Génesis 4:4 - Bible in Tzeltal Bachajón

⁴ Yan te Abel la yac' te sba yal stuminchij te buen juhp'en. Lec yo'tan Dios yu'un te Abel soc te mahtanil la yac'.

Bible in Tzeltal de Oxchuc y Tenejapa

⁴ Yan te Abel ja' la yac' te sba yalatac xchij te buen jujp'ene. Te Dios lec yo'tan yu'un te Abel soc te majt'anil la yaq'ue.

Génesis 4:4 ပူးပေါင်းရင်းမြစ်များ

Génesis 15:17

Mahlix c'ahc'al, ihc'ubix q'uinal a, chicnaj tut yawil c'ahc' te yac ta loq'uel sch'ahilel, soc tuxul c'ahc', c'axic ta yohlil te chambahlametic te jaticlambil ta ohlil.

Génesis 4:3

La sta yorahil te Caín la ya'be smahtanin Dios te sit sts'unub-yawal.

1 Reyes 18:24

Ya me ac'oponic te diosetic awu'unic, ho'on ya jc'opon te Jehová. Te mach'a dios te ya sjac', te ya sticon tal c'ahc', ha me te mero Dios abi, xchi. Lec te bin yac awal, xchihic spisil te pueblo.

1 Reyes 18:38

Hich co tal c'ahc' ta stojol Jehová, la schic' te mahtanil, te si', te tonetic, ts'ubil lum soc la slajin te ha' ay ta sch'acomal.

1 Crónicas 21:26

Tey la spas a te scajtajib smahtan Jehová te David te banti la ya'be scohtol chic'bil mahtaniletic soc mahtaniletic scuenta lamal q'uinal. La sc'opon te Jehová, a'iybot sc'op yu'un soc la sticon tal c'ahc' c'alal ta ch'ulchan te c'oht ta sba te scajtajib scohtol chic'bil mahtanil.

2 Crónicas 7:1

C'alal laj yo'tan ta sc'oponel Dios te Salomón, co tal c'ahc' ta ch'ulchan, laj ta c'ahq'uel te scohtol chic'bil mahtanil soc te yantic milbil mahtaniletic. Te yutsilal Jehová noj ta yutil te Nahe.

Salmos 20:3

Ac'a sna'bat spisil te mahtaniletic awu'un, ac'a stsacbat te scohtol chic'bil mahtanil awu'un. Selah

Éxodo 13:12

ya me awa'be te Jehová spisil te ba-alal queremetic; soc ha nix hich spisil te sba-quelmal te achanabahlamic, ha me yu'un Jehová.

Proverbios 3:9

Ich'a ta muc' Jehová soc te bintic ay awu'un soc te sba sit spisil ats'unub awawal;

Eclesiastés 4:4

Soc la jquil te spisil a'tel soc spisil te bin lec ya yich' pasel, tey ya xhahch tal a te sbic'tal yo'tan ta stojol te spat-xuhque. Ha nix hich tojol nax soc ha snutsel te iq'ue.

Levítico 9:24

Loc' tal c'ahc' ta stojol Jehová, la slajin te scohtol chic'bil mahtanil soc te sjuhp'el ayic ta scajtajib ta chiq'uel mahtanil. C'alal hich la yilic spisil te pueblo, awonic soc la squejan sbahic ta lum.

Números 16:15

Ha yu'un bayel ilin te Moisés, hich la yalbe te Jehová: ¡Ma me xatsacbe te mahtanil yu'unique! Ni jcohtuc burro la jpojbe, ni jtuhluc ay bin chopol la jpasbe, xchi.

Números 16:35

Soc loc' tal c'ahc' ta stojol Jehová, la smil te lajuneb yoxlajunwinic (250) ta tuhl winiquetic te la yaq'uic te pome.

Números 18:12

Spisil te lequil aceite, lequil vino, trigo soc te sba sit te ya ya'beyic Jehová, ho'on la jca'bat.

Números 18:17

Yan te sba-al wacax, tuminchij soc tentsun ma me xajeltay stuquel, yu'un ch'uhltesbilic. Yac atsihtsimbe sch'ich'el ta scajtajib ta chiq'uel mahtanil, soc yac achic'be sjuhp'el scuenta chic'bil mahtanil te sumet yic' ta stojol Jehová.

Hebreos 11:4

Ta scuenta sch'uhunel yo'tan te Abel c'ax hich yutsil a te milbil mahtanil la yac' te bin ut'il la yac' te Caín. Hich halbot sc'oblal te toj yo'tan, te bin ut'il Dios la yal te lec yo'tan yu'un te smahtan la yaq'ue. Aunque chamenix te Abel, ya to xc'opoj ta scuenta te sch'uhunel yo'tan.

Hebreos 9:22

Como ya yal te Ley te jteb ma spisiluc ya sc'an ya yich' lecubtesel ta ch'ich'; teme ma ba ya yich' malel ch'ich', mayuc perdón.

Apocalipsis 13:8

Spisil mach'atic nahinemic ta bahlumilal la sch'uhuntayic, spisil te mach'atic ma ba ts'ihbabil sbihilic te ma to ba pasbil a te bahlumilal ta libro scuenta cuxlejal yu'un te Jcolel Tuminchij te yich'oj milel.

Jueces 6:21

Te ch'ul a'bat yu'un Jehová la shach te snahbate' ay ta sc'ab, la stij a te ti'bal soc te panetic ma ba yich'oj levadura, hich loc' tal c'ahc' ta ton te la schic' te ti'bal soc te pane. Hich ch'ay ta sit te ch'ul a'bat yu'un te Jehová.

1 Samuel 15:22

Ha yu'un hich la sjac' te Samuel: ¿Ha bal c'ax lec xan yo'tan Jehová yu'un scohtol chic'bil mahtaniletic soc milbil mahtaniletic, te bin ut'il sch'uhumbeyel te sc'op Jehová? Ha lec xan a te xch'uhumbeyel smandar te bin ut'il a'beyel milbil mahtaniletic; soc ha lec xan a te a'iybeyel sc'op te bin ut'il sjuhp'el tuminchijetic.