Génesis 3:5 - Bible in Tzeltal Bachajón

⁵ Sna'oj Dios te bin ora yac alo'beyic te sit ya me xjahm asitic, pajal soc Dios ya xc'ohex, ha te yac ana'ic te bin lec soc te bin ma lecuque, xchi.

Bible in Tzeltal de Oxchuc y Tenejapa

⁵ Sna'oj stojol Dios te bi ora ya alo'bey sit, ya me ana'ic stojol bila lec soc te bila ma lecuque, pajal ya xc'oex soc te Diose —xi'.

Génesis 3:5 ပူးပေါင်းရင်းမြစ်များ

Génesis 2:17

yan te te' yu'un sna'el te bintic lec soc te bintic ma lecuc ma me xalo'be sit stuquel, como te bin ora yac alo'be te site, ya me xchamat yu'un, xchi.

Génesis 2:9

Te Jehová Dios la yac' coluc ta lumq'uinal spisil ta chahp te'etic te t'ujbil ta ilel soc te lec ta lo'beyel sit. Soc ta yohlil te ts'umbil q'uinal ay te te' scuenta cuxlejal soc te te' scuenta sna'el te bintic lec soc te bintic ma lecuque.

Génesis 3:10

La sjac' te winic: La jca'iy yacat ta c'axel ta yohlil te ts'umbil q'uinal, tal xiwel ta co'tan yu'un mayuc jc'u' jpac', ha yu'un la jnac' jba, xchi.

Génesis 3:22

Soc hich la yal te Jehová Dios: Pajal c'ohemix soc ho'otic te winique, te bin ut'il ya sna' bin lec soc te bin ma lecuc. Ha yu'un ma sc'an te ya shach sc'ab yu'un ya stsac slo'be sit te te' scuenta cuxajel, te hich ya xcuxaj sbahtel q'uinal a, xchi.

Génesis 3:7

Hich jahm sit schebalic soc la sna'ic te mayuc sc'u' spaq'uic. Ha yu'un la sts'isic ya'binal higuera, la smac sbaq'uetalic a.

1 Reyes 22:6

Ha yu'un te ajwalil yu'un Israel la stsob jalwanejetic, ay wan jbahc' ta tuhl, hich la sjoc'obe: ¿Ya bal ca'be guerra te Ramot yu'un Galaad, o ma'uc? xchi. Bahan, te Jehová ya me ya'be ta sc'ab te ajwalil, xchihic.

2 Crónicas 32:15

Ma me xawac' slo'loyex te Ezequías, te hich ya showiytesex. Ma me xach'uhunic, teme mayuc junuc dios yu'un spisil te nacionetic te hu' yu'un ya scoltay ta jc'ab soc ta sc'ab te tatiletic cu'une, ¿ha'uc to balix a te Dios awu'unic te ya xhu' yu'un scoltaybelex ta jc'ab? xchi.

Salmos 12:4

te mach'atic hich ya yalic: Ya me ca'iytic tsalaw ta scuenta jc'optic, ha cu'untic te quetic, ¿mach'a ajwalil cu'untic? te xchihique.

Éxodo 20:7

Ma me xatojoltabe ta halel sbihil te Jehová te Dios awu'un, como te Jehová ma ba ya yal te mayuc smul te mach'a ya stojoltabe ta halel te sbihile.

Éxodo 5:2

Pero la sjac' te faraón: ¿Mach'a a te Jehová te ya jch'uhumbe sc'op te ya cac' bahel te Israel? Ma jna'be sba te Jehová yac awale, soc ma ba ya cac' bahel te Israel, xchi.

Isaías 14:14

ya xmohon bahel ta stoyolil tocal, pajal ya xc'ohon soc te Mach'a Mero Toyol, xchihat.

Ezequiel 13:22

Te bin ut'il yac awa'beyic smel yo'tan ta scuenta lot te mach'a toj yo'tan, te ma ho'ucon la jca'be smel yo'tan, soc te la awa'beyic yip sc'ab te mach'a chopol yo'tan scuenta yu'un ma ba ya yihquitay te chopol be, ha te la awa'beyic xan yip yo'tan,

Ezequiel 28:12

Snich'anat winic, c'ayojtaybeya c'ayoj scuenta mel-o'tan te ajwalil yu'un Tiro, hich xawalbe: Hich yaloj te Jehová: Ha'at sellohat yu'un te bin mero lec, nojelat ta p'ijil-o'tanil soc mero lec at'ujbilal.

