Génesis 42:2 - Bible in Tzeltal Bachajón

² La jca'iyix te ay we'elil ta Egipto; cohanic bahel tey a, manahic tal jwe'eltic scuenta yu'un ya xhu' ya xcuxajotic, te ma xchamotic a, xchi.

Bible in Tzeltal de Oxchuc y Tenejapa

² La caiyix stojol te bit'il ay trigo ta Egipto. Jich yu'un baanic, manaic tel jwe'eltic swenta yu'un jich me ma xlajotic ta wi'nal —la yut.

Génesis 42:2 ပူးပေါင်းရင်းမြစ်များ

Génesis 42:3

Hich cohic bahel te lajuntuhl sbanquiltac José ta smanel trigo ta Egipto.

Génesis 43:2

C'alal laj swe'belic te trigo te la yich'ic tal ta Egipto, hich halbotic yu'un te static: Suhtanic bahel, manahic tal jtebuc jwe'eltic, xchi.

Génesis 43:4

Teme yac aticon bahel sjoquinotcotic te quihts'incotic, ya xcohotcotic xan bahel ta smanel tal we'elil.

Génesis 43:8

Ha yu'un te Judá la yalbe te Israel te stat: Ticona sjoquinon bahel te quereme, ya xbohotcotiquix scuenta yu'un hich ya xcuxajotic, ma ba ya xchamotic, ha'at soc te cal-jnich'ancotique.

Génesis 45:9

Bahanic ta ora hiche, hich xawalbe te jtat: Hich ya yal te anich'an José: Dios la ya'bon ca'tel ta ajwalil ta spisil Egipto; la' me ta ora, ma me xhalajat.

Salmos 118:17

Ma ba ya xchamon, ya me xcuxajon soc ya me jpuc ta halel te a'teliletic yu'un te Jehová.

Salmos 33:18

Te sit te Jehová ay ta stojol te mach'atic ya yich'ic ya muc', te mach'atic ha smuc'ulinej yo'tanic te sc'uxul yo'tan,

Salmos 33:19

yu'un ya scoltay ta lajel soc yu'un ya ya'be bin ya xcuxajic a ta yorahil wi'nal.

Isaías 38:1

Ta hich ora tsacot ta tulan chamel te Ezequías, yu'un ya xcham. Te jalwanej Isaías snich'an Amoz tal ta stojol, hich la yalbe: Hich ya yal te Jehová: Hala mandar te slajibal ac'op ta stojol mach'atic awu'un, yu'un ya xchamatix. Ma xc'ax awu'un, xchi.

San Mateo 4:4

La sjac' te Jesús: Hich ts'ihbabil: Ma ha'uc nax ya xcuxaj ants-winic yu'un te pan, ha ya xcuxaj yu'un spisil te c'op ya xloc' ta ye te Diose, la yut.

Hechos 7:12

Te c'alal la ya'iy te Jacob te ay trigo ta Egipto, la sticon bahel ta primera buelta te jtatique.