Génesis 4:2 - Bible in Tzeltal Bachajón

² Patil ayin yihts'in, Abel sbihil. Te Abel ha jcanan-tuminchij, yan te Caín la schahpan te lumq'uinal stuquel.

Bible in Tzeltal de Oxchuc y Tenejapa

² Patil tal yuts', Abel sbiil c'ot yu'un. Te Abel la yat'elin xch'ijtesel chij, yan te Caín la yat'elin sts'unel awalts'unub ta lumq'uinal stuquel.

Génesis 4:2 ပူးပေါင်းရင်းမြစ်များ

Génesis 3:23

Ha yu'un te Jehová la sloq'ues ta ts'umbil q'uinal Edén yu'un ya schahpan te lumq'uinal te ha nix yich'oj pasel a.

Génesis 37:13

Te Israel hich la yalbe te José: Bahemic ta scanantayel te tuminchijetic ta Siquem te abanquiltac. La', ya jticonat bahel ta stojolic, xchi. Lec ay, xchi te José.

Génesis 4:1

Te Adán la sjoquin ta wayel te Eva te yihnam, hahch yal, hich ayin te Caín, soc hich la yal te Eva: Ta scuenta Jehová ayix jtuhl jquerem, xchi.

Génesis 4:3

La sta yorahil te Caín la ya'be smahtanin Dios te sit sts'unub-yawal.

Génesis 47:3

Te faraón la yalbe te sbanquiltac: ¿Bin awa'telic? xchi sc'oblalic. Hich la yalbeyic te faraón: Jcanan-tuminchijotcotic te a'batotcotic awu'un, ha nix hichotcotic te bin ut'il te jme'jtatcotic, xchihic.

Génesis 9:20

Patil te Noé hahch schahpan te lumq'uinal, la sts'un sts'usubil.

Salmos 127:3

Te al-nich'anetic ha te bin ya x'a'botic quich'tic yu'un te Jehová, ha mahtanil te sit te yawil alal.

Éxodo 3:1

Te Moisés yac ta scanantaybeyel stuminchij te snihal-mamal Jetro, te sacerdote ta Madián. La yic' bahel te tuminchijetic c'alal ta sjehchelul te jochol taquin q'uinal, c'oht c'alal ta Horeb, te wits yu'un Dios.

Amós 7:15

Pero te Jehová la yic'on loq'uel ta scanantayel te tuminchijetic, hich la yalbon: Bahan, halbeya sc'op-jalwanej te Israel te pueblo cu'une, xchi.

San Lucas 11:50

Ha yu'un te jcaj ts'umbalil ini ya me x'a'bot scuch smalbeyel sch'ich'el spisil te jalwanejetic te lajic ta milel yalel c'alal shahchel to tal bahlumilal,

San Lucas 11:51

c'alal ta sch'ich'el Abel ha to c'alal ta sch'ich'el te Zacarías te la yich' milel ta ohlil yu'un te scajtajib smahtan Dios soc te Templo. Ya calbeyex te ha me ya x'a'bot scuch te jcaj ts'umbalil ini.

San Juan 8:44

Te ha'exe, ha yu'unex te atatic, ha te pucuje, soc yac apasbeyic te bin ya sc'an yo'tan te atatique. Stalel jmilaw c'alal shahchibal, mayuc bin ora melel te sc'ope, como stalel mayuc smelelil c'op yu'un. C'alal ya ya'iy lot, ha nix sc'op ya yal, como mero jlot stuquel soc ha tatil yu'un lot.

1 Juan 3:10

Hich ya xchicnaj mach'atic a te yal-snich'nab Dios soc mach'atic a te yal-snich'nab te pucuje: Spisil mach'a ma ba ya spas te bin toj ta pasel soc te ma c'uxuc ya ya'iy ta yo'tan te yermano, ma yu'unuc Dios stuquel.

1 Juan 3:12

Ma me hichucotic te bin ut'il Caín, te ha yu'un te pucuj, te la smil te yihts'ine. ¿Bin yu'un te la smile? Yu'un chopol te ya'tel te Caín, yan te yihts'in toj ya'tel stuquel.

1 Juan 3:15

Spisil mach'a ya yil-o'tantay te yermano, jmilaw me c'ohem. Ana'ojic te mayuc jtuhluc jmilaw te ay scuxlejal scuenta sbahtel q'uinal.