Génesis 45:2 - Bible in Tzeltal Bachajón

² Ha yu'un tulan oc'; la ya'iyic te egipciohetic, soc la ya'iyic te mach'atic ayic ta sna faraón.

Bible in Tzeltal de Oxchuc y Tenejapa

² Tulan oc' te José. La yaiyic te egipcioetique, soc la yaiybeyic sc'oplal spisil mach'a ayic ta sna te muc' ajwalil faraón.

Génesis 45:2 ပူးပေါင်းရင်းမြစ်များ

Génesis 42:24

Te José loc' bahel ta stojolic soc oc'; patil suht tal soc la sc'oponlan. La stsac ta yohlilic te Simeón, q'uelel sitic a la schuc.

Génesis 43:30

Ha yu'un te José ahnimal loc' bahel, yu'un yan baht q'uinal la ya'iy yu'un te la yil te yihts'ine, baht sle banti oc'. Och bahel ta banti ya xway, tey oc' a.

Génesis 45:14

La spet smey te Benjamín te yihts'in soc la yoq'uetay. Ha nix hich oc' te Benjamín c'alal la spet smey te sbanquile.

Génesis 45:15

Te José la yuhts'uy spisil te sbanquiltac soc la yoq'uetay. Patil c'oponot yu'un te sbanquiltac.

Génesis 46:29

Te José la yac' ta chahpanel te scarreta, baht sta ta Gosén te Israel te state. C'alal la yil te stat la spet smey, bayel halaj ta oq'uel.

2 Reyes 20:3

Ya calbat wocol, Jehová, te yacuc ana' te ta smelelil behenemon ta atojol soc ta spisil co'tan, soc jpasoj te bintic lec awo'tan yu'un, xchi. Hich och ta tulan oq'uel te Ezequías.

Zacarías 12:10

Ya jmal cohel jun espíritu yu'un yutsil-o'tanil soc yu'un sc'oponel Dios ta stojol te sna David soc te mach'atic nahinemic ta Jerusalén. Ya me yilonic, ho'on te la slowonic, ya me smel yo'tanic hich te bin ya smel yo'tanic yu'un hip jtuhl nich'anil te chame, ya me x'oq'uic yu'un hich te bin ya x'oq'uic yu'un te cham ba-nich'anil.

Números 14:1

Ha yu'un spisil te pueblo hahchic ta tulan aw; sjunal ahc'abal oq'uic.

Hechos 20:37

Bayel oq'uic soc spisilic la smech'ic te Pablo soc la yuhts'uyic.

Rut 1:9

Te Jehová ac'a yac' te jujutuhlex yac atahic cux-o'tanil ta sna te amamalal, xchi. Hich la yuhts'uylan; pero hahchic ta oq'uel te cheb yalib,