Génesis 42:6 - Bible in Tzeltal Bachajón

⁶ Te José ha jcuentahinwanej yu'un te q'uinal, ha te mach'a ya xchombe trigo swohlol bahlumilal. C'ohtic te sbanquiltac José, la squejan sbahic ta lum ta stojol.

Bible in Tzeltal de Oxchuc y Tenejapa

⁶ Te José swentainej spamal sq'uinal Egipto, soc swentainej xchonbeyel trigo spisil mach'a te bayuc ya xtalique. C'otic te sbanquiltac José, la spajc'an sbaic ta stojol c'alal ta lum.

Génesis 42:6 ပူးပေါင်းရင်းမြစ်များ

Génesis 18:2

Te Abraham la shach sit, la yil oxtuhl winiquetic te tec'ajtic ta stojol. C'alal la yil, ahnimal loc' bahel ta sti'il snahilpac', baht sta tal, la spahcan sba ta lum,

Génesis 19:1

Yaquix ta ihc'ubel q'uinal a c'ohtic ta Sodoma te cheb ch'ul a'batetique. Te Lot hucul ta yochibal te Sodoma. C'alal la yilbe sitic, hahch spatbe yo'tanic, la spahcan sba ta lum,

Génesis 33:3

Te Jacob nahilij bahel, la snijan sba ta lum huqueb buelta ha to c'alal c'oht sta te sbanquile.

Génesis 41:43

la yac' mohuc ta schebal carreta yu'un, soc ay mach'atic nahilijic bahel yu'un te la yalic ta aw: ¡Quejana abahic! xchihic. Hich te José la scuentahin spahmal te sq'uinal Egipto.

Génesis 41:54

Hahch te huqueb ha'bil wi'nal, hich te bin ut'il la yal te José. Hahch wi'nal ta spisil nacionetic, yan ta sq'uinal Egipto ay we'elil stuquel.

Génesis 41:57

Spisil te nacionetic tal smanic trigo ta Egipto ta stojol José, yu'un ayix bayel wi'nal ta spahmal q'uinal.

Génesis 44:14

Tal te Judá soc te yermanotac ta sna te José te tey to c'oht stahic a, la squejan sbahic ta stojol.

Génesis 45:26

Hich c'oht yalbeyic: ¡Cuxul te José! Ha ochem ta ajwalil yu'un spisil sq'uinal Egipto, xchihic. Xcham yo'tan yu'un te Jacob yu'un ma ba la sch'uhun.

Génesis 45:8

Ha yu'un ma ha'uquex la awac'onic tal li'i, ha te Dios te la yac'on tal, la yac'on ta stat faraón, la yac' te ajwalilon c'ohon yu'un spisil sna soc la ya'bon jcuentahin spisil te sq'uinal Egipto.

Génesis 48:12

Ha yu'un te José la sjits loq'uel te snich'nab ta sjol yacan te stat, la squejan sba.

Proverbios 11:26

Te mach'a bayel ya sq'uej trigo, ya xbohlc'optayot yu'un te ants-winiquetic, pero ya xc'oht bendición ta stojol te mach'a ya schone.

Isaías 60:14

Te snich'nab te mach'atic la yuts'inex ya me xtal snijan sbahic ta atojol, spisil mach'atic la sp'ajex ya me xtal squejan sbahic ta ye'tal awoc; soc hich me ya ya'beyex abihilic: Pueblo yu'un Jehová, xchihic, soc: Sión yu'un te Ch'ul Dios yu'un Israel, xchihic ta atojol.

Hechos 7:10

la scoltay ta spisil swocol, la ya'be sp'ijil yo'tan soc la yac' te lec yo'tan yu'un te faraón ajwalil yu'un Egipto, te la yotses ta gobernadoril yu'un Egipto soc ta scuentahinel spisil sna.

Apocalipsis 3:9

Te mach'atic ta sinagoga yu'un Satanás, te ha judío ta sc'opic, pero ma ha'uc, ya me cac' taluc squejan sbahic ta ye'tal awoc soc ya me sna'ic te c'ux la jca'iyat ta co'tane.

1 Samuel 20:41

Te c'alal bahtix a te quereme, loc' tal te David ta sts'ehl te ton, oxeb buelta la spahcan sba c'alal ta lum ta stojol; la yuhts'uy sbahic soc la yoq'uetay sbahic, ha tulan xan oc' a te David.