Ezequiel 28:2

Snich'anat winic, halbeya te ajwalil yu'un Tiro: Hich yaloj te Jehová, te Ajwalil: La atoyba aba soc awo'tan, hich la awal: Ho'on dioson, huculon ta smuc'ul huctajib dios ta yohlil te mar, xchihat; pero ha'at winicat, ma diosucat, acuyoj aba te pajal awo'tan soc jun dios.

Ezequiel 28:9

¿Hich bal ya xc'opojat ta stojol te mach'a ya smilat: Ho'on dioson, xchihat bal? Ha'at winicat, ma diosucat ta sc'ab te mach'a ya smilate.

Ezequiel 29:3

Hich me xawalbe: Hich yaloj te Jehová, te Ajwalil: Jcontrahinejat, Faraón, ajwalilat yu'un Egipto, te muc'ul dragón te metsel ta muc'ul-ha' yu'un, te hich ya yal: Ho'on cu'un te muc'ul-ha' Nilo, ho'on jpasoj, te xchihe.

Daniel 4:30

hich la yal: ¿Ma bal ha'uc ini te muc'ul Babilonia te la jpas ta scuenta bayel quip banti ya xnahin ajwalil, soc scuenta yich'el ta muc' te cutsilale? xchi.

Daniel 6:7

Spisil te gobernadoretic yu'un te ban c'alal jcuentahinejtic, te j'il-a'teliletic, schebal ajwaliletic, príncipaletic soc capitanetic la schap sc'opic te ay bin ya yal ta mandar te ajwalil soc ya yac' te ya xc'oht ta pasel, ha te mach'ayuc a te ay bin ya sc'ambe jtuhl dios o jtuhl winic ta lajuneb scha'winic (30) c'ahc'al, te ma ba atuquel nax ya sc'ambat, ya yich' ch'ojel ochel ta sch'en chojetic.

San Mateo 6:23

Yan teme ma lecuc te asite, scohtol abaq'uetal ay ta yihc'al q'uinal. Ha yu'un teme ha yihc'al q'uinal te sacal q'uinal awu'une, c'ax ihc' ya xc'oht te yihc'al q'uinal abi.

Hechos 26:18

yu'un yac ajambe sitic scuenta yu'un ya xloq'uic ta yihc'al q'uinal, ya x'ochic ta sacal q'uinal, soc te ma ba ya x'ayiniquix ta scuenta yu'el te Satanás, te ha ya xtalic ta stojol Dios; scuenta yu'un ya xpasbotic perdón yu'un smulic ta scuenta sch'uhunel yo'tanic ta jtojol soc pajal ay bin ya yich'ic soc te mach'atic ch'ultesbilique, xchi jc'oblal.

2 Corintios 11:3

Pero hich te bin ut'il te chan la smombe yo'tan ta lo'loyel te Eva, ya jxi' te ay wan bin ut'il ya showiytesbeyex te snopojibal awu'unic, te hich ma junuquix awo'tanic ta stojol Cristo.

2 Corintios 4:4

ha te mach'atic ma xch'uhunic, te macbibil spensaric yu'un te dios yu'un te bahlumilal ini, scuenta yu'un ma ba ya yilic te sacal q'uinal yu'un te lec yach'il c'op yu'un te yutsilal te Cristo, te ha slop'tayej sba a te Diose.

2 Tesalonicenses 2:4

te ya scontrahin soc ya stoy sba ta stojol spisil bintic a'bot sbihilin Dios o te bintic ay ta ch'uhuntayel; ya x'och shuhcan sba ta templo yu'un Dios, ya yac' sba ta cuyel ta Dios.

Apocalipsis 13:14

Ya slo'loylan mach'atic nahinemic ta bahlumilal ta scuenta te señahiletic ya x'a'bot spas ta stojol te chambahlam te xiweltic sba, ya spasticlan ta mandar te ya me spasbeyic sloc'ombahil te chambahlam te xiweltic sba te ehchentesot ta espada pero cuxaj.

Apocalipsis 13:4

La sch'uhuntayic te dragón te la ya'be yich' ya'tel te chambahlam te xiweltic sba, soc la sch'uhuntayic te chambahlam te xiweltic sba, hich la yalic: ¿Mach'a a te pajal soc te chambahlam te xiweltic sba, soc mach'a ya xhu' ya ya'be guerra? xchihic.

Jueces 3:2

ha nax la yihquitay hilel yu'un ya snopic yaq'uel guerra te cajalcaj snich'nab Israel, te ya ya'be snopic mach'atic ma to sna'ic: