Génesis 41:25 - Bible in Tzeltal Bachajón

²⁵ Te José la yalbe te faraón: Junax sc'oblal te swayich te faraón. Dios la ya'be sna' te faraón bin ya xc'oht ta pasel ta patil.

Bible in Tzeltal de Oxchuc y Tenejapa

²⁵ Te José la yalbey te faraón: —Jun nax me sc'oplal xchebal te awaich, cajwal. Dios la yac'bat ana' te bila ya xc'ot ta pasel ta patil.

Génesis 41:25 ပူးပေါင်းရင်းမြစ်များ

Daniel 2:45

hich te bin ut'il la awil te t'ohch talel ton ta wits, te mayuc mach'a t'ohchot yu'un, te la swuyticlan te hierro, bronce, chic'bil lum, plata soc te oro. Te muc'ul Dios la ya'be yil te ajwalil te bin ya xc'oht ta pasel ta patil. Smelelil te wayichil soc smelelil te sc'oblale, xchi.

Apocalipsis 4:1

Patil la jquil, ay jamal ti'nahil ta ch'ulchan. Te c'op la jca'iy ta nahil te sjel ta yoq'uel corneta, hich la yal: Mohan tal li'i, ya ca'bat awil bintic ya xc'oht ta pasel ta patil, xchi.

Efesios 1:17

Ya jc'ambe te Dios yu'un te Cajwaltic Jesucristo, ha te Tatil yu'un utsilal, te yacuc ya'beyex espíritu yu'un p'ijil-o'tanil soc yu'un sna'el bin ac'bil ta na'el yu'un Dios, scuenta yu'un ya xhu' yac ana'beyic sba ta lec.

San Marcos 13:23

Tsahtaya me abahic hiche, nahil me la jcalbeyex spisil.

San Mateo 24:40

Ay cha'tuhl te sjoc sbahic ta a'tel ta sq'uinal, jtuhl ya x'ic'ot, jtuhl ya xhil.

Amós 3:7

Mayuc bin ya spas te Jehová teme ma ba ya ya'be sna'ic te a'batetic yu'un, ha te jalwanejetic, te bin muquen ay ta yo'tan.

Daniel 2:47

Te ajwalil hich la yalbe te Daniel: Melel te Dios awu'unic ha Dios yu'un yantic diosetic, ha Ajwalil yu'un ajwaliletic soc te mach'a ya yac' ta na'el bintic wocol ta na'el, como hu' awu'un te la awac' ta na'el te bintic wocol ta na'el ini, xchi.

Isaías 43:9

Ac'a stsob sbahic tal spisil te nacionetic, ac'a stsob sbahic te pueblohetic. ¿Mach'a ta yohlilic te nahil la yalbe sc'oblal ini, mach'a la yalbotic sc'oblal te bintic c'ohemix ta pasele? Ac'a taluc te testigohetic yu'unic, yu'un ya yaq'uic ta na'el te melel te bin la yalic, ac'a ya'iyic soc hich ac'a yalic: Melel nix a, xchihuquic.

Salmos 98:2

Te Jehová la yaq'uix ta na'el te colel yu'un, la yaq'uix ta ilel ta stojol te nacionetic te stojil ya'tele.

Josué 11:6

Pero te Jehová la yalbe te Josué: Ma me xaxi', como ta hichilan ora pajel spisilic lajemic a ya cac'ticlan ta stojol Israel; yac abojbe schihal yacan scawuhic soc yac achic'be te scarretahic yu'un guerra, xchi.

Génesis 41:16

Te José hich la sjac'be sc'op te faraón: Te ho'one mayuc bin ya jna'; pero Dios me ya ya'be sna' scuentahil te faraón, xchi.

Éxodo 9:14

Yu'un ya jticonix tal spisil te castigohetic ta atojol, ta stojol te a'batetic soc te pueblo awu'un scuenta yu'un hich yac ana' a te mayuc yan mach'a pajalon soc ta spahmal q'uinal.

Génesis 41:26

Te huqueb t'ujbil wacaxetic, huqueb ha'bil c'ohem; soc te lequil trigo, ha nix hich huqueb ha'bil c'ohem; junax sc'oblal te wayichile.

Génesis 41:28

Hich te bin ut'il la jcalbe te faraón: Dios la ya'be sna' te faraón te bin ya xbaht spas.

Génesis 41:32

Te bin ut'il cheb buelta la ya'iy wayich te faraón, ha ya yal te Dios me ya yac' c'ohtuc ta pasel, soc nopol ya xc'ohtix ta pasel yu'un.

Génesis 40:8

Hich la yalic: Yu'un la jca'iycotic wayich, pero mayuc mach'a ya sna'be scuentahil, xchihic. Te José la yalbe: ¿Ma bal ha'uc yu'un Dios te ya yac' ta na'beyel scuentahil? Halbonic ca'iy te awayichic, xchi.