Génesis 41:8 - Bible in Tzeltal Bachajón

⁸ C'alal sacub q'uinal bayel bin tal ta yo'tan yu'un, ha yu'un la sticonlan ta iq'uel spisil te jna'ojeletic soc te p'ijil winiquetic ayic ta Egipto; la yalbe ya'iyic te swayich, pero mayuc mach'a la sna'be scuentahil.

Bible in Tzeltal de Oxchuc y Tenejapa

⁸ Ja'uc me to, te c'alal sacub q'uinal, bayal la smel yo'tan yu'un te swaiche. La sticun ta iq'uel spisilic te mach'atic ay bila ya sna'ic yalel soc te mach'atic ay sp'ijilic ta spamal Egipto. La xcholbey yaiyic bit'il ay te swaiche; ja'uc me to, ma'yuc mach'a la sna'bey swentail.

Génesis 41:8 ပူးပေါင်းရင်းမြစ်များ

Génesis 40:6

Sacub q'uinal, tal te José, la yil te ayic ta mel-o'tan.

Génesis 40:8

Hich la yalic: Yu'un la jca'iycotic wayich, pero mayuc mach'a ya sna'be scuentahil, xchihic. Te José la yalbe: ¿Ma bal ha'uc yu'un Dios te ya yac' ta na'beyel scuentahil? Halbonic ca'iy te awayichic, xchi.

Génesis 41:15

Te faraón hich la yalbe te José: Ay jwayich, pero mayuc mach'a ya yalbon scuentahil. La jca'iybat ac'oblal te yac ana' yalbeyel scuentahil wayichiletic, xchi.

Génesis 41:24

Te huc-chej jayal trigo la sbic'ticlanic te huc-chej lequil trigo. La jcalbeyix ya'iyic te jna'ojeletic pero mayuc mach'a la sna'be scuentahil, xchi.

Génesis 41:7

Te huc-chej jayal trigo la sbic' te lequil trigo. Hich ora wihc' xan sit te faraón, la sna' te ha wayichil.

Salmos 25:14

Te Jehová jun yo'tan soc te mach'atic ya yich'ic ta muc', ya ya'be sna' te chapbil-c'op yu'une.

Éxodo 7:11

Ha yu'un te faraón la yic' tal te p'ijil winiquetic soc te j'ac'-chameletic, hich nix la spasic te j'ilojeletic yu'un Egipto ta scuenta sc'oblaltesel yu'unic:

Éxodo 7:22

Pero te j'ilojeletic ta Egipto hich nix la spasic ta scuenta te sc'oblaltesel yu'unic. Ha yu'un tulanub yo'tan te faraón, ma ba la ya'iybe sc'opic, hich te bin ut'il la yal te Jehová.

Éxodo 8:7

Pero te j'ilojeletic hich nix la spasic ta scuenta te sc'oblaltesel yu'unic; la yaq'uic tal xch'uch'etic ta sq'uinal Egipto.

Éxodo 9:11

Te j'ilojeletic ma ba hu' yu'unic ya xhilic xan ta stojol Moisés ta scaj te tsacotic ta chacaletic soc spisil te egipciohetique.

Isaías 19:3

Ya xlaj yip yo'tanic te egipciohetic, ya jlajimbe te bin schapojique. Ha yu'un ya sjoc'obeyic te yahcananic soc te mach'atic ya sc'oponic ch'uhlelaletic, te jwoyawetic soc te jna'ojeletique.

Isaías 29:14

Ha yu'un yan xan buelta ya cac' ch'ayuc yo'tanic te pueblo ini ta scuenta jchahp a'teliletic; ya xch'ay te p'ijil-o'tanil yu'un te mach'atic p'ij yo'tanic, ya xtup' bahel te bin sna'oj te mach'atic ay bin ya sna'ic, xchi.

Isaías 8:19

Teme hich ya yalbeyex: Joc'obeyahic te jmonawetic soc te jna'ojeletic te ya xc'opojic ta sajsaj-c'op, teme xchihique, hich yac awalbe: Te pueblo ¿ma bal yacuc sjoc'obe te Dios yu'une? ¿Ya bal sjoc'obe te mach'atic chamenic ta scuenta te mach'atic cuxulic? xchihan me.

Daniel 1:20

Ta spisil te sc'oblal p'ijil-o'tanil soc te bintic ay ta na'el te joc'obotic yu'un te ajwalil, la sta te lajuneb buelta tohyem sp'ijilic a te bin ut'il spisil te jpas-señahiletic soc te jna'ojeletic te ayic ta ban c'alal scuentahinej te ajwalile.

Daniel 4:18

Ho'on, te ajwalil Nabucodonosor, la jquil te wayich ini. Ha'at, Beltsasar, halbon ca'iy te sc'oblale, como mayuc jtuhluc te p'ijil winiquetic ta ban c'alal jcuentahinej te ya xhu' yu'un sna'beyel sc'oblal. Pero te ha'at ya xhu' awu'un como nahinem ta awo'tan te espíritu yu'un te ch'ul diosetic, xchihon.

