Génesis 4:5 - Bible in Tzeltal Bachajón

⁵ Yan te Caín ma lecuc yo'tan Dios yu'un soc te mahtanil la yac'. Hich te Caín bayel ilin, yanij sit yelaw yu'un.

Bible in Tzeltal de Oxchuc y Tenejapa

⁵ Yan te Caín ma lecuc yo'tan Dios yu'un soc te smajt'an te la yac'beye. Jich te Caín bayal a ilin yu'un, yanaj sit yu'un te yilimbae.

Génesis 4:5 ပူးပေါင်းရင်းမြစ်များ

Génesis 31:2

Soc la yil te Jacob te yanijemix sit yelaw te Labán, te ma hichuquix yo'tan ta stojol te bin ut'il ay ta nahil to.

Génesis 31:5

Hich la yalbe: Ya quil te ma hichuquix yo'tan cu'un te atatic te bin ut'il ta nahil to; pero sjoquinejon te Dios yu'un te jtate.

Génesis 39:19

C'alal la ya'iy te yajwal te José te bin halbot yu'un te yihnam te hich la yal: Hich c'an spasbon te awa'bat, te xchihe, bayel ilin yu'un.

Job 15:13

te yac awihlintay te Diose, soc te hich yac awale?

Job 5:2

Melel ya xmilot yu'un yilimba te mach'a ma sna' q'uinal, ya xmilot yu'un bic'tal-o'tanil te sonso.

Salmos 20:3

Ac'a sna'bat spisil te mahtaniletic awu'un, ac'a stsacbat te scohtol chic'bil mahtanil awu'un. Selah

Proverbios 19:3

Te sonsohil te winic ha ya xhowiytesot ta be yu'un, patil ya yilintay te Jehová.

Proverbios 29:10

Te jmilawaletic ya yihlayic te mach'a jun yo'tan, pero te mach'atic toj yo'tanic ya slehbeyic yutsil sch'uhlelic.

Eclesiastés 4:4

Soc la jquil te spisil a'tel soc spisil te bin lec ya yich' pasel, tey ya xhahch tal a te sbic'tal yo'tan ta stojol te spat-xuhque. Ha nix hich tojol nax soc ha snutsel te iq'ue.

Isaías 3:9

Ha nix ya xchicnaj ta sit yelawic te smulique; hich te bin ut'il Sodoma ya spuquic ta halel te smulique, ma ba ya smuquic. ¡Ay me swocolic! Ha nix ta scuentahic te ay swocolique.

Números 16:15

Ha yu'un bayel ilin te Moisés, hich la yalbe te Jehová: ¡Ma me xatsacbe te mahtanil yu'unique! Ni jcohtuc burro la jpojbe, ni jtuhluc ay bin chopol la jpasbe, xchi.

San Mateo 20:15

¿Ma bal yacuc xhu' ya jpas te bin ya jc'an ya jpas soc te bintic ay cu'une? O ¿ay bal sbic'tal awo'tan yu'un te lec co'tan? la yut.

Hechos 13:45

Pero c'alal la yilic te judíohetic te tsobol ants-winiquetic, xut'et yo'tanic yu'un, hich la scontrac'optayic soc la yixta'c'optayic te bin yac yalbel te Pablo.

Hebreos 11:4

Ta scuenta sch'uhunel yo'tan te Abel c'ax hich yutsil a te milbil mahtanil la yac' te bin ut'il la yac' te Caín. Hich halbot sc'oblal te toj yo'tan, te bin ut'il Dios la yal te lec yo'tan yu'un te smahtan la yaq'ue. Aunque chamenix te Abel, ya to xc'opoj ta scuenta te sch'uhunel yo'tan.

Judas 1:11

¡Ay me swocolic! como st'unojic te be yu'un Caín, howiyemic hich te bin ut'il Balaam ta slehel taq'uin te ma stojiluc; pajal lajic soc te toybahil yu'un Coré.

1 Samuel 16:7

Pero halbot yu'un Jehová te Samuel: Ma me ha'uc xawil te bin yilel o te bin yilel snahtil, como ch'aybil cu'un. Como te Jehová ma ha'uc ya yil te bin ya yil te ants-winic, como te ants-winic ha ya yil te bin chican ta sit, yan te Jehová ha ya yil te bin yilel te o'tanile, xchi.