Génesis 4:26 - Bible in Tzeltal Bachajón

²⁶ Ayin snich'an te Set, Enós sbihil. Ha yorahil te hahch yalbeyic wocol ta stojol Jehová.

Bible in Tzeltal de Oxchuc y Tenejapa

²⁶ Ayin snich'an te Set, Enós sbiil c'ot. Ja' yorail te caj yalbeyic wocol ta stojol Cajwaltic te ants-winiquetique.

Génesis 4:26 ပူးပေါင်းရင်းမြစ်များ

Génesis 12:8

C'ax xan bahel tey a te Abram, c'oht ta jun wits ay ta stojol banti ya xloc' tal c'ahc'al yu'un Bet-el, la stehc'an snahilpac' tey a; ay ta stojol smahlib c'ahc'al te Bet-el, ay ta stojol banti ya xloc' tal c'ahc'al te Hai. Tey la spasbe scajtajib ta chiq'uel mahtanil a te Jehová soc la sc'opon te Jehová.

Génesis 26:25

Ha yu'un te Isaac la spasbe scajtajib ta chiq'uel mahtanil soc la sc'opon te Jehová. Tey la stehc'an snahilpac' a, soc te a'batetic yu'un Isaac la shotic pozo.

1 Reyes 18:24

Ya me ac'oponic te diosetic awu'unic, ho'on ya jc'opon te Jehová. Te mach'a dios te ya sjac', te ya sticon tal c'ahc', ha me te mero Dios abi, xchi. Lec te bin yac awal, xchihic spisil te pueblo.

Salmos 116:17

Ya me ca'bat milbil mahtanil scuenta yalel wocol soc ya jc'opon te Jehová ta scuenta sbihil.

Isaías 44:5

Ay mach'a hich ya yal: Ho'on yu'unon Jehová, xchi, yan ya sbihilimbe sbihil te Jacob, yan hich ya sts'ihbay ta sc'ab: Yu'unon Jehová, xchi, soc ya sbihilimbe sbihil Israel, xchi.

Isaías 48:1

A'iya awa'iyic ini, ha'ex yu'unex Jacob, te abihilinej Israel, te ha sts'umbalex Judá, te ay bintic yac awalic ta jamal ta scuenta sbihil Jehová, soc te yac ac'oponic te Dios yu'un Israel, pero ma ba smelelil soc ma stojiluc.

Isaías 63:19

Hich c'ohemotcotic te bin ut'il mach'atic mayuc bin ora la acuentahin, te mayuc bin ora la jquich'batcotic te abihile.

Jeremías 33:16

Ta hich ora ya xcol te Judá soc jun yo'tan ya xnahin te Jerusalén. Hich ya x'a'bot sbihilin: Jehová, ha te mach'a cu'untic te toj yo'tan, xchi.

Joel 2:32

Spisil te mach'atic ya sc'opon Jehová ta scuenta sbihil ya me xcolic; como ta wits Sión soc ta Jerusalén ay me colel, hich te bin ut'il yaloj te Jehová, ta yohlil te mach'atic cuxulic hilel ay mach'atic ya x'ic'otic yu'un Dios.

Sofonías 3:9

Ta hich ora ya cac' te ya xlecub te sc'op te pueblohetic, scuenta yu'un spisilic ya sc'opombeyic te sbihil te Jehová, yu'un pajal ya yac' sbahic ta a'batinel ta stojol.

San Lucas 3:38

snich'an Enós, snich'an Set, snich'an Adán, snich'an Dios.

Hechos 11:26

Jun ha'bil la sjoquinic te iglesia, tsobol mach'atic la sp'ijubteslanic. Tey ta Antioquía nahil a'bot sbihilinic cristianohetic te jnopojeletique.

Hechos 2:21

Soc spisil mach'atic ya sc'oponic te sbihil te Diose, ya me xcolic, xchi.

Romanos 10:13

como spisil te mach'atic ya yalbeyic wocol ta scuenta sbihil te Cajwaltic, ya me xcolic, xchi.

1 Corintios 1:2

ya jpatbecotic yo'tanic te iglesia yu'un Dios te ay ta Corinto, te mach'atic ch'uhltesbilic ta scuenta Cristo Jesús, te ic'bilic yu'un pajal ya yich'ic ch'ultesel soc spisil yantic ta bayuc te ya yalbeyic wocol ta scuenta sbihil te Cajwaltic Jesucristo, te Ajwalil yu'unic soc cu'untic.