Génesis 45:5 - Bible in Tzeltal Bachajón

⁵ Ma me xamel awo'tanic soc ma me xawilintay abahic yu'un te la achononic tal li'i, como scuenta scoltayel scuxlejal ants-winiquetic te nahil la sticonon tal awu'unic te Diose.

Bible in Tzeltal de Oxchuc y Tenejapa

⁵ Ja'uc me to, wocoluc, ma me xamel awo'tanic yu'un, soc ma me xc'opoj awo'tanic yu'un te la achononic tele, yu'un ja' me swenta acolelic c'ot yu'un Dios te la sneelteson tele.

Génesis 45:5 ပူးပေါင်းရင်းမြစ်များ

Génesis 37:28

C'alal yacalic ta c'axel tey a te jchombajel madianetic, la sloq'uesic ta ch'en te José, la schombeyic bahel te ismaeletic, jtahb (20) ta sehp plata stojol. La yiq'uic bahel ta Egipto te José.

Génesis 47:25

Hich la sjaq'uic te ants-winiquetic: Ha'at la awac' cuxajucotic. Lecucotic me ta sit cajwaltic, a'batotcotiquix yu'un faraón ya xc'ohotcotic, xchihic.

Génesis 50:19

Pero la sjac' te José: Ma xiwex, ¿yu'un bal ho'on ya xhilon ta lugar yu'un te Diose?

Génesis 50:20

Te ha'exe la ac'anic te yac apasbonic te bin chopol, pero lec c'oht yu'un stuquel te Diose scuenta yu'un ya xc'oht ta pasel te bin ya quiltic ta ora ini, ha te ya xcuxajic tsobol ants-winiquetic a.

Génesis 50:21

Ha yu'un ma me xiwex; ho'on ya jmac'linex ta apisilic soc awal-anich'anic, xchi sc'oblalic. Hich la smuc'ubtesbe q'uinal ya'iyic soc la yutsil-c'optaylan.

2 Samuel 12:12

Como ha'at la apas ta muquen; pero ho'on ya cac' c'ohtuc ta pasel ta stojol spisil Israel, xchi.

2 Samuel 17:14

Ha yu'un te Absalón soc spisil Israel la yalic: Ha lec te bin la yal te Husai te arquita-winic, ha ma ba lec c'oht te bin la yal te Ahitofel, xchihic. Como te Jehová chapalix yu'un a te ya yich' howiytesel te bin la yal te Ahitofel scuenta yu'un ha ya xc'oht ta stojol Absalón te bin chopole.

Ester 4:14

Como teme jc'axel ma ba ya xc'opojat yo'tic, yan banti ya xtal te scolel te judiohetic, pero te ha'at soc te mach'atic ay yu'un te atat ya me xlajex. Ha wan scuentahil te ochematix ta ajwalil-ants ta hich ora, xchi.

Job 1:21

hich la yal: Watalon a la yayinteson jnan, watalon a ya suhton bahel. Jehová la yac', Jehová la sloq'ues. ¡Bayeluc me yutsil sbihil te Jehová! xchi.

San Lucas 23:34

Hich la yal te Jesús: Jtat, pasbeya perdón, yu'un ma sna'ic bin yac spasbelic, xchi. La spuc sbahic a te sc'u' spac' ta scuenta seña ta na'el.

2 Corintios 2:11

scuenta yu'un ma ba ya stsalotic a te Satanás, como jna'ojtic te bin ya spas ta lo'loywanej stuquel.

2 Corintios 2:7

Ya sc'an te yac apasbeyiquix perdón soc yac awa'beyiquix smuc'ul yo'tan, scuenta yu'un ma ba ya xtsalot yu'un c'ax bayel mel-o'tan.

Filemón 1:15

Ha wan scuentahil te ay c'ahc'al loq'uem ta atojol, scuenta yu'un ha awu'un ya xhil spisil ora,

1 Samuel 1:19

Hahchic ta sab, la sch'uhuntayic te Jehová, suhtic bahel ta sna ta Ramá. Te Elcana way soc te Ana te yihnam; te Jehová la sna' te antse.