Génesis 38:9 - Bible in Tzeltal Bachajón

⁹ Pero la sna' te Onán te ma ha'uc sts'umbal nix ya xc'oht, ha yu'un te jujun buelta te ya xway soc te yihnam te chawinic sbanquil ya smal cohel ta lum te snich'an te winique, scuenta yu'un ma ba ya xchicnaj sts'umbal a te sbanquile.

Bible in Tzeltal de Oxchuc y Tenejapa

⁹ Ja'uc me to, la sna' stojol te Onán te ma ja'uc sts'umbal ya xc'ot teme nich'naje, jich yu'un ma la sc'an yac'bey yal te yinam sbanquile. Jich yu'un te jujun buelta ya sjoin sba soque, ma mero la sc'opon sbaic ta lec, swenta yu'un ma xjajch' yal te antse, yu'un ma la sc'an ya yac'bey sts'umbal te sbanquile.

Génesis 38:9 ပူးပေါင်းရင်းမြစ်များ

Génesis 38:10

Te Jehová ma lecuc yo'tan yu'un te hich la spas, ha nix hich la smil.

Job 5:2

Melel ya xmilot yu'un yilimba te mach'a ma sna' q'uinal, ya xmilot yu'un bic'tal-o'tanil te sonso.

Proverbios 27:4

Te ilimba ya x'uts'inwan, te sc'ahc'al-o'tanil ya xjinawan, pero ¿mach'a ya xcuhch yu'un te ti'ti'o'tantayele?

Deuteronomio 25:5

Teme ay cheb winiquetic te yermano sbahic te junax na banti nahinemic, teme ay jtuhl ya xcham, teme mayuc ya xhil jtuhluc snich'ane, te me'ba' ants te cham smamalal ma xhu' ya xnuhpun soc yan winic te yan sbihile; ha nix ya x'ic'ot yu'un te smu'e, yu'un tey ya xchicnaj sts'umbal a te yermano.

Deuteronomio 25:6

Te sba-al te ants, teme querem, ha sjelol ya xc'oht te yermano chame, scuenta yu'un hich ma xch'ay sbihil ta Israel a.

Tito 3:3

Ta nahil to ha nix hichotic, ma ba la jna'tic q'uinal, jc'axun-c'opotic, howiyemotic, mosohimbilotic yu'un chijil-o'tanil soc spisil ta chahp bintic mulambil cu'untic spasel, ca'telinejtic lablab-o'tantaywanej soc ti'ti'o'tantaywanej, ihlaybilotic soc talel c'axel la jquihlay jbahtic.

Santiago 3:14

Yan teme xti'ton awo'tanic soc teme ay tsaltamba ta awo'tanic, ma me xatoy abahic yu'un soc ma me xawa'iyic lot ta scontrahinel te smelelil c'ope.

Santiago 3:16

Como te banti ay ti'ti'o'tantaywanej soc tsaltamba, ay jinel tey a soc spisil bintic chopol ta pasel.

Santiago 4:5

O ¿ya bal acuyic te tojol hich ya yal te Shun Dios: Te espíritu te la yac' ayinuc ta co'tantic, ha bayel xut'et yo'tan, te xchihe?

Rut 1:11

Pero la sjac' te Noemí: Suhtanic bahel, cantsil-alatac; ¿bin yu'un yac ajoquinonic bahel? ¿Yu'un bal ya to xtal xan calatac te ha amamalalic ya xc'ohtic?

Rut 4:10

Soc ha nix hich ya quic' quihnamin te Rut te moab-ants, te yihnam Mahlón, scuenta yu'un ya jcha'hachbe sbihil ta sq'uinal te chawinic, yu'un ma ba ya xch'ay sbihil ta yohlil te yermanotac o ta pueblo yu'une. Ha'ex testigohex yo'tic, xchi.