Génesis 39:9 - Bible in Tzeltal Bachajón

⁹ Mayuc yan mach'a toyol xan te bin ut'il ho'on li' ta na ini, soc mayuc bin ma ba ya'beyejon ta jcuenta, ha'at xanix te yihnamat. ¿Bin ut'il c'an jpas te bin chopol ini, te ya jta jmul ta stojol te Diose? xchi.

Bible in Tzeltal de Oxchuc y Tenejapa

⁹ Ma'yuc xan yan cajal a te bit'ilone. Te cajwal ma'yuc bi ma yac'ojbon ta jwenta, ja' nax te bit'il yinamat te ja'ate. Ma xju' te ya jpastic jich. ¿Ma bal yacuc jta jmul ta stojol cajwal teme jich ya jpase? Soc ya me jta jmul ta stojol Dios —xi'.

Génesis 39:9 ပူးပေါင်းရင်းမြစ်များ

Génesis 13:13

Pero te mach'atic nahinemic ta Sodoma c'ax chopol yo'tanic, la spasic mero chopol muliletic ta stojol Jehová.

Génesis 20:3

Pero ta ahc'abal c'oponot yu'un Dios ta swayich te Abimelec, hich halbot: Ya me xlajat ta scaj te ants awic'oje, yu'un nuhpunem, ay smamalal, xchi sc'oblal.

Génesis 20:6

Hich halbot ta swayich yu'un te Diose: Ya jna' te jun awo'tan la apas ini. Ha yu'un la jcomat ta slehel mulil ta jtojol, ha scuentahil te ma ba la jca'bat apic.

Génesis 20:9

Patil te Abimelec la yic' tal te Abraham, hich la yalbe: ¿Bin la apasbotic? ¿Bin mulil jtahoj ta atojol yu'un te la awich' tal te muc'ul mulil ta jtojol soc ta stojol ban c'alal jcuentahinej? La apasbon te bin ma hichuc pasel ya sc'an, la yut.

Génesis 24:2

Te Abraham hich la yalbe te jtuhl ya'bat, te mach'a mamalix ta stojol spisil yantic ay ta sna, te scuentahinej spisil te biluquetic yu'un: Ac'a tal ac'ab ta ye'tal ca',

Génesis 39:10

Jujun c'ahc'al yac ta swulilanel te José; pero ma ba la sch'uhumbe sc'op te yacuc xway soc, o te ya sjoquin.

Génesis 41:40

Ha'at me yac acuentahimbon te jna soc ya me awal mandar ta stojol te pueblo cu'une. Ha nax ta huctajibal cu'un te ho'on xanix toyolon awu'un.

Génesis 42:18

Ta yoxebal c'ahc'al te José hich la yalbe: Pasahic ini, hich ya xcuxajex a, yu'un te ho'one jxi'oj te Diose:

2 Samuel 11:27

C'alal c'ax yorahil te ya yoq'uetay, te David la sticon ta iq'uel tal ta sna. Ha yihnam c'oht, soc la yac' jtuhl yal. Pero te Jehová ma ba lec la ya'iy te bin la spas te David.

2 Samuel 12:13

Te David hich la yal ta stojol te Natán: La jta jmul ta stojol Jehová, xchi. Te Natán la yalbe te David: Te Jehová la spasbatix perdón yu'un te amule, ma ba ya xlajat yu'un.

Nehemías 5:15

Pero te yantic gobernadoretic te nahil ay cu'un la ya'beyic swocol te pueblo, la sc'ambeyic cha'winic (40) ta sehp plata yu'un pan soc vino, soc te a'batetic yu'unic la ya'beyic swocol te pueblo. Pero te ho'one, ma hichuc la jpas, ta scaj la jxi' te Diose.

Nehemías 6:11

Pero hich la jcalbe: Te jtuhl winic hich te bin ut'il ho'on ¿ya bal xloc' ta ahnel? Soc ¿mach'a a, te pajal soc ho'on, te ya x'och ta Templo ta scoltayel scuxlejal? Ma ba ya x'ochon, xchihon.

Job 31:23

Como la jxi' te castigo yu'un Dios, mayuc binti ya xhu' cu'un spasel ta stojol te yutsil yu'ele.

Salmos 51:4

Ha'at nax ta atojol te jtahoj jmul, ha'at nax atuquel, la jpas ta atojol te bin chopol, scuenta yu'un ya xna'ot te stojil bin yac awal, soc te stojil ya xchahpanwanat.

Éxodo 20:14

Ma me xawa'iy antsiwej; ma me xawac' aba ta antsinel.

Proverbios 6:29

Hich ay te mach'a ya yantsibe yihnam te spat-xuhc; te mach'a ya ya'iy antsiwej ya me yich' castigo.

Proverbios 6:32

Soc te mach'a ya ya'iy antsiwej, mayuc snopojibal yu'un; te mach'a hich ya spas ha nix ya sjin sba.

Eclesiastés 7:26

La jta te bin c'ax hich sch'ahal a te bin ut'il te lajele: ha te ants te ha yaquil soc ya xchucawan te yo'tan, soc te ha cadenahetic te sc'abe. Te mach'a tse'el yo'tan Dios yu'un, ma ba ya x'och ta sc'ab stuquel, yan te jmulawil ya me xchucot yu'un.

Jeremías 28:16

Ha yu'un hich yaloj te Jehová: Ya jloq'uesat bahel ta sba te lumq'uinale. Ya me xchamat ta ha'bil ini, como la awal toyba-c'op ta scontrahinel te Jehová, xchi.

Jeremías 50:7

Lajinotic yu'un spisil te mach'atic tahotic yu'une; hich la yalic te scontratac: Ma jmulticuc ho'otic, como ha la sta smulic ta stojol Jehová, te banti ya xnahin te bin stojil ta pasel, te ha smuc'ul yo'tanic te sme'static, xchihic.

Levítico 20:10

Teme ay winic ya yantsimbe yihnam te spat-xuhc, te j'antsiwej soc te j'antsinel ya me xlajic yu'un.

Levítico 6:2

Teme ay mach'a ya sta smul, te ha ya sta falta ta stojol Jehová te bin ut'il ma ba ya ya'beyix te bin ay yu'un te spat-xuhc te a'bibil scuentahin o a'bibil hilel ta sc'ab, o te ya yelc'ambe o ya sbohlobtesbe sc'oblal te spat-xuhc,

Números 32:23

Yan teme ma hichuc yac apasique, la ata amulic ta stojol Jehová. Na'a me te ya me stahex te amulique.

San Lucas 12:48

Yan te a'bat ta scaj ma sna' te bin ya spas te ya yich' majel yu'une, ma ba bayel majel ya yich' stuquel, como spisil te mach'a bayel bin a'bot, bayel bin ya xc'ambot, soc te mach'a bayel bin a'bot scuentahin, c'ax hich ya xc'ambot suhtel a.

1 Corintios 4:2

Ya sc'an ya xchicnaj te jun yo'tanic jujutuhl te jcuentahinwanejetique.

Tito 2:10

Ma me xyelc'anic te yajwalic, ac'a me yaq'uic ta ilel te jun yo'tanic ta stojol, scuenta yu'un hich me lec ya xc'oht sc'oblal yu'unic a te bin ay ta nopbeyel sc'oblal Dios, te Jcoltaywanej cu'untique.

Hebreos 13:4

Apisilic ich'biluc me ta muc' awu'unic te nuhpunel, ma socuc mulil te yac awic' abahique. Ya me x'ich'otic ta c'op yu'un Dios te mach'atic ya ya'iyic chijil-o'tanil soc te ya ya'iyic antsiwej soc antsinel.

1 Juan 3:9

Spisil mach'a ayinem ta stojol Dios, ma ba ya slehulanix smul, como yich'beyej stalel te Diose. Ma xhu' ya slehulanix smul, como ha yal-snich'an te Diose.

Apocalipsis 21:8

Yan te mach'atic ay xiwel ta yo'tanic, te ma sch'uhunic, te chopolic, jmilawetic, j'antsiwejetic, j'antsineletic, j'ilojeletic, mach'atic sch'uhunejic loc'ombahetic soc spisil jlotetic ha yu'unic ya xc'oht te banti yac ta tihlel pamal c'ahc' soc azufre. Ha te schebal buelta lajel abi, xchi te Diose.

Apocalipsis 22:15

Yan te ts'i'etic, te j'ilojeletic, j'antsiwejetic, j'antsineletic, jmilawetic, te mach'atic sch'uhunejic loc'ombahetic soc spisil mach'atic te ya smulanic te ya ya'iyic lot, ya me xhilic ta pat ts'ahc stuquelic.