Génesis 32:6 - Bible in Tzeltal Bachajón

⁶ Te jal c'opetic suhtic tal ta stojol Jacob, hich hul yalbeyic: Suhtotcotiquix tal ta stojol te abanquil Esaú, ha nix ya xtal stahat ta be, soc joquimbil yu'un jbahc' (400) ta tuhl winiquetic, xchihic hulel.

Bible in Tzeltal de Oxchuc y Tenejapa

⁶ Sujt'ic tel te abatetic ticunotic bael yu'un te Jacob, jul yalbeyic: —La jc'opontiquix te abanquil Esaú, jich yu'un ya xtal staatix ta be, ya laj sjoin tel jbajc' ta jtul swinictac —xiic julel.

Génesis 32:6 ပူးပေါင်းရင်းမြစ်များ

Génesis 31:18

soc la smac bahel spisil schansbahlam soc spisil sbiluc te stahoj, (ha te chambahlametic te la spas ta ganar ta Padan-aram), yu'un ya suhtix bahel ta banti ay te Isaac te stat te ay ta sq'uinal Canaán.

Génesis 32:11

Coltayawon loq'uel ta sc'ab te jbanquil Esaú, yu'un ya jxi' te ya xtal smilon soc te alaletic soc te snanique.

Génesis 32:7

Bayel hahch ta xiwel te Jacob soc bayel la smel yo'tan yu'un. Hich la yac' ta cha'tsohb te mach'atic sjoquinej, soc te tuminchijetic, wacaxetic soc te camellohetic,

Génesis 32:8

como hich la yal: Te Esaú teme ya xtal scontrahin te jtsohb, ya xcol te jtsohb xane.

Génesis 33:1

La shach sit te Jacob la yil yac ta talel te Esaú soc jbahc' (400) ta tuhl winiquetic. Ha yu'un jchahpalchahp la yac' te alaletic ta stojol Lea soc Raquel soc te cheb criadahetic.

Génesis 33:15

La yal te Esaú: Ya ca'bat hilel ajoquin j'ohliluc te winiquetic te sjoquinejonic talel, xchi. Hich la yal te Jacob: Teyuc a, teme lecucon ta asit, cajwal, xchi.

Génesis 33:8

Hich la sjoc'oy te Esaú: ¿Bin anopoj yac apas yu'un te jchahpalchahp te la jtahticlan ta be? xchi. La sjac' te Jacob: Ha te lecucon ta sit cajwal ya xc'ohon, xchi.

Génesis 34:11

Soc te Siquem hich la yalbe te stat te Dina soc te sbanquiltac: Ayuc lec ya xc'ohon ta asitic, ya ca'beyex biluc yac ac'ambonic.

Génesis 47:25

Hich la sjaq'uic te ants-winiquetic: Ha'at la awac' cuxajucotic. Lecucotic me ta sit cajwaltic, a'batotcotiquix yu'un faraón ya xc'ohotcotic, xchihic.

Amós 5:19

Hich ya xc'oht te bin ut'il mach'a ya x'ahn loq'uel ta stojol choj, ya sta sba soc oso; o hich te bin ut'il te mach'a ya x'och ta sna soc ya yich' yip sc'ab ta pahc', ya xti'ot ta chan.

Rut 2:13

La sjac' te Rut: Cajwal, bayel yutsil awo'tan ta jtojol soc la amuc'ubtesbon q'uinal ca'iy; la awutsil c'opon te a'bat awu'un aunque ma criadahucon awu'un, xchi.

Rut 2:2

Te Rut te moab-ants la yalbe te Noemí: Awocoluc, ac'awon bahel yu'un ya jtam cebada te hilem yu'un mach'ayuc a te lecon ta sit, xchi. Bahan hiche, cantsil-al, xchi te Noemí.

1 Samuel 1:18

Lecuc me ya xc'oht ta asit te a'bat awu'un, xchi te Ana. Hich suht bahel, we', soc tey mayuquix bin ora la smel yo'tan a.