Génesis 3:19 - Bible in Tzeltal Bachajón

¹⁹ Ta scuenta achic' yac ata awe'el, ha to c'alal ya xc'atp'ujat ta lum, como tey chicnajemat talel a; ta ts'ubil lum pasbilat, ta ts'ubil lum ya suhtat, xchi te Diose.

Bible in Tzeltal de Oxchuc y Tenejapa

¹⁹ Buen chic' ya x'ac'botat te bit'il ya ata awe'ele, ja' to te c'alal ya sujt'at ta lumq'uinal, melel ta ts'ubil lum pastajat, ja' nix jich ts'ubil lum ya sujt'at —xi' te Diose.

Génesis 3:19 ပူးပေါင်းရင်းမြစ်များ

Génesis 18:27

La sjac' xan te Abraham: Hahchemonix ta c'op soc te Cajwal, aunque ts'ubilumon soc tanon.

Génesis 2:7

Dios la spas te winic ta ts'ubil lum, la shuhxibe sni' ta ic' yu'un cuxlejal, hich cuxaj.

Génesis 23:4

Ho'on jyanlumon soc jmelmonelon ta awohlilic. A'bon q'uinal yu'un muquenal, yu'un tey ya jmuc a te mach'a chamen cu'un, xchi.

Génesis 3:18

Ya xcol bayel ta chahp ch'ixetic, soc yac awe'ic itaj te ya xcol ta q'uinal.

Génesis 5:5

Te c'alal ayix lajuneb shucwinic yoxbahc' (930) ya'bilal a te Adán, cham.

Job 1:21

hich la yal: Watalon a la yayinteson jnan, watalon a ya suhton bahel. Jehová la yac', Jehová la sloq'ues. ¡Bayeluc me yutsil sbihil te Jehová! xchi.

Job 10:9

Na'a me te la achahpanon hich te bin ut'il ahch'al; ¿ya bal asutp'inon ta ts'u'lum?

Job 19:26

soc te c'alal lajemix a te jnuhculel, ta jbaq'uetal ya me quilbe sit te Diose.

Job 21:26

Pero pajal ya xwayic ta ts'u'lum, soc ya xmucotic ta yal ha.

Job 34:15

spisil bintic cuxajtic pajal ya xlajic, soc te ants-winic ya scha'sutp'ij xan ta ts'u'lum.

Job 4:19

¡ha'uc to balix a te mach'atic snahinejic ahch'al, te yich'oj hahchel yip ta ts'u'lum, te ya yich'ic p'e'el hich te bin ut'il tut sulup!

Salmos 103:14

como ya sna' bin ut'il ayotic, ya sna' te ha ts'ubilumotic.

Salmos 104:23

Ya xloc' tal ta a'tel te ants-winiquetic, ya x'a'tejic ha to ta tibiltic.

Salmos 104:29

Teme yac anac' asit awelaw ta stojolic, ya xiwic; teme yac apojbe te ic' yu'unic, ya xchamic, ya sutp'ijic ta ts'ubilum.

Salmos 127:2

Tojol te sab ya xhahchex soc c'ubix ahc'abal a ya xwayex, te yac awe' pan atahoj scuenta sc'uxul awa'tel, como Dios ya ya'be swayel te mach'atic c'ux ta yo'tan.

Salmos 22:15

Taquij quip hich te bin ut'il xeht'elul oxom, soc la slap' sba cac' ta jpa'jaj. ¡La awac'on ta ts'u'lum yu'un lajel!

Salmos 22:29

Ya me xwe'ic soc ya me sch'uhuntayic spisil mach'atic ay yipic ta bahlumilal; ya me squejan sbahic ta stojol spisil mach'atic ya xcohic bahel ta ts'u'lum, ha te mach'atic ma xhu' yu'unic scanantayel scuxlejalic.

Salmos 90:3

Yac awac' suhtuc ta ts'ubil lum te ants-winiquetic, hich yac awal: Sutp'ijanic ta ts'ubil lum, yal-snich'nabex ants-winiquetic, xchihat.

Proverbios 21:16

Te winic te ya yihquitay hilel te be yu'un p'ijil-o'tanil ya xc'oht sjoquin te mach'atic chamenic.

Eclesiastés 1:13

La jca'telin yilel soc slehel ta scuenta p'ijil-o'tanil spisil bin ya yich' pasel ta ye'tal ch'ulchan. Ha tulan a'tel a'bot yu'un Dios te yal-snich'nab ants-winiquetic scuenta yu'un ya x'a'tejic a.

Eclesiastés 1:3

¿Bin ya xloc' yu'un a te winic yu'un spisil te ya'tel ya spas ta ye'tal ch'ulchan?

Eclesiastés 12:7

o te ya suht xan bahel ta lumq'uinal te ts'ubilum, hich te bin ut'il ay ta nahil to, soc te ch'uhlelal ya suht xan bahel ta stojol Dios te ha nix a'bibil yu'une.

Eclesiastés 3:20

Spisil ya xbahtic ta junax awilal; spisil pasbil ta ts'ubilum, soc spisil ya suht xan ta ts'ubilum.

Eclesiastés 5:15

Watal a ayintesot yu'un snan, ha nix hich ya xcha'suht bahel; mayuc bin ay yu'un te ya'tel te ya xhu' ya yich' bahele.

Daniel 12:2

Tsobol te mach'atic wayalic ta ts'ubil lum ya xhahchic: ay mach'atic ya yich' scuxlejalic scuenta sbahtel q'uinal, te yantic ya xbahtic ta q'uexlal soc ta p'ajel sbahtel q'uinal.

1 Corintios 15:47

Te sba winic loq'uem tal ta lum, ha yu'un bahlumilal; te schebal winic, ha te Cajwaltic, talem ta ch'ulchan.

Efesios 4:28

Te mach'a ya sna' elec', ma me xya'iyix elec', ac'a a'tejuc, ac'a spas ta sc'ab te bin lec ta pasel, scuenta yu'un hich ya sta a te bin ya ya'be te mach'a mayuc bin ay yu'une.

1 Tesalonicenses 2:9

Ana'ojic, quermanotac, te luhbotcotic ta a'tel; bin ut'il a'tejotcotic c'ahc'al ahc'abal scuenta yu'un mayuc mach'a ya ca'becotic swocol te c'alal la jcalbeyexcotic te lec yach'il c'op yu'un te Diose.

2 Tesalonicenses 3:10

Hich nix la jpasex ta mandar te c'alal joquexcotic to a: Te mach'a ma sc'an ya x'a'tej, ma me xwe', xchihotcotic.

Hebreos 9:27

Jmehl nax ya xchamic ants-winiquetic, patil ay ich'el ta c'op,