel q'uinal spisil te mach'atic awa'beyej ta scuentahe.

1 Samuel 21:7

Ha nix yorahil te tey macbil a ta stojol Jehová jtuhl a'bat yu'un Saúl, Doeg sbihil, talem ta Edom, ha jtsobaw yu'un te jcanan-tuminchijetic yu'un Saúl.