Daniel 4:19

Hich te Daniel, te Beltsasar yan sbihil, xch'ayet yo'tan, a'bot xiwel yu'un te bin la snope. Ha yu'un la yal te ajwalil: Beltsasar, ma me xiwat yu'un te wayichil o te sc'oblale, xchihon. La sjac' te Beltsasar: Ajwalil cu'un, te ha'uc yu'un acontratac te wayich, soc te ha'uc ya xc'oht te sc'oblal ta stojol te mach'atic ya scontrahinate.

Daniel 4:5

La jca'iy wayich te la ya'bon xiwel. C'alal ayon ta jwayib a la ya'bon xiwel te bintic tal ta jol soc te nahalsitiletic.

Daniel 4:6

Ha yu'un la jcal ta mandar te ya xtalic ta jtojol spisil te p'ijil winiquetic yu'un Babilonia scuenta yu'un ya yalbonic sc'oblal te jwayiche.

Daniel 4:7

Talic te jpas-señahetic, jmonawetic, caldeohetic soc jna'ojeletic, la jcalbe ya'iyic te jwayich, pero ma ba hu' yu'unic te ya yalbonic te sc'oblale.

Daniel 5:11

Li' ta banti yac awa'iy cuentahinwanej ay jtuhl winic te ay ta yo'tan te espíritu yu'un te ch'ul diosetic, soc ta yorahil atat chicnaj te ya sna' q'uinal, ay bin ya sna' soc ay sp'ijil yo'tan hich te bin ut'il te sp'ijil yo'tan te diosetique. Te ajwalil Nabucodonosor, te atat, la ya'be ya'tel ta jtsobaw yu'un spisil te jpas-señahiletic, jmonawetic, caldeohetic soc jna'ojeletic,

Daniel 7:28

Ha slajibal ta halel te sc'op ini. Ho'on Daniel, bayel c'opoj co'tan soc sacub quelaw yu'un, pero la jq'uej ta co'tan bin ut'il ay spisil ini.

Daniel 8:27

Ho'on, Daniel, laj quip la jca'iy yu'un, bayel c'ahc'al ayon ta chamel. Patil hahchon, cha'ochon xan ta spasel te a'tel yu'un te ajwalil. Pero ay xiwel ta co'tan ta scaj te nahalsit, ma ba la jna'be scuentahil.

Levítico 19:31

Ma me xbahex ta stojol te mach'atic ya sc'oponic ch'uhlelal, o ta stojol te jna'ojeletique; ma me ayuc bin yac ajoc'obeyic, como ya me xbohlob ac'oblalic yu'un. Ho'on, Jehovahon, te Dioson awu'unique.

Levítico 20:6

Te mach'a ya xbaht ta stojol te mach'atic ya sc'oponic ch'uhlelal soc mach'atic jna'ojeletic, te ya yac' sbahic ta antsinel ta stojolic c'ohem, ma lecuc co'tan ta stojol te mach'a hich ya spas, ya me jloq'ues bahel ta yohlil te slumale.

Habacuc 3:16

La jca'iy, la syuc' sba jch'uht yu'un; nihc que yu'un te sc'ope. Och sc'a'el ta jbaquel, jcohtol nihcon yu'un. Lamal co'tan ya jmahliy te sc'ahc'alel wocol te ya xc'oht ta stojol te pueblo te ya ya'botic guerra.

San Mateo 2:1

C'alal ayin Jesús ta Belén te ay ta sq'uinal Judea, ta yorahil te ay ta ajwalil a te Herodes, talic ta Jerusalén p'ijil winiquetic te talemic ta stojol banti ya xloc' tal c'ahc'al,

Hechos 17:18

Ay cha'oxtuhl jp'ijubteswanejetic yu'un te epicúreohetic soc yu'un te estóicohetic la stsal sbahic ta c'op soc te Pablo. Ay mach'atic la yalic: ¿Bin ya sc'an ya yal te winic ini te bayel ya xc'opoj? xchihic. Ay yantic la yalic: Yu'un wan yac yalbel sc'oblal yach'il diosetic, xchihic, como yac yalbel sc'oblal te Jesús soc te cha'cuxajele.

Hechos 7:22

Te Moisés a'bot snop spisil te sp'ijilic te egipciohetic; ay yip ya xc'opoj soc ay yip ya'tel.

1 Corintios 1:19

Melel hich ts'ihbabil: Ya jimbe sp'ijilic te mach'atic p'ijic; ya cac' te mayuc scuentahil ya xc'oht te bin snopoj te mach'atic ay bin ya sna'ic, xchi.

1 Samuel 6:2

Te filisteohetic la stsobic te sacerdotehetic soc te jna'ojeletic, hich la sjoc'obeyic: ¿Bin ya jpascotic soc te scaxahul te chapbil-c'op yu'un Jehová? Halbotcotic bin ut'il ya jsutcotic bahel ta lugar yu'un, xchihic.