Génesis 32:11 - Bible in Tzeltal Bachajón

¹¹ Coltayawon loq'uel ta sc'ab te jbanquil Esaú, yu'un ya jxi' te ya xtal smilon soc te alaletic soc te snanique.

Bible in Tzeltal de Oxchuc y Tenejapa

¹¹ Ora yo'tic coltayawon loq'uel ta sc'ab te jbanquil Esaú, yu'un ya jxi', ma me xtal smilon soc te alaletic cu'un soc te sme'ique.

Génesis 32:11 ပူးပေါင်းရင်းမြစ်များ

Génesis 24:27

hich la yal: Bayel yutsil sc'oblal te Jehová te Dios yu'un te cajwal Abraham, te ma ba la yihquitay te sc'uxul yo'tan soc te smelelil sc'op ta stojol te cajwal, te la stojobteson tal ta sbehlal te sna yermanotac te cajwal, xchi.

Génesis 27:41

Te Esaú la sp'aj te Jacob yu'un te bendición a'bot yu'un te state, hich la yal ta yo'tan: Nopol sta yorahil mel-o'tan yu'un te ya xcham te jtate, tey ya jmil a te quihts'in Jacob, xchi.

Génesis 27:42

Halbot ya'iy te Rebeca te bin la yal te Esaú te sba-al, ha yu'un la sticon ta iq'uel tal Jacob te ihts'inal, hich la yalbe: A'iya awa'iy, te abanquil Esaú ha smuc'ul yo'tan te snopoj te ya smilat.

Génesis 32:3

Te Jacob nahil la sticon bahel jal c'opetic ta stojol te sbanquil Esaú ta sq'uinal te Seir, ta sq'uinal Edom.

Génesis 32:7

Bayel hahch ta xiwel te Jacob soc bayel la smel yo'tan yu'un. Hich la yac' ta cha'tsohb te mach'atic sjoquinej, soc te tuminchijetic, wacaxetic soc te camellohetic,

Génesis 33:4

Pero te Esaú ahnimal baht sta tal soc la smech', la smey tal ta snuc' soc la yuhts'uy; oc' schebalic.

2 Samuel 7:18

Ha yu'un te ajwalil David och bahel ta stojol Jehová, hich la yal: Cajwal Jehová, ¿mach'ahon a, soc mach'a a te mach'atic ay cu'un, te li' c'alali la awic'on tal?

Salmos 119:134

Ac'awon ta libre yu'un te uts'inel yu'un ants-winiquetic, yu'un hich ya jch'uhun spasel te halbil mandariletic awu'une.

Salmos 142:6

A'iybon awa'iy caw, yu'un ay bayel jwocol. Ac'awon ta libre yu'un te mach'atic ya snutsonic, yu'un c'ax hich ay yipic a te bin ut'il te ho'one.

Salmos 16:1

Canantayawon, Dios cu'un, como ha'at smuc'ulinejat co'tan.

Salmos 25:20

¡Canantaybon te jcuxlejal soc ac'awon ta libre! Ma xawac'on ta q'uexlal, como smuc'ulinejat te co'tane.

Salmos 31:2

Ts'ehana achiquin ta jtojol, ac'awon ta libre ta ora. ¡Ha'uc me toyol ch'entiquilat cu'un soc ahnibalat banti ya xcolon!

Salmos 43:1

Chahpanawon, Dios cu'un, c'opojan cu'un ta stojol te pueblo te ma sch'uhunejat; ac'awon ta libre ta stojol mach'a jlo'loywanej soc chopol.

Proverbios 18:19

Te mach'a il-o'tantayot yu'un yermano c'ax hich stulanil yo'tan a te bin ut'il jun pueblo te joytaybil ta ts'ahc, soc te c'op ta yohlil mach'atic yermano sbahic hich ay te bin ut'il sc'atal te'etic yu'un muc'ul na.

Daniel 3:17

Te Dios cu'uncotic, te cac'oj jbahcotic ta a'batinel yu'une, ya xhu' ya scoltayotcotic loq'uel ta horno banti yac ta tihlel c'ahc', soc ya xhu' ya scoltayotcotic loq'uel ta ac'ab, ajwalil.

Oseas 10:14

ya xhahch juyetel ta pueblohetic awu'un, soc ya xjihn spisil te ahnibal ts'ahquetic awu'une, hich te bin ut'il te Salmán la sjin te Bet-arbel ta yorahil guerra, te c'alal la yich'ic butsticlanel te naniletic soc te yalataque.

San Mateo 6:13

Ma me xawac'otcotic ta sujel ta mulil, ac'awotcotic ta libre yu'un te bin chopol, como ha'at awu'un te cuentahinwanej, te ay awu'el soc awutsilal sbahtel q'uinal. Hichuc.

Deuteronomio 22:6

Teme ay yac ata ta be spechech ha'mal mut, teme ay ta te' o ay ta lum, teme ay sbic'tal-al o ay ston tey a, teme luts'bil yu'un te sme'e, ma me xawic' bahel soc sme' te yalatac.

1 Samuel 12:10

Pero awonic ta stojol Jehová, hich la yalic: La jta jmulcotic, yu'un la jquihquitaycotic hilel te Jehová, la jch'uhuntaycotic te baaletic soc te Astarot. Coltayawotcotic loq'uel ta sc'ab te jcontracotic, ya me jch'uhuntayatcotic, xchihic.

1 Samuel 24:15

Te Jehová ha juez ya xc'oht cu'untic, ya me yilotic ta jchebaltic. Ha ac'a yil soc ac'a c'opojuc cu'un, ac'a yac'on ta libre ta ac'ab, xchi.